عبرانیوں 5:11 - کِتاب مُقدّس سرائیکی ترجمہ

¹¹ اِیندے بارے ءچ ساکُوں مزید بہُوں کُجھ آکھنڑا ہے پر تُہاکُوں سمجھاونڑا مُشکل ہے، کیوں جو تُساں ڈورے ہیوے۔

عبرانیوں 5:11 Referans Kwoze

متّی 13:15

کیوں جو اِیں اُمت دے دل اُتے چربی چڑھ گئی ہے تے او کَناں کنُوں اُچا سُنڑدے ہِن تے اُنہاں آپنڑے اکھیں بند کر گِھدیاں ہِن کِتھائیں اِینویں نہ تھیوے جو او اکھیں کنُوں ڈیکھنڑ تے کَناں نال سُنڑݨ دل نال سمجھنڑ تے رجُوع گِھن آوݨ تے مَیں اُنہاں کُوں شِفا بخشاں۔‘

2 پطرس 3:16

او آپنڑے سبھ خطاں ءچ اِنہاں گالھیں دا ذِکر کریندے۔ اُوندے کُچھ گالھیں دا سمجھنڑ مُشکل ہے، تے احمق تے بے قیام لوک اُنہاں دے معنی کُوں اِینویں تروڑ مروڑ تے پیش کریندے ہِن، جِینویں او ڈُوجھے صحیفیاں نال وی کریندے ہِن۔ او آپنڑے کیتے تباہی پیدا کریندے ہِن۔

اعمال 28:27

کیوں جو اِیں قوم دے دل اُتے چربی چڑھ گئی ہے۔ او اُچا سُنڑݨ لگے ہِن تے اُنہاں آپنڑے اکھیں بند کر گِھدیاں ہِن۔ کِتھائیں اِینویں نہ تھیوے جو او اکھیں کنُوں ڈیکھنڑ، تے کَناں نال سُنڑݨ، دل نال سمجھنڑ تے رجُوع گِھن آوݨ تے مَیں اُنہاں کُوں شِفا بخشاں۔‘

یُوحنّا 16:12

میکُوں تُہاکُوں بِیا وی بہُوں کُجھ آکھنڑا ہے پر حالی تُساں اُوندی برداشت نئیں کر سگدے،

یُوحنّا 6:6

پر اُوں اُونکُوں ازماوݨ کیتے ایہ آکھیا ہا کیوں جو او خود جانڑدا ہا جو مَیں کیا کریساں۔

لُوقا 24:25

یسُوع اُنہاں کُوں آکھیا، ”نادانو تے نبیاں دے سبھ گالھیں کُوں مننڑ ءچ سُست لوکو!

مرقس 8:21

اُوں اُنہاں کُوں آکھیا، ”کیا تُساں ہُنڑ تئیں نئیں سمجھدے؟“

عبرانیوں 5:10

تے خُدا اُونکُوں مَلک صِدق وانگُوں کاہِن ِ اعظم مقرر کیتا۔

عبرانیوں 5:12

وقت دے حساب نال تاں ہُنڑ تئیں تُہاکُوں اُستاد ہوونڑا چاہیدا ہا پر ہُنڑ تئیں اِیں گالھ دی لوڑ ہے جو کوئی بندہ تُہاکُوں خُدا دے کلام دے بنیادی اصُول ولا سِکھاوے۔ تُہاکُوں روٹی کھاوݨ دی نئیں بلکہ کھیر پِیوݨ دی لوڑ ہے۔