یعقُوب 1:21 - کِتاب مُقدّس سرائیکی ترجمہ

²¹ اِیں واسطے ساری ناپاکی تے بُرائی کُوں دُور کر تے اُوں کلام کُوں فروتنی نال قبول کر گِھنو جیہڑا تُہاڈے دِلاں ءچ رہایا گئے تے تُہاکُوں نجات ڈے سگدے۔

یعقُوب 1:21 Referans Kwoze

اِفِسیوں 4:22

آپنڑی پُرانڑی فطرت کُوں اُوندے پہلے چال چلنڑ سمیت لہا سٹو جیہڑی دوکھے باز خواہشاں دے سببّوں وِگڑدی ویندی ہے،

اِفِسیوں 1:13

تے جِیں ویلے تُساں وی سچائی دے کلام کُوں یعنی آپنڑی نجات دی خوشخبری کُوں سُنڑیا تے مسیح اُتے اِیمان گِھن آئے تاں خُدا تُہاڈے اُتے وی وعدہ کیتے ہوئے رُوح القُدس دی مُہر لائی۔

1 پطرس 2:11

عزیزو، مَیں تُہاڈی مِنت کریندا ہاں جو تُساں جیہڑے اِیں دُنیا ءچ پردیسیاں تے مسافراں وانگُوں ہیوے، اُنہاں بُریاں خواہشاں کنُوں دُور راہو جیہڑیاں تُہاڈے نال لڑائی کریندیاں راہندیاں ہِن۔

یُوحنّا 6:63

زندہ کرݨ آلی تاں رُوح ہے، اِنسانی طاقت کنُوں کُجھ نئیں تھی سگدا۔ جیہڑے گالھیں مَیں تُہاکُوں آکھیاں ہِن، او رُوح ہِن تے زندگی وی ہِن۔

1 پطرس 2:1

اِیں واسطے ہر قِسم دی بُرائی، فریب، منافقت، حسد تے بدگوئی کُوں چھوڑ ڈیؤ۔

عبرانیوں 12:1

اِیں واسطے جڈاں گواہاں دی اِتنی وڈی بِھیڑ ساکُوں چارے پاسُوں ولھیٹی کھڑی ہے تاں آؤ، اساں وی ہر ہِک چیز کُوں جیہڑی ساڈے کیتے رکاوٹ دا سبب ہے تے اُوں گُناہ کُوں جیہڑا ساکُوں اسانی نال پَھسا گِھندے پرے کرُوں، تے اُوں دوڑ ءچ صبر نال بھجدے راہُوں جیہڑی ساڈے کیتے مقرر کیتی گئی ہے۔

یعقُوب 4:8

خُدا دے نیڑے آؤ تاں او تُہاڈے نیڑے آسی۔ گُنہگارو، آپنڑے ہتھاں کُوں صاف کر گِھنو۔ تے ڈُو دِلیو، آپنڑے دِلاں کُوں پاک کر گِھنو۔

طِطُس 2:11

کیوں جو خُدا دا او فضل ظاہر تھی گِیا ہے جیہڑا یکے اِنساناں دی نجات دا سبب ہے۔

رومیوں 1:16

مَیں خوشخبری کنُوں نئیں شرمیندا کیوں جو او ہر اِیمان گِھن آوݨ آلے دی نجات کیتے خُدا دی قُدرت ہے۔ پہلے یہُودی کیتے، وَل غیریہُودی کیتے۔

عبرانیوں 4:2

کیوں جو جِینویں اُنہاں لوکاں خوشخبری سُنڑی اُونویں ای اساں وی خوشخبری سُنڑی ہے، پر جیہڑا پیغام اُنہاں سُنڑیا او اُنہاں کیتے بے فائدہ ثابت تھیّا کیوں جو اُنہاں اُونکُوں اِیمان نال نہ سُنڑیا۔

عبرانیوں 2:3

تاں وَل جے اساں اِتنی وڈی نجات کُوں نظر انداز کرُوں تاں کِینویں بچ سگسوں؟ کیوں جو اِیں نجات دا اعلان پہلے خُداوند خود کیتا تے وَل جِنہاں لوکاں اِینکُوں سُنڑیا، اُنہاں اُوندی سچائی ساڈے اُتے ثابت کر ڈِتی۔

