یعقُوب 2:6 - کِتاب مُقدّس سرائیکی ترجمہ

⁶ پر تُساں غریب دی بے عزتی کیتی۔ کیا دولت مند ای تُہاڈے اُتے ظلم نئیں کریندے تے تُہاکُوں عدالتاں ءچ گِھیل تے نئیں گِھن ویندے؟

یعقُوب 2:6 Referans Kwoze

1کُرِنتھِیوں 11:22

کیا کھاوݨ تے پِیوݨ کیتے تُہاڈے گھر نئیں؟ یا کیا تُساں خُدا دی کلیسیا کُوں ناچیز سمجھ تے جِنہاں کولھ کُجھ نئیں اُنہاں کُوں شرمندہ کریندے ہیوے؟ مَیں تُہاکُوں کیا آکھاں؟ کیا اِیں کیتے تُہاڈی تعریف کراں؟ مَیں تُہاڈی تعریف نئیں کر سگدا۔

یعقُوب 5:4

ڈیکھو! جیہڑی مزدُوری تُساں آپنڑے کھیتاں ءچ کم کرݨ آلیاں کُوں نئیں ڈِتی، او تُہاڈے خلاف چیخدی پئی ہے تے فصل کپنڑ آلیاں دی فریاد لشکراں دے رب دے کَناں تئیں پُج گئی ہے۔

یعقُوب 2:3

تے تُساں اُوں شاندار کپڑے آلے دا لحاظ کر تے اُونکُوں آکھو جو ”اِتھاں چنگی جاہ تے باہو“ پر اُوں غریب کُوں آکھو جو ”تُوں اُتھاں کھڑا رہ“ یا ”میڈے پیراں دے کولھ بہہ وَنج“

اعمال 17:6

پر جِیں ویلے اُنہاں کُوں او نہ مِلے تاں یاسون تے بہُوں سارے ڈُوجھے مسیحی بِھرانواں کُوں گِھیل تے شہر دے حاکماں دے کولھ گِھن گئے تے چیخ تے آکھیا ”او بندے جِنہاں ساری دُنیا کُوں اُلٹ پُلٹ کر ڈِتے، ہُنڑ اِتھاں وی آ گئے ہِن،

اعمال 13:50

پر یہُودیاں خُدا پرست تے معزز عورتاں تے شہر دے راہنماواں کُوں بھڑکایا تے پولُس تے برنباس کُوں ستاوݨ کیتے اُبھار تے اُنہاں کُوں آپنڑے علاقے ءچوں کڈھ ڈِتا۔

اعمال 8:3

پر ساؤل کلیسیا کُوں تباہ کریندا ریہا۔ او گھر گھر وَنج تے مرداں تے عورتاں کُوں گِھیل تے قید کرویندا ہا۔

یعقُوب 5:6

تُساں بے قصُور کُوں قصُوروار بنڑایا تے قتل کر ڈِتا بھانویں اُوں تُہاڈا مُقابلہ نہ کیتا۔

اعمال 18:12

جِیں ویلے گلیّو اَخیہ دا گورنر ہا تاں یہُودیاں رَل تے پولُس اُتے ہَلہ بول ڈِتا تے اُونکُوں پکڑ تے عدالت ءچ گِھن گئے،

یُوحنّا 8:49

یسُوع جواب ڈِتا، ”میڈے ءچ بدرُوح نئیں پر مَیں آپنڑے باپ دی عزت کریندا ہاں تے تُساں میڈی بے عزتی کریندے ہیوے۔