یعقُوب 1:3 - کِتاب مُقدّس سرائیکی ترجمہ

³ کیوں جو تُساں جانڑدے ہیوے جو تُہاڈے اِیمان دا اِمتحان تُہاڈے ءچ صبر پیدا کریندے۔

یعقُوب 1:3 Referans Kwoze

عبرانیوں 10:36

تُہاکُوں وڈے صبر نال کم گِھننڑا چاہیدے تاں جو تُساں خُدا دی مرضی پُوری کر تے او چیز حاصل کر سگو جِیندا اُوں وعدہ کیتے۔

کلُسِّیوں 1:11

تے تُساں اُوندے جلال آلی قُدرت دے مطابق ہر طرحاں دی طاقت ءچ مضبوط تھیندے ونجو تاں جو تُہاڈے ءچ خوشی نال بے حد برداشت تے صبر پیدا تھیوے،

1 پطرس 1:7

تاں جو تُہاڈا ازمایا ہویا اِیمان جیہڑا بھاہ نال خالص کیتے ہوئے فانی سونے تُوں وی بہُوں قیمتی ہے، اصلی ثابت تھی ونجے تے یسُوع مسیح دے ظہور دے ڈینہہ تعریف، جلال تے عزت مِلنڑ دا سبب ہووے۔

رومیوں 8:28

تے اساں جانڑدے ہیں جو ساریاں چیزاں مِل تے خُدا نال محبت رکھنڑ آلیاں کیتے بھلائی پیدا کریندیاں ہِن یعنی اُنہاں کیتے جیہڑے اُوندے اِرادے دے مطابق سڈے گئے ہِن۔

2کُرِنتھِیوں 4:17

ساڈی ایہ بہُوں عارضی تے ہلکی جیہی مُصیبت ساڈے کیتے ایجھا بھاری تے ابدی جلال پیدا کریندی پئی ہے۔

رومیوں 15:4

جیہڑے گالھیں پہلے لِکھیاں گئیاں او ساڈی نصیحت کیتے لِکھیاں گئیاں تاں جو صبر نال تے خُدا دے کلام دی تسلی نال ساڈی اُمید قائم راہوے۔

2 پطرس 1:6

تے علم نال پرہیزگاری تے پرہیزگاری نال صبر تے صبر نال دینداری،

رومیوں 8:25

پر جے اساں اُوں چیز دی اُمید رکھیندے ہیں جیہڑی ہُنڑ ساڈے کولھ موجود نئیں، تاں اساں صبر نال اُوندا اِنتظار کریندے ہیں۔

عبرانیوں 12:1

اِیں واسطے جڈاں گواہاں دی اِتنی وڈی بِھیڑ ساکُوں چارے پاسُوں ولھیٹی کھڑی ہے تاں آؤ، اساں وی ہر ہِک چیز کُوں جیہڑی ساڈے کیتے رکاوٹ دا سبب ہے تے اُوں گُناہ کُوں جیہڑا ساکُوں اسانی نال پَھسا گِھندے پرے کرُوں، تے اُوں دوڑ ءچ صبر نال بھجدے راہُوں جیہڑی ساڈے کیتے مقرر کیتی گئی ہے۔

2تھِسّلُنیکیوں 3:5

خُداوند تُہاڈے دِلاں کُوں خُدا دی محبت تے آپنڑے صبر کُوں جانڑن دی ہدایت ڈیوے۔

2تھِسّلُنیکیوں 1:4

اِیں واسطے اساں خُدا دیاں کلیسیاواں ءچ فخر نال تُہاڈا ذِکر کریندے ہیں جو ظلم تے مُصیبتاں سہوݨ دے باوجود تُساں بہُوں صبر نال آپنڑے اِیمان اُتے قائم ہیوے۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

لُوقا 21:19

آپنڑے صبر نال تُساں آپنڑیاں جاناں کُوں محفوظ رکھیسو۔

عبرانیوں 6:12

تُساں آلسی نہ بنڑو بلکہ اُنہاں دے نمونے اُتے ٹُرو جیہڑے آپنڑے اِیمان تے صبر دے سببّوں وعدیاں دے وارث تھیندے ہِن۔