عبرانیوں 3:12 - کِتاب مُقدّس سرائیکی ترجمہ

¹² بِھراؤ، خبردار راہو جو تُہاڈے ءچوں کہیں دا دل بُرائی پارُوں تے اِیمان نہ رکھنڑ پارُوں زندہ خُدا تُوں پِھر نہ ونجے۔

عبرانیوں 3:12 Referans Kwoze

عبرانیوں 12:25

خبردار! آپنڑے نال کلام کرݨ آلے دا اِنکار نہ کرائے کیوں جو جِیں ویلے بنی اِسرائیل زمین اُتے ہدایت کرݨ آلے دا اِنکار کر تے بچ نہ سگے تاں جے اساں اسمان کنُوں ہدایت کرݨ آلے دا اِنکار کریسوں تاں کِینویں بچ سگسوں؟

1کُرِنتھِیوں 10:12

بس جیہڑا کوئی آپنڑے آپ کُوں اِیمان ءچ مضبوطی نال قائم سمجھدے، خبردار راہوے جو کِتھائیں ڈھے نہ پووے۔

عبرانیوں 10:38

میڈا راستباز بندہ اِیمان نال زندہ راہسی، جے او پِچھاں ہٹ ونجے تاں میڈا دل اُوں کنُوں خوش نہ تھیسی۔“

عبرانیوں 12:15

دھیان کرو جو کوئی بندہ خُدا دے فضل کنُوں محروم نہ رہ ونجے، اِینویں نہ تھیوے جو کوئی بندہ کڑوی جڑھ آلی کار پُھٹ تے تُہاکُوں تکلیف ڈیوے تے بہُوں سارے لوکاں کُوں وِگاڑ ڈیوے۔

عبرانیوں 3:10

اِیں واسطے مَیں اُوں نسل نال ناراض تھیّا تے آکھیا جو ’اُنہاں دے دل ہمیشاں گُمراہ تھیندے راہندن، تے اُنہاں میڈے رستیاں کُوں نئیں پچھانڑیا۔‘

مرقس 13:33

خبردار! جاگدے تے دُعا کریندے راہو کیوں جو تُساں نئیں جانڑدے جو او وقت کِیں ویلے آسی۔

متّی 24:4

یسُوع جواب ءچ آکھیا، ”خبردار! کوئی تُہاکُوں گُمراہ نہ کر ڈیوے۔

مرقس 13:9

پر تُساں خبردار رہوائے کیوں جو لوک تُہاکُوں عدالتاں ءچ پیش کریسن تے تُساں عبادت خانیاں ءچ ماراں کھاسو، تے میڈی وجہ کنُوں حاکماں تے بادشاہاں دے سامنڑے حاضر کیتے ویسو تے ایہ تُہاڈے کیتے گواہی ڈیوݨ دا موقع ہوسی۔

1تھِسّلُنیکیوں 1:9

کیوں جو لوک خود ڈسیندے ہِن جو جِیں ویلے اساں تُہاڈے کولھ آئے تاں تُساں کِینویں خوشی نال ساڈا اِستقبال کیتا، تے کِینویں بُتاں کُوں چھوڑ تے زندہ تے برحق خُدا دی عبادت کرݨ کیتے اُوندے دو آئے،

رومیوں 11:21

کیوں جو جِیں ویلے خُدا اصلی لڑیاں کُوں نہ چھوڑیا تاں او تیکُوں وی نہ چھوڑیسی۔

لُوقا 21:8

اُوں آکھیا، ”خبردار، کوئی تُہاکُوں گُمراہ نہ کر ڈیوے کیوں جو بہُوں سارے میڈے ناں نال آسن تے اکھیسن، ’مَیں المسیح ہاں‘ تے ایہ وی جو ’ویلا نیڑے آ گِیا ہے۔‘ تُساں اُنہاں دے پِچُھوں نہ ٹُر پوائے۔

مرقس 13:23

پر تُساں خبردار رہوائے۔ ڈیکھو مَیں تُہاکُوں پہلے ای سبھ کُجھ ڈسا ڈِتے۔

متّی 16:16

شمعون پطرس جواب ڈِتا، ”تُساں زندہ خُدا دے پوتر المسیح ہیوے۔“

کلُسِّیوں 2:8

خبردار! کوئی بندہ تُہاکُوں اُنہاں فلسفیانہ تے بے فائدہ دوکھے آلے گالھیں دا شکار نہ کر گِھنے، جیہڑیاں اِنسانی روایتاں تے دُنیاوی اصُولاں دے مطابق ہِن نہ جو مسیح دے مطابق۔

عبرانیوں 3:1

اِیں واسطے میڈے پاک بِھراؤ، تُساں جیہڑے اسمانی دعوتءچ شریک ہیوے، یسُوع اُتے غور کرو جیہڑا رسُول تے کاہِن ِ اعظم ہے تے جِیندا اساں اِقرار کریندے ہیں۔

عبرانیوں 3:19

اِینویں اساں ڈیدھے ہیں جو او اِیمان نہ رکھنڑ دی وجہ تُوں اُوں ارام دی جاہ ءچ داخل نہ تھی سگے۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

عبرانیوں 10:31

ایہ ہِک خوفناک گالھ ہے جو زندہ خُدا ساکُوں سزا ڈیوݨ کیتے پکڑے۔

عبرانیوں 12:22

بلکہ تُساں صِیُّون پہاڑ، تے زندہ خُدا دے شہر یعنی اسمانی یروشلیم دے کولھ آئے ہیوے، تے خوشی مناوݨ آلے لکھاں فرشتیاں،