عبرانیوں 9:14 - کِتاب مُقدّس سرائیکی ترجمہ

¹⁴ تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

عبرانیوں 9:14 Referans Kwoze

عبرانیوں 10:22

اِیں واسطے آؤ اساں سچے دل تے پُورے اِیمان نال خُدا دے کولھ جُلوں، کیوں جو ساڈے دل خون دے چھِنڈکیاں نال گُناہ تُوں پاک کیتے گئے ہِن تے ساڈے بدن صاف پانڑی نال دھوتے گئے ہِن۔

1 پطرس 1:19

بلکہ ہِک بے عیب تے بے داغ لیلے یعنی مسیح دے قیمتی خون نال۔

1 یُوحنّا 1:7

پر جے اساں نُور ءچ ٹُردے ہیں جِینویں جو او خود نُور ءچ ہے تاں اساں ہِک ڈُوجھے نال رفاقت رکھیندے ہیں تے اُوندے پوتر یسُوع دا خون ساکُوں سبھ گُناہاں تُوں پاک کریندے۔

عبرانیوں 9:12

او بکریاں تے وچھیاں دا خون گِھن تے نئیں بلکہ آپنڑا خون گِھن تے ہِکے پھیری سبھ تُوں مُقدّس جاہ ءچ داخل تھی گِیا تے ساکُوں ایجھی مخلصی ڈِتی جیہڑی ہمیشاں کیتے ہے۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

عبرانیوں 7:27

او ڈُوجھے سردار کاہِناں وانگُوں نہ ہووے جِنہاں کُوں پہلے آپنڑے گُناہاں کیتے تے وَل آپنڑے لوکاں دے گُناہاں کیتے ہر روز قُربانیاں پیش کرݨ دی لوڑ ہوندی ہے۔ یسُوع تاں آپنڑے آپ کُوں قُربان کر تے ہِکے پھیری ایجھی قُربانی پیش کیتی جیہڑی ہمیشاں کیتے کافی ہے۔

1 پطرس 4:2

ہُنڑ او دُنیا ءچ آپنڑی باقی زندگی اِنسانی بُریاں خواہشاں دے مطابق نئیں بلکہ خُدا دی مرضی دے مطابق گُزارے۔

عبرانیوں 1:3

پوتر خُدا دے جلال دی چمک تے اُوندی ذات دا عین نقش ہے، تے او آپنڑے قُدرت آلے کلام نال سبھ چیزاں کُوں سنبھلیندے۔ او گُناہاں تُوں پاک کرݨ تُوں بعد اسمان اُتے عظیم خُدا دے سجے پاسے وَنج بیٹھا۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

عبرانیوں 6:1

اِیں واسطے آؤ، اساں مسیح دے بارے ءچ بنیادی تعلیم دے گالھیں کُوں دُہراوݨ چھوڑ تے بالغ ہووݨ دو قدم ودھاؤں۔ اساں موت گِھن آوݨ آلے کماں کنُوں توبہ کرݨ، خُدا اُتے اِیمان رکھنڑ،

رومیوں 6:13

آپنڑے جِسم دے انگاں کُوں بدی دے ہتھیار بنڑݨ کیتے گُناہ دے سپُرد نہ کرو بلکہ آپنڑے آپ کُوں مُردیاں ءچوں زندہ سمجھ تے خُدا دی خدمت کیتے پیش کرو تے آپنڑے جِسم دے انگاں کُوں راستبازی دے ہتھیار بنڑݨ کیتے خُدا دے سپُرد کرو۔

1 یُوحنّا 3:5

تے تُساں جانڑدے ہیوے جو یسُوع اِیں واسطے ظاہر تھیّا ہا جو گُناہاں کُوں چا گِھن ونجے تے اُوندے ءچ کوئی گُناہ نئیں۔

رومیوں 6:22

پر ہُنڑ گُناہ دی غُلامی کنُوں آزاد تھی تے خُدا دی غُلامی ءچ آ گئے ہیوے۔ تے تُہاکُوں اِیندا پھل مِلدا پئے جئیں تُوں پاکیزگی حاصل تھیندی ہے تے جِیندا انجام ہمیشاں دی زندگی ہے۔

عبرانیوں 10:2

جے کر سگدیاں تاں کیا اُنہاں دا پیش کیتا ونجنڑ ختم نہ تھی ویندا؟ کیوں جو جے عبادت کرݨ آلے ہِکے پھیری ہمیشاں کیتے پاک تھی ویندے تاں اُنہاں دا دل اُنہاں کُوں ولا گُنہگار نہ آدھا۔

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

اِفِسیوں 2:5

جِیں ویلے اساں گُناہاں دی وجہ کنُوں مُردہ ہسے، تاں اُوں ساکُوں مسیح دے نال زندہ کیتا۔ ہا، تُہاکُوں فضل نال ای نجات مِلی ہے۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

رومیوں 11:12

جڈاں یہُودیاں دی گُمراہی دُنیا دی برکت دا سبب بنڑی تے اُنہاں دا رُوحانی زوال غیریہُودیاں کیتے بےحد برکت دا سبب بنڑیا تاں اُنہاں دی مکمل بحالی کیجھی زیادہ برکت دا سبب ہوسی۔

