عبرانیوں 9:23 - کِتاب مُقدّس سرائیکی ترجمہ

²³ بس ایہ لازم ہا جو ایہ چیزاں جیہڑیاں اسمانی چیزاں دی نقل ہِن، اُنہاں قُربانیاں دے وسیلے نال پاک کیتیاں ونجنڑ، پر اسمانی چیزاں اِنہاں کنُوں چنگیاں قُربانیاں دے وسیلے نال پاک کیتیاں ونجنڑ۔

عبرانیوں 9:23 Referans Kwoze

عبرانیوں 10:4

کیوں جو ممکن نئیں جو بکریَاں تے ڈانداں دا خون گُناہاں کُوں مِٹا سگے۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

عبرانیوں 9:24

مسیح اِنسانی ہتھاں دے بنڑے مُقدّس گھر ءچ داخل نئیں تھیّا، جیہڑا حقیقی مُقدّس گھر دی صرف نقل ہے، بلکہ اسمان ءچ ای داخل تھیّا تاں جو او ساڈی خاطر خُدا دے سامنڑے حاضر تھیوے۔

عبرانیوں 8:5

جیہڑے اُوں مُقدّس گھر ءچ خدمت کریندے ہِن جیہڑا اسمانی ہیکل دی نقل تے اُوندا پچھاواں ہے۔ اِیہو وجہ ہے جو جِیں ویلے مُوسیٰ مُقدّس تمبُو بنڑاوݨ لگا تاں اُوں ویلے خُدا اُونکُوں فرمایا، ”ساریاں چیزاں اُوں نمونے دے مطابق دھیان نال بنڑا جیہڑا تیکُوں پہاڑ اُتے ڈِکھایا گِیا ہا۔“

مُکاشفہ 5:9

تے او ایہ نواں گیت گاوݨ لگے جو ”تُوں ای اِیں لائق ہیں جو طُومار کُوں گِھن تے اُوندیاں مُہراں کھولیں، کیوں جو تَیں ذبح تھی تے آپنڑے خون نال ہر قبیلہ، ہر زبان، ہر اُمت تے ہر قوم ءچوں لوکاں کُوں خُدا دے واسطے مُل گِھن گِھدے۔

کلُسِّیوں 2:17

ایہ تاں آوݨ آلیاں چیزاں دا صرف پرچھانواں ہِن، پر حقیقت تاں مسیح ہے۔

لُوقا 24:46

تے اُنہاں کُوں آکھیا، ”اِینویں لِکھیا ہے جو المسیح ڈُکھ چے سی تے تریجھے ڈینہہ مُردیاں ءچوں زندہ تھی ویسی۔

لُوقا 24:26

کیا المسیح کیتے لازم نہ ہا جو او ڈُکھاں کُوں برداشت کرݨ تُوں بعد آپنڑے جلال ءچ داخل تھیندا؟“

عبرانیوں 10:1

مُوسیٰ دی شریعت آوݨ آلیاں چنگیاں چیزاں دا صرف ہِک پچھاواں ہے نہ جو او اصل ہے۔ اِیں واسطے جیہڑیاں قُربانیاں ہر سال پیش کیتیاں ویندیاں ہِن، او خُدا دے کولھ آوݨ آلیاں کُوں ہرگز کامِل نئیں کر سگدیاں۔

یُوحنّا 14:3

تے جے مَیں وَنج تے تُہاڈے کیتے جاہ تیار کراں تاں ولا آ تے تُہاکُوں آپنڑے نال گِھن ویساں تاں جو جِتھاں مَیں ہاں تُساں وی ہوو۔

اعمال 23:15

بس ہُنڑ تُساں صدر ِ عدالت آلیاں نال رَل تے پلٹن دے سپہ سالار کُوں درخاست کرو جو پولُس کُوں تُہاڈے سامنڑے گِھن آوے تاں جو اُوندے مقدمہ دی حقیقت مزید پُچھی ونجے۔ اُوندے اِتھاں پُجنڑ کنُوں پہلے اساں اُونکُوں قتل کر ڈیوݨ کیتے تیار ہیں۔“