عبرانیوں 7:3 - کِتاب مُقدّس سرائیکی ترجمہ

³ اُوندے ماء پِیُو بلکہ اُوندے پِیُو ڈاڈے دا وی کوئی ذِکر نئیں تے نہ ای اُوندی زندگی دے شروع یا آخر دا۔ بلکہ او خُدا دے پوتر وانگُوں ہمیشاں تئیں کاہِن ہے۔

عبرانیوں 7:3 Referans Kwoze

عبرانیوں 7:17

کیوں جو اُوندے حق ءچ ایہ گواہی ڈِتی گئی ہے جو ”تُوں مَلک صِدق آلی کار ہمیشاں تئیں کاہِن ہیں۔“

عبرانیوں 7:6

پر مَلک صِدق دا تعلق لاوی قبیلے ءچوں نئیں، وَل وی اُوں ابرہام کنُوں ڈاہواں حصہ گِھدا، تے ابرہام کُوں جیندے نال وعدے کیتے گئے ہَن، برکت ڈِتی۔

متّی 4:3

وَل ابلیس کولھ آ تے اُونکُوں آکھیا، ”جے تُوں خُدا دا پوتر ہیں تاں اِنہاں پتھراں کُوں آکھ جو ایہ روٹیاں بنڑ ونجنڑ۔“

عبرانیوں 4:14

بس جڈاں ساڈا ہِک ایجھا عظیم کاہِن ِ اعظم ہے جیہڑا اسماناں کنُوں لنگھ گِیا یعنی خُدا دا پوتر یسُوع، تاں آؤ اساں آپنڑے اِیمان اُتے قائم راہوں، جِیندا اِقرار اساں کریندے ہیں۔

عبرانیوں 7:1

ایہ مَلک صِدق، سالم شہر دا بادشاہ تے خُدا تعالیٰ دا کاہِن ہا۔ جِیں ویلے ابرہام بادشاہاں کُوں مار تے واپس آندا پِیا ہا تاں مَلک صِدق اُونکُوں مِلیا تے برکت ڈِتی۔

عبرانیوں 7:2

ابرہام اُونکُوں سارے لُٹے ہوئے مال ءچوں ڈاہواں حصہ وی ڈِتا۔ پہلے تاں مَلک صِدق دے ناں دا مطلب ”صداقت دا بادشاہ“ ہے تے وَل کیوں جو او سالم شہر دا بادشاہ ہا، اِیں واسطے او ”سلامتی دا بادشاہ“ وی ہے۔