لُوقا 1:74

جو او ساکُوں توفیق بخشیسی جو اساں آپنڑے دُشمنڑاں دے ہتُھوں رہائی پا تے آپنڑی ساری عُمر اُوندے حضُور ءچ پاکیزگی تے راستبازی نال اُوندی عبادت کرُوں۔

1 پطرس 2:22

”اُوں نہ تاں کڈھائیں گُناہ کیتا تے نہ اُوندے مُنہ ءچوں مکر دی گالھ نِکلی۔“

1 تِیمُتھِیُس 1:17

ہُنڑ ازلی تے ابدی بادشاہ یعنی غیرفانی تے نظر نہ آوݨ آلے واحد خُدا دی عزت تے تعریف ہمیشاں تئیں تھیندی راہوے۔ آمین۔

گلتِیوں 2:19

کیوں جو شریعت دے وسیلے ای مَیں شریعت دے لحاظ نال مر گِیا، تاں جو خُدا کیتے زندہ راہواں۔

2کُرِنتھِیوں 6:16

خُدا دی ہیکل دا بُتاں نال کیا تعلق؟ کیوں جو اساں زندہ خُدا دی ہیکل ہیں، جِینویں خُدا فرمایا ہے جو ”مَیں اُنہاں ءچ راہساں تے اُنہاں دے وچال پِھرساں۔ مَیں اُنہاں دا خُدا ہوساں تے او میڈی قوم ہوسن۔

رومیوں 11:24

تُوں خود زیتون دے اُوں درخت کنُوں جیہڑا قُدرتی طور تے جنگلی ہے، قُدرت دے خلاف چنگے زیتون دے درخت ءچ پیوند کیتا گِیا ہیں، تاں وَل ایہ جیہڑیاں اصل لڑیاں ہِن آپنڑے ای زیتون دے درخت ءچ ضرور پیوند کیتیاں ویسن۔

رومیوں 1:20

کیوں جو دُنیا دی پیدائش کنُوں گِھن تے اَج تئیں خُدا دیاں اَن ڈِٹھیاں صفتاں یعنی اُوندی ابدی قُدرت تے الٰہی ذات، بنڑائیاں ہوئیاں چیزاں کنُوں صاف ڈِکھالی ڈیندیاں ہِن۔ اِیں واسطے اِنسان دے کولھ کوئی بہانہ نئیں۔

یُوحنّا 3:34

کیوں جو جِینکُوں خُدا بھیجیا ہے او خُدا دے گالھیں اکھیندے، اِیں واسطے جو خُدا رُوح القُدس ناپ ناپ تے نئیں ڈیندا۔

لُوقا 4:18

”رب دا رُوح میڈے اُتے ہے کیوں جو اُوں میکُوں مسح کیتے تاں جو مَیں غریباں کُوں خوشخبری سُنڑاواں۔ اُوں میکُوں بھیجیا ہے جو قیدیاں کُوں رہائی تے اندھیاں کُوں اکھیں ڈیوݨ دا اعلان کراں کُچلے ہوئیاں کُوں آزاد کراں

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

عبرانیوں 11:21

اِیمان دی وجہ کنُوں ای یعقُوب مردے ویلے یُوسف دے ڈُوہائیں پوتراں کُوں برکت ڈِتی تے آپنڑی سوٹی دا سہارا گِھن تے خُدا کُوں سجدہ کیتا۔

عبرانیوں 9:9

او موجودہ زمانے کیتے ہِک مثال ہے، تے ایہ ظاہر کریندے جو جیہڑیاں نذراں تے قُربانیاں اُتھاں پیش کیتیاں ویندیاں ہِن، او عبادت کرݨ آلے دے دل کُوں کامل تے مُطمئن نئیں کر سگدیاں۔

اعمال 14:15

آکھنڑ لگے جو ”لوکو! تُساں ایہ کیا کریندے ہیوے؟ اساں وی تُہاڈے آلی کار اِنسان ہیں تے تُہاکُوں خوشخبری سُنڑیندے ہیں تاں جو تُساں اِنہاں بے کار چیزاں کُوں چھوڑ تے زندہ خُدا دو رجُوع گِھن آؤ جئیں زمین تے اسمان تے سمندر تے جیہڑا کُجھ اُنہاں ءچ ہے، پیدا کیتے۔

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

عبرانیوں 9:7

پر ڈُوجھے حصے ءچ صرف کاہِن ِ اعظم ویندا ہا، پر او وی سال ءچ صرف ہِک پھیری۔ تے او قُربانی دے خون دے بغیر نئیں ویندا، جیہڑا او آپنڑے تے قوم دے بُھل چُک ءچ کیتے ہوئے گُناہاں دی خاطر پیش کریندا ہا۔

