عبرانیوں 5:8 - کِتاب مُقدّس سرائیکی ترجمہ

⁸ پوتر ہووݨ دے باوجود اُوں ڈُکھ چا چا تے تابعداری سِکھی۔

عبرانیوں 5:8 Referans Kwoze

فِلِپّیوں 2:8

اُوں اِنسانی شکل ءچ ظاہر تھی تے آپنڑے آپ کُوں پست کر ڈِتا تے موت بلکہ صلیبی موت تئیں فرمانبرداری کیتی۔

یُوحنّا 4:34

یسُوع اُنہاں کُوں آکھیا، ”میڈا کھانڑا ایہ ہے جو مَیں آپنڑے بھیجنڑ آلے دی مرضی پُوری کراں تے اُوندا کم پُورا کراں۔

یُوحنّا 15:10

جے تُساں میڈے حُکماں اُتے عمل کریسو تاں میڈی محبت ءچ قائم راہسو، جِینویں مَیں آپنڑے باپ دے حُکماں اُتے عمل کیتے تے اُوندی محبت ءچ قائم ہاں۔

یُوحنّا 6:38

کیوں جو مَیں اسمان کنُوں اِیں واسطے نئیں لتھا جو آپنڑی مرضی پُوری کراں بلکہ اِیں واسطے جو آپنڑے بھیجنڑ آلے دی مرضی پُوری کراں۔

عبرانیوں 3:6

پر مسیح پوتر دی حیثیت نال خُدا دے گھر دا مُختار ہے۔ تے اُوندے گھر آلے اساں ہیں پر شرط ایہ ہے جو اساں اُوں دلیری تے اُمید کُوں مضبوطی نال قائم رکھوں جیندے اُتے اساں فخر کریندے ہیں۔

عبرانیوں 1:8

پر پوتر دے بارے ءچ اکھیندے جو ”اے خُدا، تیڈا تخت ہمیشاں تئیں قائم راہسی، تیڈی بادشاہی دا عصا اِنصاف دا عصا ہے۔

عبرانیوں 1:5

کیوں جو فرشتیاں ءچوں خُدا کڈھاں کہیں کُوں آکھیا جو ”تُوں میڈا پوتر ہیں اَج مَیں تیڈا باپ بنڑیا۔“ تے وَل ایہ جو ”مَیں اُوندا باپ ہوساں تے او میڈا پوتر ہوسی۔“

متّی 3:15

یسُوع جواب ڈِتا، ”ہُنڑ، اِینویں ای تھیوݨ ڈے، کیوں جو مناسب ہے جو اساں خُدا دی مرضی کُوں اِیں طرحاں ای پُورا کرُوں۔“ وَل اُوں تھیوݨ ڈِتا۔

عبرانیوں 1:2

پر اِنہاں آخری ڈینہاں ءچ اُوں آپنڑے پوتر دے وسیلے ساڈے نال کلام کیتا، جِینکُوں اُوں سبھ چیزاں دا وارث بنڑایا تے جیندے وسیلے اُوں کائنات کُوں خلق کیتا۔

یُوحنّا 10:18

میڈی جان مَیں کنُوں کوئی وی نئیں کھسیندا بلکہ مَیں آپنڑی مرضی نال اُونکُوں قُربان کریندا ہاں۔ میڈے کولھ اُونکُوں ڈیوݨ دا وی اِختیار ہے تے اُونکُوں ولا گِھننڑ دا وی اِختیار ہے۔ ایہ حُکم میکُوں میڈے باپ کنُوں مِلیا ہے۔“