عبرانیوں 6:17 - کِتاب مُقدّس سرائیکی ترجمہ

¹⁷ اِیں واسطے جِیں ویلے خُدا دی مرضی تھئی جو وعدے دے وارثاں اُتے بِیا وی صاف طور تے ظاہر کرے جو میڈا اِرادہ لاتبدیل ہے تاں اُوں قَسم کھا تے اِیندی تصدیق کیتی۔

عبرانیوں 6:17 Referans Kwoze

عبرانیوں 6:18

کیوں جو خُدا کُوڑ نئیں مار سگدا، اِیں واسطے خُدا دا وعدہ تے خُدا دی قَسم ڈُو ایجھیاں چیزاں ہِن جیہڑیاں لاتبدیل ہِن۔ تے اِنہاں دی وجہ کنُوں اساں جیہڑے پناہ کیتے خُدا دو بھج آئے ہیں، وڈے حوصلے نال اُوں اُمید کُوں جیہڑی ساڈے سامنڑے ہے، پکڑی رکھ سگدے ہیں۔

عبرانیوں 11:9

اِیمان دی وجہ کنُوں ای او خُدا دے وعدہ کیتے ہوئے اُوں مُلک ءچ ہِک پردیسی دے طور تے اِضحاق تے یعقُوب سمیت جیہڑے وعدے ءچ اُوندے نال وارث ہَن، تمبُواں ءچ راہنڑ لگا۔

یُوحنّا 10:10

چور صرف چوری کرݨ، مار گھتنڑ تے برباد کرݨ آندے۔ مَیں اِیں واسطے آیا ہاں جو لوک زندگی پاوݨ تے کثرت نال پاوݨ۔

1 پطرس 3:7

پائیو! تُساں وی آپنڑیاں ذالاں کُوں آپنڑے تُوں کمزور جاݨ تے اُنہاں دے نال سمجھداری نال زندگی گُزارو، تے اُنہاں کُوں زندگی دیاں نعمتاں ءچ برابر شریک جاݨ تے اُنہاں دی عزت کرو تاں جو تُہاڈیاں دُعاواں رُک نہ ونجنڑ۔

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

یعقُوب 1:17

ہر چنگی برکت تے کامِل نعمت اسمان کنُوں خُدا دی طرفوں مِلدی ہے جیہڑا نُوراں دا خالق ہے۔ اُوندے ءچ نہ تبدیلی آندی ہے تے نہ ای او پچھانویں وانگُوں تبدیل تھیندے۔

عبرانیوں 6:16

لوک تاں آپنڑے کنُوں وڈے دی قَسم کھاندے ہِن تے قَسم گالھ دی تصدیق کر تے جھیڑے کُوں ختم کریندی ہے۔

عبرانیوں 6:12

تُساں آلسی نہ بنڑو بلکہ اُنہاں دے نمونے اُتے ٹُرو جیہڑے آپنڑے اِیمان تے صبر دے سببّوں وعدیاں دے وارث تھیندے ہِن۔

گلتِیوں 3:29

تے جے تُساں مسیح دے ہیوے تاں ابرہام دی نسل تے وعدے دے مطابق وارث وی ہیوے۔

رومیوں 11:29

کیوں جو خُدا دیاں نعمتاں تے اُوندا بُلاوا کڈھائیں تبدیل نئیں تھیندا۔

عبرانیوں 11:7

اِیمان دی وجہ کنُوں ای نُوح اُنہاں چیزاں دے بارے ءچ جیہڑیاں اُوں وقت تئیں نظر نہ آندیاں ہَن، خُدا دی طرفوں ہدایت پا تے خُدا دا خوف منیندے ہوئے آپنڑے سارے خاندان کُوں بچاوݨ کیتے کشتی بنڑائی۔ اِینویں اِیمان رکھنڑ نال اُوں دُنیا کُوں قصُوروار بنڑایا تے اُوں راستبازی دا وارث بنڑ گِیا جیہڑی اِیمان نال مِلدی ہے۔

رومیوں 8:17

تے جے فرزند ہیں تاں وارث وی ہیں یعنی خُدا دے وارث تے مسیح دے ہم میراث، شرط ایہ ہے جو اساں اُوندے نال ڈُکھ چاؤں تاں جو اُوندے نال جلال وی پاؤں۔

یعقُوب 2:5

میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

اِفِسیوں 1:11

مسیح ءچ ساکُوں وی وراثت مِل گئی ہے کیوں جو خُدا جیہڑا سبھ کُجھ آپنڑی مرضی تے مقصد دے مطابق کریندے، اُوں آپنڑے اِرادہ دے مطابق ساڈے کیتے ایہ پہلے کنُوں ای مقرر کیتے۔