عبرانیوں 4:9 - کِتاب مُقدّس سرائیکی ترجمہ

⁹ اِیں واسطے خُدا دے لوکاں کیتے ایجھا خاص ارام باقی ہے جیہڑا سبت دے ڈینہہ آلی کار ہے۔

عبرانیوں 4:9 Referans Kwoze

1 پطرس 2:10

پہلے تُساں کوئی اُمت نہ ہَوے، پر ہُنڑ خُدا دی اُمت بنڑ گئے ہیوے۔ پہلے تُہاڈے اُتے رحمت نہ تھئی ہئی پر ہُنڑ تُہاڈے اُتے رحمت تھئی ہے۔

مُکاشفہ 21:4

او اُنہاں دے اکھیں دے سارے ہنجُو پُونجھ ڈیسی۔ وَل نہ موت باقی راہسی نہ ماتم، نہ رووݨ تے نہ کوئی درد باقی راہسی کیوں جو پہلیاں چیزاں ویندیاں ریہیاں۔“

عبرانیوں 4:3

صرف اساں جیہڑے اِیمان گِھن آئے ہیں خُدا دے ارام دی جاہ ءچ داخل تھیندے ہیں جِینویں اُوں آکھے جو ”مَیں آپنڑے غضب ءچ قَسم کھادی جو او اُوں جاہ ءچ کڈھائیں داخل نہ تھیسن جِتھاں مَیں اُنہاں کُوں ارام ڈیونڑا ہا۔“ بھانویں جو دُنیا دے بنڑائے ونجنڑ دے وقت کنُوں اُوندے کم پُورے تھی گئے ہَن۔

عبرانیوں 4:1

بس جڈاں خُدا دا ایہ وعدہ قائم ہے جو اساں اُوندے ارام دی جاہ ءچ داخل تھی سگدے ہیں تاں ساکُوں خبردار راہونڑا چاہیدے، کِتھائیں اِینویں نہ تھیوے جو تُہاڈے ءچوں کوئی اُوندے ءچ داخل تھیوݨ کنُوں محروم رہ ونجے۔

عبرانیوں 11:25

کُجھ ڈینہہ گُناہ دا مزہ چاوݨ دی بجائے اُوں خُدا دی اُمت نال رَل تے بدسلُوکی برداشت کرݨ زیادہ پسند کیتا۔

عبرانیوں 3:11

اِیں واسطے مَیں آپنڑے غضب ءچ قَسم کھادی جو او اُوں جاہ ءچ کڈھائیں داخل نہ تھیسن جِتھاں مَیں اُنہاں کُوں ارام ڈیونڑا ہا۔“

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

متّی 1:21

اُوندے پوتر جمسی تے تُوں اُوندا ناں یسُوع رکھیں کیوں جو اُوہو آپنڑے لوکاں کُوں اُنہاں دے گُناہاں تُوں نجات ڈیسی۔“

عبرانیوں 4:8

جے یشُوع بِن نُون اُنہاں کُوں ارام ڈِتا ہوندا تاں خُدا اُوندے بعد ہِک بئے ڈینہہ دا ذِکر نہ کریندا۔

عبرانیوں 4:10

کیوں جو جیہڑا کوئی خُدا دے ارام ءچ داخل تھیندے او خُدا وانگُوں آپنڑے کماں تُوں فارغ تھی تے ارام کریندے۔

مُکاشفہ 14:13

وَل مَیں اسمان کنُوں ہِک اواز کُوں ایہ آدھے ہوئے سُنڑیا، ”لِکھ! مُبارک ہِن او جیہڑے ہُنڑ کنُوں خُداوند ءچ مردے ہِن۔“ رُوح القُدس فرمیندے، ”ہا! او آپنڑی محنت تُوں چُھٹ تے ارام پیسن کیوں جو اُنہاں دے اعمال اُنہاں دے پِچُھوں پِچُھوں آ تے اُنہاں دے نال راہسن۔“