عبرانیوں 7:28 - کِتاب مُقدّس سرائیکی ترجمہ

²⁸ شریعت تاں ایجھے آدمیاں کُوں کاہِنِ اعظم مقرر کریندی ہے جیہڑے کمزور ہِن، پر شریعت دے بعد خُدا قَسم کھا تے آپنڑے پوتر کُوں مقرر کیتا جیہڑا ہمیشاں تئیں کامِل ہے۔

عبرانیوں 7:28 Referans Kwoze

عبرانیوں 2:10

کیوں جو مناسب ہا جو خُدا جیندے کیتے تے جیندے وسیلے نال سبھ چیزاں موجود ہِن، جِیں ویلے او بہُوں سارے فرزنداں کُوں آپنڑے جلال ءچ شامل کرے تاں اُنہاں دی نجات دے بانی یسُوع کُوں ڈُکھاں دے ذریعے کامِل بنڑاوے۔

عبرانیوں 7:21

پر مسیح کاہِن بنڑ گِیا، جِیں ویلے رب اُونکُوں قَسم کھا تے فرمایا جو ”مَیں قَسم کھادی ہے تے مَیں اُونکُوں نہ تُڑیساں، جو تُوں ہمیشاں تئیں کاہِن ہیں۔“

عبرانیوں 1:2

پر اِنہاں آخری ڈینہاں ءچ اُوں آپنڑے پوتر دے وسیلے ساڈے نال کلام کیتا، جِینکُوں اُوں سبھ چیزاں دا وارث بنڑایا تے جیندے وسیلے اُوں کائنات کُوں خلق کیتا۔

لُوقا 13:32

اُوں اُنہاں کُوں آکھیا جو ”اُوں لومبڑی کُوں وَنج تے ایہ آکھ ڈیؤ جو ’ڈیکھ مَیں اَج تے کل بدرُوحاں کُوں کڈھنڑ تے بیماراں کُوں شِفا ڈیوݨ دا کم کریندا راہساں تے تریجھے ڈینہہ کمال کُوں پُج ویساں۔‘

عبرانیوں 7:24

پر یسُوع ہمیشاں تئیں قائم راہنڑ آلا ہے، اِیں واسطے اُوندی کہانت ہمیشاں تئیں ہے۔

عبرانیوں 7:3

اُوندے ماء پِیُو بلکہ اُوندے پِیُو ڈاڈے دا وی کوئی ذِکر نئیں تے نہ ای اُوندی زندگی دے شروع یا آخر دا۔ بلکہ او خُدا دے پوتر وانگُوں ہمیشاں تئیں کاہِن ہے۔

عبرانیوں 5:5

اِینویں ای مسیح وی کاہِن ِ اعظم بنڑݨ دی عزت آپنڑی مرضی نال نئیں گِھدی بلکہ خُدا اُونکُوں فرمائے جو ”تُوں میڈا پوتر ہیں، اَج مَیں تیڈا باپ بنڑیا۔“

عبرانیوں 3:6

پر مسیح پوتر دی حیثیت نال خُدا دے گھر دا مُختار ہے۔ تے اُوندے گھر آلے اساں ہیں پر شرط ایہ ہے جو اساں اُوں دلیری تے اُمید کُوں مضبوطی نال قائم رکھوں جیندے اُتے اساں فخر کریندے ہیں۔

یُوحنّا 19:30

بس جِیں ویلے یسُوع او سِرکہ پِیتا تاں آکھیا جو ”سبھ کُجھ پُورا تھی گِیا،“ تے سر جُھکا تے جان ڈے ڈِتی۔

عبرانیوں 4:14

بس جڈاں ساڈا ہِک ایجھا عظیم کاہِن ِ اعظم ہے جیہڑا اسماناں کنُوں لنگھ گِیا یعنی خُدا دا پوتر یسُوع، تاں آؤ اساں آپنڑے اِیمان اُتے قائم راہوں، جِیندا اِقرار اساں کریندے ہیں۔

عبرانیوں 2:17

اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

عبرانیوں 3:1

اِیں واسطے میڈے پاک بِھراؤ، تُساں جیہڑے اسمانی دعوتءچ شریک ہیوے، یسُوع اُتے غور کرو جیہڑا رسُول تے کاہِن ِ اعظم ہے تے جِیندا اساں اِقرار کریندے ہیں۔