عبرانیوں 3:5 - کِتاب مُقدّس سرائیکی ترجمہ

⁵ مُوسیٰ تاں خادم دی حیثیت نال خُدا دے سارے گھر ءچ وفادار ریہا، تاں جو اُنہاں گالھیں دی گواہی ڈیوے جیہڑیاں خُدا آئندہ بیان کرݨ آلا ہے۔

عبرانیوں 3:5 Referans Kwoze

عبرانیوں 3:2

جِینویں مُوسیٰ خُدا دے گھر ءچ وفادار ہا، اُونویں ای یسُوع آپنڑے مقرر کرݨ آلے نال وفادار ریہا۔

اعمال 28:23

وَل اُنہاں پولُس دے گالھیں سُنڑݨ کیتے ہِک ڈینہہ مقرر کیتا۔ جِیں ویلے او ڈینہہ آیا تاں او پہلے کنُوں وی زیادہ تعداد ءچ اُوں گھر ءچ آئے جِتھاں او راہندا ہا۔ سویل تُوں گِھن تے شام تئیں پولُس اُنہاں کُوں سمجھا سمجھا تے خُدا دی بادشاہی دے بارے ءچ گواہی ڈِتی تے مُوسیٰ دی توریت تے نبیاں دے صحیفیاں ءچوں اُنہاں کُوں یسُوع دے بارے ءچ قائل کرݨ دی کوشش کیتی۔

عبرانیوں 8:5

جیہڑے اُوں مُقدّس گھر ءچ خدمت کریندے ہِن جیہڑا اسمانی ہیکل دی نقل تے اُوندا پچھاواں ہے۔ اِیہو وجہ ہے جو جِیں ویلے مُوسیٰ مُقدّس تمبُو بنڑاوݨ لگا تاں اُوں ویلے خُدا اُونکُوں فرمایا، ”ساریاں چیزاں اُوں نمونے دے مطابق دھیان نال بنڑا جیہڑا تیکُوں پہاڑ اُتے ڈِکھایا گِیا ہا۔“

1 تِیمُتھِیُس 1:12

مَیں آپنڑے خُداوند یسُوع مسیح دا شُکر کریندا ہاں جئیں میکُوں طاقت ڈِتی تے دیانتدار جاݨ تے آپنڑی خدمت کیتے مقرر کیتا۔

عبرانیوں 9:24

مسیح اِنسانی ہتھاں دے بنڑے مُقدّس گھر ءچ داخل نئیں تھیّا، جیہڑا حقیقی مُقدّس گھر دی صرف نقل ہے، بلکہ اسمان ءچ ای داخل تھیّا تاں جو او ساڈی خاطر خُدا دے سامنڑے حاضر تھیوے۔

رومیوں 3:21

پر ہُنڑ خُدا شریعت دے بغیر راستباز کھڑاوݨ دی ہِک راہ ظاہر کیتی ہے جیندی گواہی توریت تے نبیاں تُوں تھیندی ہے۔

یُوحنّا 5:39

تُساں خُدا دے کلام ءچ گولھیندے ہیوے کیوں جو سمجھدے ہیوے جو اُوندے ءچ تُہاکُوں ہمیشاں دی زندگی مِلدی ہے۔ ایہ او ہے جیہڑا میڈی گواہی ڈیندے،

لُوقا 24:44

وَل اُوں اُنہاں کُوں آکھیا، ”جِیں ویلے مَیں تُہاڈے نال ہم تاں تُہاکُوں ایہ گالھیں ڈسا ڈِتیاں ہَن جو مُوسیٰ دی توریت، نبیاں دے صحیفیاں تے زبُور ءچ میڈے بارے جیہڑا کُجھ لِکھیا ہے، اُنہاں دا پُورا تھیوݨ ضرور ہے۔“

لُوقا 24:27

وَل مُوسیٰ کنُوں گِھن تے سارے نبیاں دے گالھیں جیہڑیاں اُوندے حق ءچ لِکھیاں ہوئیاں ہِن، اُنہاں کُوں سمجھا ڈِتیاں۔

1کُرِنتھِیوں 4:2

ایہ ضروری ہے جو مُختار دیانتدار ہووے۔

اعمال 7:37

ایہ اُوہو مُوسیٰ ہے جئیں بنی اِسرائیل کُوں آکھیا جو ’خُدا تُہاڈے بِھرانواں ءچوں تُہاڈے کیتے میڈے وانگُوں ہِک نبی پیدا کریسی۔‘

لُوقا 12:42

خُداوند آکھیا، ”او دیانتدار تے عقلمند مُنشی کیہڑا ہے جِینکُوں اُوندا مالک آپنڑے گھر دے نوکراں چاکراں اُتے مقرر کرے جو او اُنہاں دی خوراک ٹھیک ویلے اُتے ونڈیندا راہوے؟

متّی 25:21

اُوندے مالک اُونکُوں آکھیا، ’شاباش میڈے چنگے تے اِیماندار نوکر۔ تُوں تھوڑے ءچ اِیماندار ریہا۔ مَیں تیکُوں بہُوں ساریاں چیزاں دا مُختار بنڑیساں۔ آپنڑے مالک دی خوشی ءچ شریک تھی۔‘

متّی 24:45

او دیانتدار تے عقلمند نوکر کیہڑا ہے، جِینکُوں اُوندا مالک آپنڑے گھر دے بئے نوکراں چاکراں اُتے مقرر کرے، تاں جو اُنہاں کُوں ویلے نال کھانڑا ڈِتا کرے؟

عبرانیوں 1:1

گُزرے زمانیاں ءچ خُدا ساڈے پِیُو ڈاڈا نال مختلف موقعیاں اُتے تے مختلف طریقیاں نال نبیاں دے وسیلے کلام کیتا،

عبرانیوں 3:4

ہر گھر دا کوئی نہ کوئی بنڑاوݨ آلا ہوندے، پر سبھ چیزاں دا بنڑاوݨ آلا خُدا ہے۔

مُکاشفہ 15:3

تے او خُدا دے بندہ مُوسیٰ دا گیت تے لیلے دا گیت گاندے پئے ہَن، ”اے خُداوند، قادر ِ مُطلق خُدا! تیڈے کم کتنے عظیم تے عجیب ہِن۔ اے قوماں دے ازلی بادشاہ! تیڈیاں راہاں راست تے سچیاں ہِن۔