عبرانیوں 7:25 - کِتاب مُقدّس سرائیکی ترجمہ

²⁵ اِینویں ای جیہڑے لوک یسُوع دے وسیلے نال خُدا دے کولھ آندے ہِن، او اُنہاں کُوں پُوری پُوری نجات ڈے سگدے کیوں جو او اُنہاں دی شفاعت کرݨ کیتے ہمیشاں زندہ ہے۔

عبرانیوں 7:25 Referans Kwoze

رومیوں 8:34

کوݨ اُنہاں کُوں قصُوروار کھڑا سگدے؟ مسیح یسُوع جیہڑا مر گِیا تے زندہ وی تھی گِیا تے جیہڑا خُدا دے سجے پاسُوں موجود ہے، اُوہو ساڈی شفاعت وی کریندے۔

1 تِیمُتھِیُس 2:5

کیوں جو خُدا ہِک ہے تے خُدا تے اِنساناں دے وچال درمیانی وی ہِکو ای ہے یعنی مسیح یسُوع جیہڑا اِنسان ہے

یہُوداہ 1:24

ہُنڑ جیہڑا تُہاکُوں گُمراہی تُوں بچا سگدے تے آپنڑی جلال آلی حضُوری ءچ بہُوں وڈی خوشی نال بے عیب بنڑا تے پیش کر سگدے،

یُوحنّا 14:6

یسُوع اُونکُوں آکھیا جو ”راہ، حق تے زندگی مَیں ہاں، میڈے وسیلہ دے بغیر کوئی باپ دے کولھ نئیں آندا۔

اِفِسیوں 2:18

تے ہُنڑ اساں مسیح دے ذریعے ہِکو رُوح القُدس ءچ باپ دے حضُور آ سگدے ہیں۔

رومیوں 5:2

یسُوع دے وسیلے ساکُوں اِیمان دے سببّوں او فضل حاصل تھیّا جیندے اُتے اساں قائم وی ہیں، تے اساں خُدا دے جلال دی اُمید اُتے خوش ہیں۔

عبرانیوں 11:6

تے بغیر اِیمان دے خُدا کُوں پسند آوݨ ناممکن ہے، کیوں جو لازم ہے جو خُدا دے کولھ آوݨ آلا اِیمان رکھے جو خُدا موجود ہے تے او اُنہاں کُوں اجر ڈیندے جیہڑے اُوندے طالب ہِن۔

اِفِسیوں 3:20

ہُنڑ خُدا دی تعریف تھیوے جیہڑا آپنڑی اُوں قُدرت دے وسیلے جیہڑی ساڈے ءچ اثر کریندی ہے، ساڈے منگنڑ یا سوچنڑ کنُوں بہُوں زیادہ وڈے کم کر سگدے۔

عبرانیوں 9:24

مسیح اِنسانی ہتھاں دے بنڑے مُقدّس گھر ءچ داخل نئیں تھیّا، جیہڑا حقیقی مُقدّس گھر دی صرف نقل ہے، بلکہ اسمان ءچ ای داخل تھیّا تاں جو او ساڈی خاطر خُدا دے سامنڑے حاضر تھیوے۔

عبرانیوں 7:19

کیوں جو شریعت کہیں چیز کُوں کامِل نئیں کیتا تے اُوندی جاہ تے ساکُوں ہِک زیادہ چنگی اُمید عطا کیتی گئی ہے جیندے وسیلے اساں خُدا دے نزدیک وَنج سگدے ہیں۔

یُوحنّا 14:13

تے جیہڑا کُجھ تُساں میڈے ناں تُوں منگسو، مَیں اُوہو کریساں تاں جو باپ دا جلال پوتر دے وسیلے ظاہر تھیوے۔

عبرانیوں 5:7

جِیں ویلے یسُوع اِیں دُنیا ءچ ہا، اُوں خُدا کنُوں جیہڑا اُونکُوں موت کنُوں بچا سگدا ہا، اُچی اواز ءچ تے ہنجُو وہا وہا تے دُعاواں تے مِنتاں کیتیاں، تے اُوندی سُنڑی گئی کیوں جو اُوں آپنڑے آپ کُوں خُدا کیتے وقف کیتا ہا۔

