یعقُوب 2:1 - کِتاب مُقدّس سرائیکی ترجمہ

¹ میڈے بِھراؤ، ساڈے جلالی خُداوند یسُوع مسیح اُتے اِیمان رکھیندے ہوئے تُہاڈے ءچ طرفداری نہ ہووے۔

یعقُوب 2:1 Referans Kwoze

یعقُوب 2:9

پر جے تُساں طرفداری نال کم گِھندے ہیوے تاں گُناہ کریندے ہیوے تے شریعت تُہاکُوں قصُوروار کھڑیندی ہے۔

یعقُوب 3:17

پر جیہڑی حِکمت اسمان کنُوں آندی ہے، اوّل تاں او پاک ہوندی ہے، وَل امن پسند، نرم مزاج تے تربیت قبول کرݨ آلی ہوندی ہے تے رحم تے چنگے کماں نال بھری ہوندی ہے۔ اُوندے ءچ طرفداری تے منافقت نئیں ہوندی۔

یعقُوب 2:3

تے تُساں اُوں شاندار کپڑے آلے دا لحاظ کر تے اُونکُوں آکھو جو ”اِتھاں چنگی جاہ تے باہو“ پر اُوں غریب کُوں آکھو جو ”تُوں اُتھاں کھڑا رہ“ یا ”میڈے پیراں دے کولھ بہہ وَنج“

یہُوداہ 1:16

ایہ لوک ہمیشاں بَک بَک تے عیب جوئی کریندے ہِن تے آپنڑیاں خواہشاں دے پِچُھوں ٹُردے ہِن تے آپنڑے بارے ءچ وڈے بول بُولیندے ہِن تے آپنڑے فائدے کیتے ڈُوجھیاں دی خوشامد کریندے ہِن۔

1 تِیمُتھِیُس 5:21

مَیں خُدا، مسیح یسُوع تے چُنڑے ہوئے فرشتیاں کُوں گواہ بنڑا تے تیکُوں تاکید کریندا ہاں جو اِنہاں گالھیں اُتے بغیر تعصب تے بغیر طرفداری دے عمل کر۔

متّی 22:16

بس اُنہاں آپنڑے شاگرداں کُوں ہیرودیس دے پیروکاراں نال اُوندے کولھ بھیجیا تے اُنہاں آکھیا، ”اُستاد! اساں جانڑدے ہیں جو تُساں سچے ہیوے تے سچائی نال خُدا دی راہ دی تعلیم ڈیندے ہیوے، تے کہیں دی پرواہ نئیں کریندے کیوں جو تُساں کہیں بندے دے طرفدار نئیں۔

1کُرِنتھِیوں 2:8

اِیں جہان دے حاکماں ءچوں کہیں وی اِیں حِکمت کُوں نہ سمجھیا۔ جے سمجھ گِھندے تاں جلال دے خُداوند کُوں صلیب اُتے نہ چڑھیندے۔

مُکاشفہ 14:12

اِیں واسطے مُقدّساں یعنی خُدا دے حُکماں اُتے عمل کرݨ آلیاں تے یسُوع اُتے اِیمان رکھنڑ آلیاں کُوں صبر کرݨ دی ضرورت ہے۔

طِطُس 2:13

تے نال نال اُوں مُبارک اُمید یعنی آپنڑے عظیم خُدا تے نجات ڈیوݨ آلے یسُوع مسیح دے جلال ظاہر تھیوݨ دے اِنتظار ءچ راہوں۔

اعمال 20:21

مَیں یہُودیاں تے یُونانیاں ڈوہائیں دے سامنڑے گواہی ڈیندا ریہا ہاں جو او خُدا دو رجُوع کر تے توبہ کرݨ تے ساڈے خُداوند یسُوع المسیح اُتے اِیمان گِھن آوݨ۔

2 پطرس 1:1

ایہ خط میں شمعون پطرس دی طرفوں جیہڑا یسُوع مسیح دا خادم تے رسُول ہاں، اُنہاں لوکاں دے ناں ہے جِنہاں ساڈے خُدا تے نجات ڈیوݨ آلے یسُوع مسیح دی راستبازی دے ذریعے ساڈے وانگُوں قیمتی اِیمان حاصل کیتے۔

طِطُس 1:1

ایہ خط میں پولُس دی طرفوں ہے جیہڑا خُدا دا خادم تے یسُوع مسیح دا رسُول ہاں۔ میں اِیں واسطے مقرر کیتا گِیا تاں جو خُدا دے چُنڑے ہوئے لوک اِیمان ءچ تے اُوں سچائی دی پچھاݨ ءچ ترقی کرݨ جیہڑی دیندار زندگی دو گِھن ویندی ہے،

1 تِیمُتھِیُس 1:19

تے اِیمان تے نیک نیّتی اُتے قائم راہویں کیوں جو کُجھ لوکاں اِینکُوں رَد کر ڈِتے، تے آپنڑے اِیمان دا بیڑا غرق کر گِھدے۔

کلُسِّیوں 1:4

کیوں جو اساں سُنڑیا ہے جو تُساں مسیح یسُوع اُتے اِیمان رکھیندے ہیوے تے سارے مُقدّساں نال محبت کریندے ہیوے۔

عبرانیوں 1:3

پوتر خُدا دے جلال دی چمک تے اُوندی ذات دا عین نقش ہے، تے او آپنڑے قُدرت آلے کلام نال سبھ چیزاں کُوں سنبھلیندے۔ او گُناہاں تُوں پاک کرݨ تُوں بعد اسمان اُتے عظیم خُدا دے سجے پاسے وَنج بیٹھا۔

رومیوں 1:11

کیوں جو مَیں تُہاکُوں مِلنڑ دی بہُوں سِک رکھیندا ہاں تاں جو تُہاکُوں کوئی ایجھی رُوحانی نعمت ڈے سگاں جیہڑی تُہاڈے اِیمان دی مضبوطی دا سبب بنڑے،

اعمال 24:24

کُجھ ڈینہاں بعد فیلِکس آپنڑی ذال دُروسِلہ کُوں جیہڑی یہُودی ہئی نال گِھن تے آیا۔ اُوں پولُس کُوں سڈوا بھیجیا تے یسُوع مسیح اُتے اِیمان گِھن آوݨ دے بارے ءچ اُوندے گالھیں سُنڑیاں۔

اعمال 7:2

اُوں آکھیا ”بِھراؤ تے بزُرگو سُنڑو! جلالی خُدا ساڈے پِیُو ابرہام اُتے اُوں ویلے ظاہر تھیّا جِیں ویلے او حاران شہر ءچ آباد تھیوݨ کنُوں پہلے مسوپتامیہ ءچ ہا،

اعمال 10:34

وَل پطرس آکھنڑ لگا، ”مَیں چنگی طرحاں جاݨ گِیا ہاں جو خُدا کہیں دا طرفدار نئیں

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔

یعقُوب 1:16

میڈے پیارے بِھراؤ، دوکھا نہ کھاؤ۔

یعقُوب 1:19

میڈے پیارے بِھراؤ، یاد رکھو جو ہر بندہ سُنڑݨ ءچ تیز، بولنڑ ءچ اتاولا نہ ہووے تے جلدی کوڑیجنڑ آلا نہ ہووے۔