عبرانیوں 4:13 - کِتاب مُقدّس سرائیکی ترجمہ

¹³ کائنات دی کوئی چیز خُدا دی نظر کنُوں لُکی ہوئی نئیں، بلکہ جیندے حضُور ءچ ساکُوں جواب ڈیونڑے، اُوندی نظر ءچ ہر چیز بے نقاب تے ظاہر ہے۔

عبرانیوں 4:13 Referans Kwoze

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

2کُرِنتھِیوں 5:10

کیوں جو اساں ساریاں کُوں مسیح دے تختِ عدالت دے سامنڑے حاضر تھیونڑاں ہے تاں جو ہر بندہ آپنڑے کماں دا بدلہ پاوے جیہڑے اُوں آپنڑے بدن ءچ راہندے ہوئے کیتے ہِن، بھانویں چنگے ہِن یا بُرے۔

رومیوں 2:16

ایہ اُوں ڈینہہ تھیسی جڈاں خُدا یسُوع مسیح دے وسیلے اِنساناں دیاں لُکیاں گالھیں دا اِنصاف کریسی جِینویں مَیں خوشخبری سُنڑیندا ہاں۔

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

یُوحنّا 2:24

پر یسُوع کُوں اُنہاں اُتے اعتبار نہ ہا، اِیں کیتے جو او ساریاں کُوں جانڑدا ہا۔

اعمال 17:31

کیوں جو اُوں ہِک ڈینہہ مقرر کر ڈِتے جِیں ویلے او عدل نال ساری دُنیا دی عدالت اُوں بندے دے ذریعے کریسی جِینکُوں اُوں مقرر کیتا ہے۔ تے اُونکُوں مُردیاں ءچوں زندہ کر تے ایہ گالھ سارے اِنساناں اُتے ثابت کر ڈِتی ہے۔“

متّی 6:4

تاں جو تیڈی خیرات لُکی راہوے۔ وَل تیڈا باپ جیہڑا لُکے ہوئے کم ڈیدھے، تیکُوں اجر ڈیسی۔

یُوحنّا 4:16

یسُوع اُونکُوں آکھیا، ”وَنج تے آپنڑے پئے کُوں اِتھاں سڈ آ۔“