یعقُوب 1:6 - کِتاب مُقدّس سرائیکی ترجمہ

⁶ پر اِیمان نال منگے تے ذرا وی شک نہ کرے، کیوں جو شک کرݨ آلا سمندر دی چھل وانگُوں ہوندے جیہڑی ہوا دے زور نال اُچھلدی راہندی ہے۔

یعقُوب 1:6 Referans Kwoze

عبرانیوں 11:6

تے بغیر اِیمان دے خُدا کُوں پسند آوݨ ناممکن ہے، کیوں جو لازم ہے جو خُدا دے کولھ آوݨ آلا اِیمان رکھے جو خُدا موجود ہے تے او اُنہاں کُوں اجر ڈیندے جیہڑے اُوندے طالب ہِن۔

اِفِسیوں 4:14

وَل اساں اگُوں تے بال نہ راہسوں تے غلط تعلیم دی ہر تیز ہوا نال پانڑی دیاں چھلاں وانگُوں اِڈے اُڈے واہندے نہ راہوں، تے چالباز تے مکار لوکاں دے گُمراہ کر ڈیوݨ آلے منصوبیاں دا شکار نہ بنڑوں۔

عبرانیوں 10:23

اساں آپنڑی اُوں اُمید کُوں مضبوطی نال پکڑی رکھوں جِیندا اساں اِقرار کریندے ہیں کیوں جو جئیں وعدہ کیتے او وفادار ہے۔

عبرانیوں 13:9

قِسم قِسم دیاں عجیب تعلیماں کنُوں گُمراہ نہ تھیؤ۔ چنگا ایہ ہے جو تُہاڈے دل خُدا دے فضل نال طاقت پاوݨ، نہ جو کھاوݨ دے اصُولاں نال جیندے اُتے ٹُرݨ نال کوئی رُوحانی فائدہ نئیں تھیندا۔

1 تِیمُتھِیُس 2:8

بس مَیں چاہندا ہاں جو بندے ہر جاہ، کاوڑ تے تکرار دے بغیر پاک ہتھاں کُوں چا تے دُعا کرݨ۔

2 پطرس 2:17

ایہ لوک سُکے ہوئے چشمے تے اندھاری دے اُڈائے ہوئے بدّل ہِن۔ اِنہاں کیتے سخت اندھارا مقرر ہے۔

متّی 14:28

پطرس اُونکُوں جواب ءچ آکھیا، ”مالک! جے تُساں ہیوے تاں میکُوں حُکم ڈیؤ جو مَیں پانڑی اُتے ٹُر تے تُہاڈے کولھ آواں۔“

اعمال 10:20

بس اُٹھی تے تلے وَنج تے جِھجکے بغیر اُنہاں نال چلیا وَنج کیوں جو مَیں ای اُنہاں کُوں بھیجے۔“

یعقُوب 1:7

ایجھا بندہ ایہ نہ سمجھے جو اُونکُوں خُداوند کنُوں کُجھ مِلسی،

یعقُوب 5:15

اِیمان نال منگی ہوئی دُعا دے سببّوں بیمار بچ ویسی۔ خُداوند اُونکُوں شِفا ڈیسی تے جے اُوں گُناہ کیتے ہووݨ تاں او معاف کیتے ویسن۔