عبرانیوں 7:26 - کِتاب مُقدّس سرائیکی ترجمہ

²⁶ ساکُوں ایجھے ای کاہِن ِ اعظم دی لوڑ ہئی جیہڑا پاک، بے قصُور، تے بے عیب ہووے، گُنہگاراں کنُوں اَنج تے اسمان کنُوں وی اُچا کیتا گِیا ہووے۔

عبرانیوں 7:26 Referans Kwoze

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

1 یُوحنّا 2:2

اُوہو ساڈے گُناہاں دا کفارہ ڈیوݨ آلا ہے تے نہ صرف ساڈے گُناہاں دا بلکہ ساری دُنیا دے گُناہاں دا وی۔

عبرانیوں 8:1

جیہڑے گالھیں اساں ہُنڑ اکھیندے پئے ہیں، اُنہاں ءچوں مرکزی گالھ ایہ ہے جو ساڈا ایجھا کاہِن ِ اعظم ہے جیہڑا اسمان اُتے عظیم خُدا دے تخت دے سجے پاسے وَنج بیٹھے،

1 پطرس 2:22

”اُوں نہ تاں کڈھائیں گُناہ کیتا تے نہ اُوندے مُنہ ءچوں مکر دی گالھ نِکلی۔“

1 یُوحنّا 3:5

تے تُساں جانڑدے ہیوے جو یسُوع اِیں واسطے ظاہر تھیّا ہا جو گُناہاں کُوں چا گِھن ونجے تے اُوندے ءچ کوئی گُناہ نئیں۔

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

عبرانیوں 1:3

پوتر خُدا دے جلال دی چمک تے اُوندی ذات دا عین نقش ہے، تے او آپنڑے قُدرت آلے کلام نال سبھ چیزاں کُوں سنبھلیندے۔ او گُناہاں تُوں پاک کرݨ تُوں بعد اسمان اُتے عظیم خُدا دے سجے پاسے وَنج بیٹھا۔

لُوقا 23:47

جِیں ویلے صوبہ دار ایہ حال ڈِٹھا تاں خُدا دی تعریف کریندے ہوئے آکھیا، ”بے شک ایہ بندہ راستباز ہا۔“

لُوقا 23:41

ساڈی سزا تاں جائز ہے کیوں جو اساں آپنڑے کماں دا بدلہ پیندے پئے ہیں پر اِیں کوئی ایجھا کم نئیں کیتا۔“

1 پطرس 3:22

یسُوع اسمان اُتے وَنج تے خُدا دے سجے پاسے بہہ گِیا ہے تے فرشتے، اِختیار آلے، تے طاقتاں اُوندے تابع کیتے گئے ہِن۔

1 پطرس 1:19

بلکہ ہِک بے عیب تے بے داغ لیلے یعنی مسیح دے قیمتی خون نال۔

عبرانیوں 7:11

جیکر بنی لاوی دی کہانت، جیندے نال اُمت کُوں شریعت عطا کیتی گئی ہئی، لوکاں کُوں کامِل بنڑا سگدی تاں وَل ڈُوجھے کاہِن دی کیا لوڑ ہئی، جیہڑا ہارُون آلی کار نہ ہووے بلکہ مَلک صِدق آلی کار ہووے؟

عبرانیوں 2:10

کیوں جو مناسب ہا جو خُدا جیندے کیتے تے جیندے وسیلے نال سبھ چیزاں موجود ہِن، جِیں ویلے او بہُوں سارے فرزنداں کُوں آپنڑے جلال ءچ شامل کرے تاں اُنہاں دی نجات دے بانی یسُوع کُوں ڈُکھاں دے ذریعے کامِل بنڑاوے۔

اعمال 4:27

واقعی تیڈے قدُّوس خادم یسُوع دے خلاف جِینکُوں تَیں مسیح مقرر کیتا، ہیرودیس تے پنطیُس پِیلاطُس، بنی اِسرائیل تے غیر قوماں نال کٹھے تھی گئے

اعمال 3:14

تُساں اُوں قدُّوس تے راستباز دا اِنکار کیتا تے درخاست کیتی جو ہِک خونی تُہاڈے کیتے رِہا کر ڈِتا ونجے۔

یُوحنّا 14:30

اِیندے بعد مَیں تُہاڈے نال زیادہ گالھیں نہ کریساں کیوں جو اِیں دُنیا دا سردار آندا ہے۔ اُونکُوں میڈے اُتے کوئی اِختیار نئیں،

یُوحنّا 8:29

تے جئیں میکُوں بھیجیا ہے او میڈے نال ہے۔ اُوں میکُوں کلھا نئیں چھوڑیا، کیوں جو مَیں ہمیشاں اُوہو کم کریندا ہاں جیہڑے اُونکُوں پسند ہِن۔“

لُوقا 24:46

تے اُنہاں کُوں آکھیا، ”اِینویں لِکھیا ہے جو المسیح ڈُکھ چے سی تے تریجھے ڈینہہ مُردیاں ءچوں زندہ تھی ویسی۔

لُوقا 24:26

کیا المسیح کیتے لازم نہ ہا جو او ڈُکھاں کُوں برداشت کرݨ تُوں بعد آپنڑے جلال ءچ داخل تھیندا؟“

لُوقا 23:22

اُوں تریجھی پھیری اُنہاں کنُوں پُچھیا، ”کیوں؟ آخر اُوں کیہڑی بُرائی کیتی ہے؟ مَیں اُوندے ءچ قتل دی کوئی وجہ نئیں پاتی۔ بس مَیں اُونکُوں کُٹوا تے چھوڑ ڈیندا ہاں۔“

لُوقا 1:35

فرشتہ جواب ءچ اُونکُوں آکھیا، ”رُوح القُدس تیڈے اُتے نازل تھیسی تے خُدا تعالیٰ دی قُدرت تیڈے اُتے چھاں کریسی۔ اِیں وجہ کنُوں او مُقدّس بچّہ، خُدا دا پوتر اکھویسی۔

مرقس 16:19

خُداوند یسُوع اُنہاں نال کلام کرݨ تُوں بعد اسمان اُتے چا گِھدا گِیا تے خُدا دے سجے پاسُوں بہہ گِیا۔

متّی 27:18

کیوں جو اُونکُوں پتہ ہا جو اُنہاں اُونکُوں حسد نال پکڑوائے۔

مُکاشفہ 3:7

فِلدِلفیہ دی کلیسیا دے فرشتہ کُوں لِکھ جو جیہڑا قدُّوس تے سچا ہے تے داؤد دی کُنجی رکھیندے، جیندے کھولے ہوئے کُوں کوئی بند نئیں کر سگدا تے جیندے بند کیتے ہوئے کُوں کوئی کھول نئیں سگدا، اُوہو ایہ فرمیندے جو

عبرانیوں 2:17

اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

عبرانیوں 3:1

اِیں واسطے میڈے پاک بِھراؤ، تُساں جیہڑے اسمانی دعوتءچ شریک ہیوے، یسُوع اُتے غور کرو جیہڑا رسُول تے کاہِن ِ اعظم ہے تے جِیندا اساں اِقرار کریندے ہیں۔