عبرانیوں 8:5 - کِتاب مُقدّس سرائیکی ترجمہ

⁵ جیہڑے اُوں مُقدّس گھر ءچ خدمت کریندے ہِن جیہڑا اسمانی ہیکل دی نقل تے اُوندا پچھاواں ہے۔ اِیہو وجہ ہے جو جِیں ویلے مُوسیٰ مُقدّس تمبُو بنڑاوݨ لگا تاں اُوں ویلے خُدا اُونکُوں فرمایا، ”ساریاں چیزاں اُوں نمونے دے مطابق دھیان نال بنڑا جیہڑا تیکُوں پہاڑ اُتے ڈِکھایا گِیا ہا۔“

عبرانیوں 8:5 Referans Kwoze

کلُسِّیوں 2:17

ایہ تاں آوݨ آلیاں چیزاں دا صرف پرچھانواں ہِن، پر حقیقت تاں مسیح ہے۔

عبرانیوں 10:1

مُوسیٰ دی شریعت آوݨ آلیاں چنگیاں چیزاں دا صرف ہِک پچھاواں ہے نہ جو او اصل ہے۔ اِیں واسطے جیہڑیاں قُربانیاں ہر سال پیش کیتیاں ویندیاں ہِن، او خُدا دے کولھ آوݨ آلیاں کُوں ہرگز کامِل نئیں کر سگدیاں۔

عبرانیوں 9:9

او موجودہ زمانے کیتے ہِک مثال ہے، تے ایہ ظاہر کریندے جو جیہڑیاں نذراں تے قُربانیاں اُتھاں پیش کیتیاں ویندیاں ہِن، او عبادت کرݨ آلے دے دل کُوں کامل تے مُطمئن نئیں کر سگدیاں۔

عبرانیوں 12:25

خبردار! آپنڑے نال کلام کرݨ آلے دا اِنکار نہ کرائے کیوں جو جِیں ویلے بنی اِسرائیل زمین اُتے ہدایت کرݨ آلے دا اِنکار کر تے بچ نہ سگے تاں جے اساں اسمان کنُوں ہدایت کرݨ آلے دا اِنکار کریسوں تاں کِینویں بچ سگسوں؟

عبرانیوں 11:7

اِیمان دی وجہ کنُوں ای نُوح اُنہاں چیزاں دے بارے ءچ جیہڑیاں اُوں وقت تئیں نظر نہ آندیاں ہَن، خُدا دی طرفوں ہدایت پا تے خُدا دا خوف منیندے ہوئے آپنڑے سارے خاندان کُوں بچاوݨ کیتے کشتی بنڑائی۔ اِینویں اِیمان رکھنڑ نال اُوں دُنیا کُوں قصُوروار بنڑایا تے اُوں راستبازی دا وارث بنڑ گِیا جیہڑی اِیمان نال مِلدی ہے۔

اعمال 7:44

بیابان ءچ ساڈے پِیُو ڈاڈا کولھ عہد دا تمبُو ہا۔ او خُدا دے حُکم تے اُوں نمونہ دے مطابق بنڑایا گِیا ہا جیہڑا اُوں مُوسیٰ کُوں ڈِکھایا ہا۔

متّی 2:12

تے خُدا تُوں خواب ءچ ایہ ہدایت پا تے جو ہیرودیس دے کولھ ولا نہ ونجنڑ، او کہیں بئے رستے تُوں آپنڑے وطن دو لگے گئے۔

عبرانیوں 13:10

ساڈی ہِک ایجھی قُربان گاہ ہے جیندے ءچوں مُقدّس تمبُو دی خدمت کرݨ آلے کاہِن کُوں کھاوݨ دا حق نئیں۔

مُکاشفہ 15:5

اِنہاں گالھیں دے بعد مَیں ڈِٹھا جو عہد دا تمبُو یعنی ہیکل اسمان ءچ کھول ڈِتی گئی۔