1 تِیمُتھِیُس 3:15

جو جے میکُوں آوݨ ءچ دیر تھی ونجے تاں تیکُوں پتا ہووے جو خُدا دے گھر آلیاں دے وچال جیہڑے زندہ خُدا دی کلیسیا تے حق دا تھمبا تے بنیاد ہِن، ساڈا چال چلنڑ کِینویں ہوونڑا چاہیدے۔

1تھِسّلُنیکیوں 1:9

کیوں جو لوک خود ڈسیندے ہِن جو جِیں ویلے اساں تُہاڈے کولھ آئے تاں تُساں کِینویں خوشی نال ساڈا اِستقبال کیتا، تے کِینویں بُتاں کُوں چھوڑ تے زندہ تے برحق خُدا دی عبادت کرݨ کیتے اُوندے دو آئے،

اعمال 1:2

اُوں ڈینہہ تئیں جِیں ویلے او اسمان اُتے چاتا گِیا۔ چاتے ونجنڑ تُوں پہلے اُوں آپنڑے چُنڑے ہوئے رسُولاں کُوں رُوح القُدس دے وسیلہ نال ہدایت کیتی۔

لُوقا 12:28

بس جِیں ویلے خُدا میدان دی گھاہ کُوں، جیہڑی اَج ہے تے کل تنُور ءچ سَٹ ڈِتی ویسی، ایجھی پُشاک پویندے، تاں کمزور اِیمان آلیو! تُہاکُوں کیوں نہ پویسی؟

لُوقا 12:24

کانواں اُتے غور کرو جیہڑے نہ تاں رہیندے ہِن نہ کپیندے ہِن، نہ اُنہاں دے کولھ گودام ہوندے ہِن نہ پَلا۔ وَل وی خُدا اُنہاں کُوں کھویندے۔ تُہاڈی قدر تاں پکھیاں کنُوں بہُوں زیادہ ہے۔

متّی 12:28

پر جے مَیں خُدا دی رُوح دی مدد نال بدرُوحاں کُوں کڈھیندا ہاں تاں خُدا دی بادشاہی تُہاڈے کولھ آݨ پُجی۔

متّی 7:11

جِیں ویلے تُساں بُرے ہووݨ دے باوجود آپنڑے بالاں کُوں چنگیاں چیزاں ڈیوݨ جانڑدے ہیوے تاں تُہاڈا اسمانی باپ، آپنڑے منگنڑ آلیاں کُوں چنگیاں چیزاں کیوں نہ ڈیسی؟

رومیوں 1:4

پر پاکیزگی دی رُوح دے لحاظ نال مُردیاں ءچوں زندہ تھیوݨ دے سببّوں بہُوں قُدرت نال خُدا دا پوتر ثابت تھیّا۔ ایہ ساڈا خُداوند یسُوع المسیح ہے،

متّی 16:16

شمعون پطرس جواب ڈِتا، ”تُساں زندہ خُدا دے پوتر المسیح ہیوے۔“

اعمال 15:9

تے اِیمان دے وسیلہ نال اُنہاں دے دل پاک کر تے ساڈے ءچ تے اُنہاں ءچ کوئی فرق نئیں کیتا۔

1کُرِنتھِیوں 15:45

اِیں واسطے کلام ءچ لِکھیا وی ہے جو ”پہلا بندہ یعنی آدم زندہ اِنسان بنڑیا۔“ آخری آدم یعنی مسیح زندگی بخشنڑ آلی رُوح بنڑیا۔

عبرانیوں 3:12

بِھراؤ، خبردار راہو جو تُہاڈے ءچوں کہیں دا دل بُرائی پارُوں تے اِیمان نہ رکھنڑ پارُوں زندہ خُدا تُوں پِھر نہ ونجے۔

عبرانیوں 7:16

جیہڑا شریعت دے تقاضے دے مطابق لاوی قوم آلا ہووݨ پارُوں نئیں بلکہ ختم نہ تھیوݨ آلی زندگی دی قُدرت پارُوں مقرر تھئے۔

عبرانیوں 9:26

نہ تاں دُنیا دے شروع کنُوں گِھن تے ہُنڑ تئیں اُونکُوں ولا ولا موت دا ڈُکھ چاونڑا پوندا۔ پر ہُنڑ زمانیاں دے آخر ءچ مسیح ہِک پھیری ظاہر تھیّا تاں جو آپنڑے آپ کُوں قُربان کرݨ نال گُناہ کُوں ختم کر ڈیوے۔

عبرانیوں 10:10

خُدا دی مرضی دا نتیجہ ایہ ہے جو اساں یسُوع مسیح دے جِسم دے ہِکے پھیری قُربان تھیوݨ دے وسیلے نال پاک کر ڈِتے گئے ہیں۔

عبرانیوں 10:12

پر مسیح گُناہاں کُوں مِٹاوݨ کیتے ہِکو قُربانی پیش کیتی جیہڑی ہمیشاں کیتے ہے تے وَل خُدا دے سجے پاسُوں وَنج بیٹھا۔

عبرانیوں 13:12

اِینویں ای یسُوع وی لوکاں کُوں خود آپنڑے خون نال پاک کرݨ کیتے شہر دے پھاٹک دے باہر ڈُکھ چاتا۔