1کُرِنتھِیوں 15:2

اُوں خوشخبری دے وسیلے تُہاکُوں نجات وی مِلدی ہے شرط ایہ ہے جو تُساں اُوں گالھ اُتے قائم راہو جیہڑی مَیں تُہاکُوں پُچائی ہے، نہ تاں تُہاڈا اِیمان گِھن آوݨ بے فائدہ ہے۔

رومیوں 6:17

پر خُدا دا شُکر ہے جو بےشک پہلے تُساں گُناہ دے غُلام ہَوے پر ہُنڑ دل نال اُوں تعلیم دے تابع تھی گئے ہیوے جیہڑی تُہاڈے سپُرد کیتی گئی۔

یُوحنّا 6:68

شمعون پطرس اُونکُوں جواب ڈِتا، ”مالک! اساں کیندے کولھ ونجُوں؟ ہمیشاں دی زندگی دے گالھیں تاں تُہاڈے ای کولھ ہِن۔

1تھِسّلُنیکیوں 2:13

اساں ہمیشاں اِیں واسطے وی خُدا دا شُکر ادا کریندے ہیں جو جِیں ویلے تُساں خُدا دے پیغام کُوں ساڈی زبانی سُنڑیا تاں اُونکُوں آدمیاں دا کلام سمجھ تے نئیں بلکہ جِینویں او حقیقت ءچ ہے اُونکُوں خُدا دا کلام سمجھ تے قبول کیتا۔ تے او کلام تُساں اِیمان گِھن آوݨ آلیاں ءچ اثر وی کریندا پِیا ہے۔

2کُرِنتھِیوں 7:1

عزیزو، ساڈے نال ایجھے وعدے کیتے گئے ہِن، اِیں واسطے آؤ اساں آپنڑے آپ کُوں جِسم تے رُوح کُوں ناپاک کرݨ آلی ہر چیز کنُوں پاک کرُوں تے خُدا دا خوف منیندے ہوئے آپنڑی پاکیزگی کُوں کمال تئیں پُچاؤں۔

اعمال 13:26

بِھراؤ! ابرہام دے فرزندو تے خُدا دا خوف مننڑ آلیو! اِیں نجات دا کلام ساڈے کولھ بھیجیا گِیا۔

1 پطرس 1:9

تے تُساں آپنڑے اِیمان دا مقصد یعنی نجات حاصل کریندے پئے ہیوے۔

رومیوں 11:17

بے شک کُجھ لڑیاں کپ ڈِتیاں گئیاں تے تُوں جنگلی زیتون ہوندے ہوئے اُنہاں دی جاہ پیوند تھی گِیا، تے زیتون دے درخت دی جڑھ دے روغن ءچ حصہ دار تھی گِیا۔

اعمال 10:33

بس مَیں فوراً تُہاکُوں سڈوا بھیجیا تے تُساں وی بہُوں چنگا کیتا جو آ گئے۔ ہُنڑ اساں سارے خُدا دے حضُور ءچ حاضر ہیں تاں جو جیہڑا کُجھ خُداوند تُہاکُوں آکھیا ہے، اُونکُوں سُنڑوں۔“

متّی 5:5

مُبارک ہِن او جیہڑے حلیم ہِن، کیوں جو او زمین دے وارث ہوسن۔

1تھِسّلُنیکیوں 1:5

کیوں جو ساڈی خوشخبری صرف لفظاں نال نئیں بلکہ قُدرت، رُوح القُدس تے پُورے یقین نال تُہاڈے تئیں پُجی ہے۔ تُساں جانڑدے ہیوے جو اساں تُہاڈے وچال تُہاڈی خاطر کِینویں زندگی گُزریندے ہسے۔

اِفِسیوں 5:4

تے نہ ای شرم آلے گالھیں، بَک بَک یا گندے گالھیں ہووݨ، کیوں جو ایہ مناسب نئیں بلکہ تُہاڈی زبان اُتے شُکرگزاری ہووے۔

اِفِسیوں 4:25

اِیں واسطے کُوڑ مارݨ چھوڑ تے ہر بندہ آپنڑے ہمسائے نال سچ بولے کیوں جو اساں سارے ہِک بدن دے اَنگ ہیں۔

یعقُوب 5:20

تاں یاد رکھو جو گُنہگار کُوں گُمراہی کنُوں واپس گِھن آوݨ آلا، ہِک جان کُوں موت کنُوں بچیسی تے بہُوں سارے گُناہاں اُتے پڑدہ پیسی۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