عبرانیوں 9:28 - کِتاب مُقدّس سرائیکی ترجمہ

²⁸ اُونویں ای مسیح وی بہُوں سارے لوکاں دے گُناہ آپنڑے سر اُتے چاوݨ کیتے ہِکے پھیری قُربان تھیّا۔ تے او ڈُوجھی پھیری گُناہ چاوݨ کیتے نئیں بلکہ اُنہاں لوکاں کُوں نجات ڈیوݨ کیتے ڈِکھالی ڈیسی جیہڑے اُوندے اِنتظار ءچ ہِن۔

عبرانیوں 9:28 Referans Kwoze

طِطُس 2:13

تے نال نال اُوں مُبارک اُمید یعنی آپنڑے عظیم خُدا تے نجات ڈیوݨ آلے یسُوع مسیح دے جلال ظاہر تھیوݨ دے اِنتظار ءچ راہوں۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

رومیوں 6:10

جِیں ویلے او مویا تاں ہمیشاں کیتے گُناہ دی طاقت کُوں ختم کرݨ کیتے مویا، پر ہُنڑ جڈاں او زندہ ہے، تاں خُدا دے جلال کیتے زندہ ہے۔

2 تِیمُتھِیُس 4:8

ہُنڑ راستبازی دا تاج میڈے کیتے رکھیا ہے۔ ایہ تاج خُداوند جیہڑا عادل مُنصف ہے میکُوں آپنڑے واپس آوݨ دے ڈینہہ ڈیسی۔ تے نہ صرف میکُوں بلکہ اُنہاں ساریاں کُوں وی جِنہاں اُوندے ظاہر تھیوݨ دی سِک رکھی ہے۔

رومیوں 8:23

تے صرف اُوہو نئیں بلکہ اساں وی جِنہاں کُوں رُوح القُدس دے پہلے پھل مِلے ہِن، آپنڑے دل ءچ کراہندے ہوئے اُوں ویلے دا اِنتظار کریندے پئے ہیں جِیں ویلے خُدا ساکُوں لےپالک بنڑا تے ساڈے بدن کُوں رہائی ڈیسی۔

1 یُوحنّا 3:2

عزیزو! اساں اِیں ویلے خُدا دے فرزند ہیں پر اجنڑ تئیں ایہ ظاہر نئیں تھیّا جو بِیا کیا کُجھ ہوسُوں۔ پر اِتنا جانڑدے ہیں جو جِیں ویلے یسُوع ظاہر تھیسی تاں اساں اُوندے وانگُوں ہوسُوں کیوں جو اساں اُونکُوں اُونویں ای ڈیکھسوں جِینویں او اصل ءچ ہے۔

اعمال 1:11

تے آکھنڑ لگے ”گلیل دے مردو! تُساں کھڑے کھڑے اسمان دو کیوں ڈیدھے پئے ہیوے؟ اِیہو یسُوع جیہڑا تُہاڈے سامنڑے اسمان اُتے چا گِھدا گِیا ہے اِینویں ای ولا آسی جِینویں تُساں اُونکُوں اسمان دو ویندے ڈِٹھے۔“

1تھِسّلُنیکیوں 1:10

تے ایہ وی جو تُساں اُوندے پوتر دے اسمان کنُوں آوݨ دا اِنتظار کریندے ہیوے، یعنی یسُوع جِینکُوں خُدا مُردیاں ءچوں زندہ کیتا تے جیہڑا ساکُوں آوݨ آلے غضب کنُوں بچیندے۔

متّی 26:28

کیوں جو ایہ میڈا خون ہے، عہد دا او خون جیہڑا بہُوں ساریاں دے گُناہاں دی معافی کیتے وہایا ویندے۔

2 پطرس 3:12

خُدا دے اُوں ڈینہہ دے بہُوں مُشتاق تے اِنتظار ءچ راہونڑا چاہیدے جو او جلد آسی۔ اُوں ڈینہہ اسمان بھاہ نال سڑ تے برباد تھی ویسی تے اسمان دیاں سبھ چیزاں بھاہ دی شِدت کنُوں پگھر ویسن۔

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

1کُرِنتھِیوں 15:54

تے جِیں ویلے ایہ فانی جِسم حیاتی دا لباس پا گِھنسی تے ایہ مرݨ آلا جِسم ہمیشاں دی حیاتی دا لباس پا گِھنسی تاں او قول پُورا تھیسی جیہڑا لِکھیا ہے جو موت فتح دا گِراں تھی گئی۔

رومیوں 8:3

ساڈی اِنسانی فطرت دی کمزوری دے سببّوں شریعت ساکُوں نہ بچا سگی پر خُدا ایہ کیتے۔ اُوں آپنڑے پوتر کُوں گُنہگاراں جِیہے جِسم ءچ بھیجیا تاں جو او گُناہ کیتے قُربان تھیوے۔ اِیں طرحاں خُدا جِسم ءچ ای گُناہ کُوں سزا ڈِتی،

