عبرانیوں 6:19 - کِتاب مُقدّس سرائیکی ترجمہ

¹⁹ ایہ اُمید ساڈے کیتے ایجھے لنگر آلی کار ہے جیہڑا مضبوط تے قائم راہندے۔ تے ایہ اُمید ساکُوں پڑدے دے پِچُھوں خُدا دی سبھ تُوں مُقدّس جاہ تئیں پُچیندی ہے،

عبرانیوں 6:19 Referans Kwoze

عبرانیوں 9:7

پر ڈُوجھے حصے ءچ صرف کاہِن ِ اعظم ویندا ہا، پر او وی سال ءچ صرف ہِک پھیری۔ تے او قُربانی دے خون دے بغیر نئیں ویندا، جیہڑا او آپنڑے تے قوم دے بُھل چُک ءچ کیتے ہوئے گُناہاں دی خاطر پیش کریندا ہا۔

عبرانیوں 9:3

وَل ڈُوجھے پڑدے دے پِچُھوں او جاہ ہئی جِینکُوں سبھ تُوں مُقدّس کمرہ آکھیا ویندا ہا۔

متّی 27:51

تے ہیکل دا پڑدہ اُتوں کنُوں تلے تئیں پھٹ تے ڈُو ٹوٹے تھی گِیا تے زمین کمب گئی تے چٹاناں تِڑک گئیاں۔

کلُسِّیوں 3:1

تُساں مسیح نال زندہ کیتے گئے، اِیں واسطے اُنہاں چیزاں دی خواہش ءچ راہو جیہڑیاں اسمان اُتے ہِن، جِتھاں مسیح خُدا دے سجے پاسُوں بیٹھے۔

2 تِیمُتھِیُس 2:19

وَل وی خُدا دی مضبوط بنیاد قائم راہندی ہے تے اُوندے اُتے اِنہاں گالھیں دی مُہر تھی گئی ہے جو ”رب آپنڑے بندیاں کُوں پچھاݨ گِھندے۔“ تے ”جیہڑا کوئی رب دا ناں گِھندے او بدی تُوں دُور راہوے۔“

اعمال 27:29

اِیں ڈر کنُوں جو کِتھائیں چٹاناں نال ٹکرا ونجے، اُنہاں جہاز دے پِچھلے حصہ کنُوں چار لنگر سمندر ءچ سَٹ ڈِتے تے سویل تھیوݨ کیتے دُعا کرݨ لگے۔

رومیوں 4:16

اِیں واسطے ایہ وعدہ اِیمان دے سببّوں مِلدے تاں جو فضل دے طور تے ہووے تے ابرہام دی یکی نسل کیتے ہووے، صرف اُنہاں کیتے نئیں جیہڑے شریعت دے مننڑ آلے ہِن بلکہ اُنہاں کیتے وی جیہڑے ابرہام وانگُوں اِیمان رکھیندے ہِن۔ کیوں جو ابرہام اساں ساریاں دا پِیُو ہے،

اعمال 27:40

بس لنگر کھول تے سمندر ءچ چھوڑ ڈِتے تے جہاز دا رُخ بدلنڑ آلے چپُوواں دیاں رسیاں وی کھول ڈِتیاں۔ سامنڑے دا پڑدہ کھول تے اُتے چڑھا ڈِتا تے کنارے دو ودھے۔

عبرانیوں 4:16

اِیں واسطے اساں خُدا دے فضل دے تخت دے کولھ دلیری نال جُلوں تاں جو او ساڈے اُتے رحم کرے تے اساں اُوں فضل کُوں حاصل کرُوں جیہڑا ضرورت ویلے ساڈی مدد کرے۔

اِفِسیوں 2:6

خُدا ساکُوں مسیح یسُوع نال زندہ کر تے اسمانی مقاماں ءچ اُوندے نال بِلھایا،

1کُرِنتھِیوں 15:58

اِیں کیتے میڈے عزیز بِھراؤ! مضبوط تے قائم راہو تے خُدا دی خدمت ءچ ہمیشاں جوش نال بھرے راہو کیوں جو تُساں جانڑدے ہیوے جو خُداوند کیتے تُہاڈی محنت بے فائدہ نئیں۔

اعمال 23:6

جِیں ویلے پولُس کُوں پتہ لگیا جو اُنہاں ءچوں کُجھ صدوقی ہِن تے کُجھ فریسی تاں اُوں عدالت ءچ اُچی اواز ءچ آکھیا، ”بِھراؤ! مَیں فریسی ہاں تے فریسی پِیُو دا پوتر ہاں۔ میڈے اُتے اِیں واسطے مقدمہ چلایا ویندا پئے جو مَیں اُمید رکھیندا ہاں جو مُردے وَل زندہ تھیسن۔“

رومیوں 4:18

ابرہام نا اُمیدی ءچ وی اِیمان رکھیندا ہا تے بہُوں ساریاں قوماں دا پِیُو بنڑیا جِینویں جو اُونکُوں آکھیا گِیا ہا جو ”تیڈی نسل اِینویں ای ہوسی۔“

رومیوں 5:4

تے صبر نال مُستقل مزاجی تے مُستقل مزاجی نال اُمید پیدا تھیندی ہے۔

1کُرِنتھِیوں 13:13

بس اِیمان، اُمید تے محبت ایہ ترِیحو ہمیشاں قائم راہندن پر محبت اِنہاں ءچوں افضل ہے۔

کلُسِّیوں 1:27

خُدا اُنہاں اُتے ایہ ظاہر کرݨ چاہندا ہا جو او راز غیر قوماں کیتے کِتنا بیش قیمت تے جلال آلا ہے۔ تے او راز ایہ ہے جو مسیح جیہڑا جلال دی اُمید ہے، تُہاڈے ءچ راہندے۔

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے