عبرانیوں 9:11 - کِتاب مُقدّس سرائیکی ترجمہ

¹¹ پر ہُنڑ مسیح کاہِن ِ اعظم بنڑ تے آ گئے تے ساکُوں چنگیاں برکتاں مِلدیاں پئیاں ہِن۔ او عظیم تے کامِل تمبُو ءچ داخل تھی گِیا ہے جیہڑا اِنسانی ہتھاں دا بنڑایا ہویا نئیں یعنی اِیں دُنیا دا نئیں۔

عبرانیوں 9:11 Referans Kwoze

2کُرِنتھِیوں 5:1

اساں جانڑدے ہیں جو جِیں ویلے ایہ تمبُو یعنی ساڈا بدن ڈھا ڈِتا ویسی جیہڑا زمین اُتے ساڈا گھر ہے تاں ساکُوں خُدا کنُوں اسمان اُتے ایجھا گھر مِلسی جیہڑا اِنسانی ہتھ دا بنڑیا ہویا نئیں بلکہ ابدی ہے۔

عبرانیوں 10:1

مُوسیٰ دی شریعت آوݨ آلیاں چنگیاں چیزاں دا صرف ہِک پچھاواں ہے نہ جو او اصل ہے۔ اِیں واسطے جیہڑیاں قُربانیاں ہر سال پیش کیتیاں ویندیاں ہِن، او خُدا دے کولھ آوݨ آلیاں کُوں ہرگز کامِل نئیں کر سگدیاں۔

مرقس 14:58

”اساں اُونکُوں ایہ آدھے سُنڑیا ہے جو ’مَیں اِیں ہیکل کُوں جیہڑی ہتھ دی بنڑی ہے، ڈھا ڈیساں تے ترے ڈینہہ ءچ ڈُوجھی کھڑی کر ڈیساں جیہڑی ہتھ دی نہ بنڑی ہوسی‘۔“

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

عبرانیوں 2:17

اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

اعمال 7:48

پر خُدا تعالیٰ، اِنسانی ہتھاں دے بنڑائے ہوئے گھراں ءچ نئیں راہندا، جِینویں نبی آکھیا ہے جو

2 یُوحنّا 1:7

کیوں جو گُمراہ کرݨ آلے بہُوں سارے لوک دُنیا ءچ نِکل آئے ہِن جیہڑے یسُوع مسیح دے اِنسانی جِسم ءچ آوݨ دا اِنکار کریندے ہِن۔ ایجھا ہر بندہ گُمراہ کرݨ آلا تے مسیح دا مخالف ہے۔

عبرانیوں 3:1

اِیں واسطے میڈے پاک بِھراؤ، تُساں جیہڑے اسمانی دعوتءچ شریک ہیوے، یسُوع اُتے غور کرو جیہڑا رسُول تے کاہِن ِ اعظم ہے تے جِیندا اساں اِقرار کریندے ہیں۔

یُوحنّا 4:25

عورت اُونکُوں آکھیا، ”مَیں جانڑدی ہاں جو المسیح جِینکُوں خرِستُس آدھے ہِن، آوݨ آلا ہے۔ جِیں ویلے او آسی تاں ساکُوں سارے گالھیں ڈسا ڈیسی۔“

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

عبرانیوں 7:1

ایہ مَلک صِدق، سالم شہر دا بادشاہ تے خُدا تعالیٰ دا کاہِن ہا۔ جِیں ویلے ابرہام بادشاہاں کُوں مار تے واپس آندا پِیا ہا تاں مَلک صِدق اُونکُوں مِلیا تے برکت ڈِتی۔

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔

کلُسِّیوں 2:11

مسیح ءچ آ تے تُہاڈا ایجھا ختنہ تھئے جیہڑا ہتھ نال نئیں بلکہ مسیح دے وسیلے تھئے، جیندے نال تُہاڈی پُرانڑی فطرت تُہاڈے تُوں اَنج کر ڈِتی گئی ہے۔

متّی 11:3

جو ”آوݨ آلے تُساں ای ہیوے یا اساں کہیں بئے دی راہ ڈیکھوں؟“

متّی 2:6

’بیت لحم! یہُوداہ دے علاقے، تُوں یہُوداہ دے حاکماں ءچوں ہرگز چھوٹا نئیں کیوں جو تیڈے ءچوں ہِک حاکم اُٹھسی جیہڑا آجڑی آلی کار میڈی اُمت اِسرائیل دی نگہبانی کریسی‘۔“

2کُرِنتھِیوں 4:18

اِیں واسطے اساں نظر آوݨ آلیاں چیزاں اُتے نئیں بلکہ نظر نہ آوݨ آلیاں چیزاں اُتے غور کریندے ہیں کیوں جو نظر آوݨ آلیاں چیزاں عارضی ہِن پر نظر نہ آوݨ آلیاں ابدی ہِن۔

عبرانیوں 12:27

خُدا دا ”ہِک پھیری ولا“ آکھنڑ صاف ظاہر کریندے جو پیدا کیتیاں ہوئیاں چیزاں جیہڑیاں ہلائیاں وَنج سگدیاں ہِن مِٹا ڈِتیاں ویسن تاں جو جیہڑیاں ہلائیاں نئیں وَنج سگدیاں، صرف اُوہو قائم راہوݨ۔

عبرانیوں 13:14

کیوں جو اِیں دُنیا ءچ ساڈا کوئی قائم راہنڑ آلا شہر نئیں بلکہ اساں اُوں شہر دی گولھ ءچ ہیں جیہڑا آوݨ آلا ہے۔