یُوحنّا 14:3

تے جے مَیں وَنج تے تُہاڈے کیتے جاہ تیار کراں تاں ولا آ تے تُہاکُوں آپنڑے نال گِھن ویساں تاں جو جِتھاں مَیں ہاں تُساں وی ہوو۔

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔

1 یُوحنّا 3:5

تے تُساں جانڑدے ہیوے جو یسُوع اِیں واسطے ظاہر تھیّا ہا جو گُناہاں کُوں چا گِھن ونجے تے اُوندے ءچ کوئی گُناہ نئیں۔

2تھِسّلُنیکیوں 2:1

بِھراؤ! اساں آپنڑے خُداوند یسُوع مسیح دی ڈُوجھی آمد تے اُوندے کولھ جمع تھیوݨ دے بارے ءچ تُہاکُوں ایہ درخاست کریندے ہیں،

1کُرِنتھِیوں 1:7

ہُنڑ ساڈے خُداوند یسُوع مسیح دے ظاہر تھیوݨ دے اِنتظار ءچ راہندے ہوئے تُہاکُوں کہیں رُوحانی نعمت دی کمی نئیں۔

رومیوں 5:15

پر گُناہ دے اثر تے فضل دی نعمت دے اثر ءچ بہُوں فرق ہے۔ کیوں جو ہِک بندے دے گُناہ دے سببّوں بہُوں سارے اِنسان مر گئے پر ہِک بندے یعنی یسُوع مسیح دے فضل دے سببّوں بہُوں سارے اِنساناں کُوں خُدا دا فضل تے اُوندی نعمت مِلی ہے۔

عبرانیوں 9:25

زمین اُتے کاہِن ِ اعظم سبھ تُوں مُقدّس کمرے ءچ کہیں ڈُوجھے دا یعنی جانوراں دا خون گِھن تے ہر سال ویندے پر مسیح آپنڑے آپ کُوں قُربانی دے طور تے ولا ولا پیش نئیں کیتا۔

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

متّی 25:31

جِیں ویلے اِبنِ آدم آپنڑے جلال ءچ آسی تے سارے فرشتے اُوندے نال آسن تاں او آپنڑے جلالی تخت اُتے بَہسی۔

رومیوں 3:25

خُدا اُونکُوں مقرر کیتا جو او آپنڑے خون دے سببّوں ایجھا کفارہ بنڑ ونجے جیہڑا اِیمان گِھن آوݨ آلے کیتے فائدہ مند ہووے۔ ایہ خُدا آپنڑی راستبازی ظاہر کرݨ کیتے کیتا، کیوں جو اُوں بہُوں صبر تے برداشت نال اُنہاں گُناہاں دی سزا نہ ڈِتی جیہڑے ماضی ءچ تھئے ہَن۔

عبرانیوں 1:14

کیا او سارے فرشتے خدمت گُزار رُوحاں نئیں، جیہڑیاں نجات پاوݨ آلیاں دی خدمت کیتے بھیجیاں ویندیاں ہِن؟

عبرانیوں 2:3

تاں وَل جے اساں اِتنی وڈی نجات کُوں نظر انداز کرُوں تاں کِینویں بچ سگسوں؟ کیوں جو اِیں نجات دا اعلان پہلے خُداوند خود کیتا تے وَل جِنہاں لوکاں اِینکُوں سُنڑیا، اُنہاں اُوندی سچائی ساڈے اُتے ثابت کر ڈِتی۔

عبرانیوں 5:9

اِیں طرح کاملیت تئیں پُجنڑ تُوں بعد او اُنہاں ساریاں کیتے ابدی نجات دا سبب بنڑیا جیہڑے اُوندی تابعداری کریندے ہَن۔

عبرانیوں 7:27

او ڈُوجھے سردار کاہِناں وانگُوں نہ ہووے جِنہاں کُوں پہلے آپنڑے گُناہاں کیتے تے وَل آپنڑے لوکاں دے گُناہاں کیتے ہر روز قُربانیاں پیش کرݨ دی لوڑ ہوندی ہے۔ یسُوع تاں آپنڑے آپ کُوں قُربان کر تے ہِکے پھیری ایجھی قُربانی پیش کیتی جیہڑی ہمیشاں کیتے کافی ہے۔

عبرانیوں 10:10

خُدا دی مرضی دا نتیجہ ایہ ہے جو اساں یسُوع مسیح دے جِسم دے ہِکے پھیری قُربان تھیوݨ دے وسیلے نال پاک کر ڈِتے گئے ہیں۔

عبرانیوں 12:14

ہِک ڈُوجھے نال صُلح سلامتی نال راہو تے اُوں پاکیزگی دے طالب راہو، جیندے بغیر کوئی خُداوند کُوں نہ ڈیکھسی۔

یہُوداہ 1:21

آپنڑے آپ کُوں خُدا دی محبت ءچ قائم رکھو تے خُداوند یسُوع مسیح دی رحمت دے منتظر راہو جِیندا نتیجہ ابدی زندگی ہے۔