یعقُوب 2:5 - کِتاب مُقدّس سرائیکی ترجمہ

⁵ میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

یعقُوب 2:5 Referans Kwoze

متّی 5:3

”مُبارک ہِن او جیہڑے دل دے غریب ہِن، کیوں جو اسمان دی بادشاہی اُونہی دی ہے۔

لُوقا 6:20

وَل اُوں آپنڑے شاگرداں اُتے نِگاہ کر تے آکھیا، ”مُبارک ہیوے تُساں جیہڑے غریب ہیوے کیوں جو خُدا دی بادشاہی تُہاڈی ہے۔

مُکاشفہ 2:9

”مَیں تیڈی مُصیبت تے غریبی کُوں جانڑدا ہاں، پر حقیقت ءچ تُوں دولت مند ہیں۔ تے مَیں اُنہاں لوکاں دی تُہمت کُوں وی جانڑدا ہاں جیہڑے آپنڑے آپ کُوں بنی اِسرائیل تاں اکھیندے ہِن پر ہِن نئیں بلکہ شیطان دی جماعت ہِن۔

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

لُوقا 12:21

اِینویں ای اُوں بندے نال ہوسی جیہڑا آپنڑے کیتے خزانہ جمع کریندے تے خُدا دے حضُور دولت مند نئیں۔“

1 پطرس 1:4

یعنی ہِک نہ ختم تھیوݨ آلی، بے داغ تے لازوال میراث جیہڑی خُدا دی طرفوں ساڈے کیتے اسمان اُتے محفوظ ہے۔

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

عبرانیوں 11:26

اُوں مسیح دی خاطر بے عزت تھیوݨ کُوں مِصر دے خزانیاں کنُوں وڈی دولت سمجھیا کیوں جو اُوندی نِگاہ اجر اُتے لگی ہوئی ہئی۔

لُوقا 12:32

چھوٹے اِجڑ! نہ ڈر، کیوں جو تُہاڈے باپ کُوں پسند آیا جو تُہاکُوں بادشاہی ڈیوے۔

1کُرِنتھِیوں 2:9

پر جِینویں پاک کلام ءچ لِکھیا ہے اُونویں ای تھیّا جو ”جیہڑا نہ تاں کہیں اکھ ڈِٹھا، نہ کہیں کَن سُنڑیا، نہ کہیں دے خیال ءچ آیا، او سبھ کُجھ خُدا اُنہاں کیتے تیار کیتا جیہڑے اُوں نال محبت رکھیندے ہِن۔“

متّی 25:34

وَل بادشاہ آپنڑے سجے پاسے آلیاں کُوں اکھیسی، ’آؤ میڈے باپ دے مُبارک لوکو، اُوں بادشاہی کُوں جیہڑی دُنیا بنڑݨ تُوں پہلے تُہاڈے کیتے تیار کیتی گئی ہے، میراث ءچ گِھنو۔

مُکاشفہ 21:7

جیہڑا غالب آسی او اِنہاں چیزاں دا وارث ہوسی۔ مَیں اُوندا خُدا ہوساں تے او میڈا پوتر ہوسی۔

یعقُوب 1:9

غریب بِھرانواں کُوں مسیح ءچ آپنڑے اُچے مرتبہ اُتے فخر کرنڑا چاہیدے۔

2 تِیمُتھِیُس 4:8

ہُنڑ راستبازی دا تاج میڈے کیتے رکھیا ہے۔ ایہ تاج خُداوند جیہڑا عادل مُنصف ہے میکُوں آپنڑے واپس آوݨ دے ڈینہہ ڈیسی۔ تے نہ صرف میکُوں بلکہ اُنہاں ساریاں کُوں وی جِنہاں اُوندے ظاہر تھیوݨ دی سِک رکھی ہے۔

2کُرِنتھِیوں 6:10

ڈُکھی ہیں پر ہمیشاں خوش راہندے ہیں، غریب ہیں پر بہُوں ساریاں کُوں دولت مند بنڑا ڈیندے ہیں، مسکین ہیں پر ساڈے کولھ سبھ کُجھ ہے۔

مُکاشفہ 3:18

میڈا مشورہ ایہ ہے جو مَیں کنُوں بھاہ ءچ خالص کیتا ہویا سونا مُل گِھن چا، تاں جو دولت مند تھی ونجیں تے مَیں کنُوں چِٹے کپڑے گِھن چا، تاں جو اُنہاں کُوں پا تے تیکُوں ننگا تھیوݨ دے سببّوں شرمندہ نہ تھیونڑا پووے تے آپنڑے اکھیں ءچ پاوݨ کیتے سُرمہ گِھن چا، تاں جو ڈیکھ سگیں۔