عبرانیوں 13:15

اِیں واسطے اساں یسُوع دے وسیلے نال آپنڑی حمد دی قُربانی خُدا دے حضُور پیش کریندے راہوں یعنی خُدا دے ناں دا اِقرار کریندے راہوں۔ ایہ ساڈے ہونٹاں دا مناسب پھل ہے۔

عبرانیوں 7:16

جیہڑا شریعت دے تقاضے دے مطابق لاوی قوم آلا ہووݨ پارُوں نئیں بلکہ ختم نہ تھیوݨ آلی زندگی دی قُدرت پارُوں مقرر تھئے۔

عبرانیوں 2:18

تے کیوں جو یسُوع خود ازمائش دا سامنڑا کریندے ہوئے ڈُکھ برداشت کیتے، اِیں واسطے او اُنہاں دی وی مدد کر سگدے جیہڑے ازمائش دا سامنڑا کریندے ہِن۔

فِلِپّیوں 3:21

او آپنڑی طاقت نال سارے چیزاں کُوں آپنڑے تابع کر سگدے تے اِیں طاقت دے ذریعے او ساڈے پست حال بدن دی شکل بدل تے اُونکُوں آپنڑے بدن وانگُوں جلال آلا بنڑا ڈیسی۔

یُوحنّا 14:16

تے مَیں باپ کنُوں درخاست کریساں تے او تُہاکُوں ڈُوجھا مددگار بخش ڈیسی تاں جو او ہمیشاں تئیں تُہاڈے نال راہوے

2 تِیمُتھِیُس 1:12

اِیہو وجہ ہے جو مَیں ہُنڑ ڈُکھ چیندا ہاں۔ پر مَیں شرمیندا نئیں کیوں جو جئیں اُتے مَیں اِیمان رکھیندا ہاں، اُونکُوں جانڑدا ہاں تے میکُوں یقین ہے جو او آپنڑے وَل آوݨ آلے ڈینہہ تئیں میڈی امانت دی حفاظت کر سگدے۔

عبرانیوں 7:24

پر یسُوع ہمیشاں تئیں قائم راہنڑ آلا ہے، اِیں واسطے اُوندی کہانت ہمیشاں تئیں ہے۔

اِفِسیوں 3:12

ہُنڑ مسیح ءچ تے مسیح اُتے اِیمان رکھ تے اساں دلیری تے اعتماد نال خُدا دے کولھ آ سگدے ہیں۔

عبرانیوں 7:8

اِتھاں تاں ڈاہواں حصہ گِھننڑ آلے کاہِن فانی اِنسان ہِن، پر اُتھاں ڈاہواں حصہ گِھننڑ آلا مَلک صِدق ہے جیندے بارے ءچ ایہ گواہی ڈِتی ویندی ہے جو او زندہ ہے۔

رومیوں 5:10

کیوں جو جِیں ویلے خُدا دے دُشمنڑ ہووݨ دے باوجود اُوندے پوتر دی موت دے وسیلے ساڈی اُوندے نال صُلح تھی گئی تاں صُلح تھیوݨ تُوں بعد اساں اُوندی زندگی دے سببّوں ضرور ای بچ ویسوں۔

1کُرِنتھِیوں 1:21

کیوں جو خُدا آپنڑی حِکمت دے مطابق ایہ فیصلہ کیتے جو دُنیا آلے آپنڑی حِکمت نال خُدا کُوں نہ جانڑݨ بلکہ خُدا کُوں ایہ پسند آیا جو اِیں بیوقُوفی دے پیغام دے وسیلے نال جیندی اساں تبلیغ کریندے ہیں اِیمان گِھن آوݨ آلیاں کُوں نجات بخشے۔

عبرانیوں 2:9

پر اساں یسُوع کُوں، جِینکُوں کُجھ دیر کیتے فرشتیاں کنُوں گھٹ کیتا گِیا، موت دا ڈُکھ سہنڑ دے سببّوں شان تے عزت دا تاج پاتے ہوئے ڈیدھے ہیں۔ ہا خُدا دے فضل نال اُوں ہر اِنسان کیتے موت دا مزہ چکھیا۔