1 تِیمُتھِیُس 6:18

اُنہاں کُوں حُکم ڈے جو او نیکی کرݨ تے نیک کماں دے لحاظ نال دولت مند بنڑݨ تے ہمیشاں سخاوت کر تے ڈُوجھیاں دی مدد کرݨ کیتے تیار راہوݨ۔

لُوقا 16:25

ابرہام آکھیا، ’پوتر، یاد کر جو تُوں آپنڑی زندگی ءچ چنگیاں چیزاں گِھن گِھدیاں تے اِینویں ای لعزر بُریاں چیزاں۔ پر ہُنڑ او اِتھاں ارام ءچ ہے تے تُوں عذاب ءچ۔

متّی 11:5

جو اندھے ڈیدھے ہِن، منڈے ٹُردے ہِن، کوڑھی پاک صاف کیتے ویندے ہِن، ڈورے سُنڑدے ہِن، مُردے زندہ کیتے ویندے ہِن تے غریباں کُوں خوشخبری سُنڑائی ویندی ہے۔

2 پطرس 1:11

بلکہ اِیندے نال تُساں ساڈے خُداوند تے نجات ڈیوݨ آلے یسُوع مسیح دی ابدی بادشاہی ءچ وڈی عزت نال داخل کیتے ویسو۔

2 تِیمُتھِیُس 4:18

خُداوند میکُوں ہر بُرے حملے کنُوں بچیسی تے سلامتی نال آپنڑی اسمانی بادشاہی ءچ پُچیسی۔ اُوندی تعریف ہمیشاں تئیں تھیندی راہوے۔ آمین۔

2تھِسّلُنیکیوں 1:5

ایہ خُدا دی سچی عدالت دا واضح ثبوت ہے تاں جو تُساں اُوندی بادشاہی دے لائق تھی سگو جیندے کیتے تُساں ڈُکھ چیندے پئے ہیوے۔

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

رومیوں 8:17

تے جے فرزند ہیں تاں وارث وی ہیں یعنی خُدا دے وارث تے مسیح دے ہم میراث، شرط ایہ ہے جو اساں اُوندے نال ڈُکھ چاؤں تاں جو اُوندے نال جلال وی پاؤں۔

لُوقا 16:22

اِینویں تھیّا جو او غریب مر گِیا تے فرشتیاں اُونکُوں گِھن تے ابرہام دی جھولی ءچ پُچا ڈِتا تے امیر بندہ وی مر گِیا تے دفن تھیّا۔

یعقُوب 1:16

میڈے پیارے بِھراؤ، دوکھا نہ کھاؤ۔

1تھِسّلُنیکیوں 2:12

اساں ہر ہِک کُوں نصیحت تے تسلی ڈیندے ریہے تے سمجھیندے ریہے جو تُساں خُدا دے لائق زندگی گُزارو، جئیں تُہاکُوں آپنڑی بادشاہی تے جلال ءچ شریک تھیوݨ کیتے سڈیا ہے۔

اِفِسیوں 1:18

تے تُہاڈے دل دے اکھیں روشن تھی ونجنڑ تاں جو تُساں جاݨ گِھنو جو خُدا تُہاکُوں کیجھی اُمید کیتے سڈے تے مُقدّساں کیتے اُوندے جلال آلی میراث دی دولت کیجھی ہے،

2کُرِنتھِیوں 4:15

ایہ سبھ کُجھ تُہاڈے فائدے کیتے ہے تاں جو بہُوں سارے لوکاں اُتے فضل تھیوے تے نتیجہ ءچ شُکرگُزاری ودھدی ونجے جیندے نال خُدا کُوں جلال مِلے۔

یُوحنّا 7:48

کیا سرداراں یا فریسیاں ءچوں کوئی اُوندے اُتے اِیمان گِھن آئے؟

لُوقا 22:29

تے جِینویں میڈے باپ میکُوں ہِک بادشاہی عطا کیتی ہے، مَیں وی تُہاکُوں عطا کریندا ہاں۔

مرقس 7:14

وَل یسُوع لوکاں کُوں آپنڑے کولھ سڈ تے آکھنڑ لگا، ”تُساں سارے میڈی سُنڑو تے سمجھو۔

اعمال 7:2

اُوں آکھیا ”بِھراؤ تے بزُرگو سُنڑو! جلالی خُدا ساڈے پِیُو ابرہام اُتے اُوں ویلے ظاہر تھیّا جِیں ویلے او حاران شہر ءچ آباد تھیوݨ کنُوں پہلے مسوپتامیہ ءچ ہا،

یعقُوب 1:19

میڈے پیارے بِھراؤ، یاد رکھو جو ہر بندہ سُنڑݨ ءچ تیز، بولنڑ ءچ اتاولا نہ ہووے تے جلدی کوڑیجنڑ آلا نہ ہووے۔