عبرانیوں 2:17 - کِتاب مُقدّس سرائیکی ترجمہ

¹⁷ اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

عبرانیوں 2:17 Referans Kwoze

عبرانیوں 4:14

بس جڈاں ساڈا ہِک ایجھا عظیم کاہِن ِ اعظم ہے جیہڑا اسماناں کنُوں لنگھ گِیا یعنی خُدا دا پوتر یسُوع، تاں آؤ اساں آپنڑے اِیمان اُتے قائم راہوں، جِیندا اِقرار اساں کریندے ہیں۔

عبرانیوں 2:14

بس کیوں جو خُدا دے فرزند خون تے گوشت نال بنڑے ہوئے اِنسان ہِن، اِیں واسطے یسُوع خود وی اُنہاں آلی کار اِنسان بنڑیا تاں جو آپنڑی موت دے وسیلے نال موت دی قُدرت رکھنڑ آلے یعنی ابلیس کُوں تباہ کرے،

عبرانیوں 7:26

ساکُوں ایجھے ای کاہِن ِ اعظم دی لوڑ ہئی جیہڑا پاک، بے قصُور، تے بے عیب ہووے، گُنہگاراں کنُوں اَنج تے اسمان کنُوں وی اُچا کیتا گِیا ہووے۔

رومیوں 5:10

کیوں جو جِیں ویلے خُدا دے دُشمنڑ ہووݨ دے باوجود اُوندے پوتر دی موت دے وسیلے ساڈی اُوندے نال صُلح تھی گئی تاں صُلح تھیوݨ تُوں بعد اساں اُوندی زندگی دے سببّوں ضرور ای بچ ویسوں۔

عبرانیوں 2:11

پاک کرݨ آلا یسُوع تے پاک تھیوݨ آلے لوک ہِکو خاندان دے ہِن۔ اِیں واسطے او اُنہاں کُوں بِھرا آکھنڑ تُوں نئیں شرمیندا۔

عبرانیوں 3:5

مُوسیٰ تاں خادم دی حیثیت نال خُدا دے سارے گھر ءچ وفادار ریہا، تاں جو اُنہاں گالھیں دی گواہی ڈیوے جیہڑیاں خُدا آئندہ بیان کرݨ آلا ہے۔

کلُسِّیوں 1:21

ہِک وقت ہا جِیں ویلے تُساں خُدا کنُوں بہُوں دُور ہَوے تے آپنڑی بُری سوچ تے کماں دے سببّوں اُوندے دُشمنڑ ہَوے۔

عبرانیوں 7:28

شریعت تاں ایجھے آدمیاں کُوں کاہِنِ اعظم مقرر کریندی ہے جیہڑے کمزور ہِن، پر شریعت دے بعد خُدا قَسم کھا تے آپنڑے پوتر کُوں مقرر کیتا جیہڑا ہمیشاں تئیں کامِل ہے۔

اِفِسیوں 2:16

تے اِینویں آپنڑی صلیبی موت دے ذریعے دُشمنڑی کُوں ختم کر تے ڈُوہائیں کُوں ہِک تَن بنڑا تے خُدا نال میل مِلاپ کروا ڈِتا۔

رومیوں 15:17

اِیں واسطے مَیں یسُوع مسیح دے وسیلے خُدا کیتے آپنڑی خدمت اُتے فخر کر سگدا ہاں۔

عبرانیوں 3:2

جِینویں مُوسیٰ خُدا دے گھر ءچ وفادار ہا، اُونویں ای یسُوع آپنڑے مقرر کرݨ آلے نال وفادار ریہا۔

عبرانیوں 2:16

ہُنڑ ظاہر ہے جو یسُوع فرشتیاں دی نئیں بلکہ ابرہام دی نسل دی فِکر کریندے۔

عبرانیوں 3:1

اِیں واسطے میڈے پاک بِھراؤ، تُساں جیہڑے اسمانی دعوتءچ شریک ہیوے، یسُوع اُتے غور کرو جیہڑا رسُول تے کاہِن ِ اعظم ہے تے جِیندا اساں اِقرار کریندے ہیں۔

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔

عبرانیوں 5:1

ہر کاہِن ِ اعظم آدمیاں ءچوں چُنڑیا ویندے تاں جو او خُدا نال تعلق رکھنڑ آلے گالھیں ءچ لوکاں دی نمائندگی کرے تے گُناہاں کیتے نذراں تے قُربانیاں پیش کرے۔

عبرانیوں 5:2

او بے سمجھ تے گُمراہ لوکاں نال نرمی نال پیش آ سگدے کیوں جو اُوندے ءچ وی کمزوریاں ہوندیاں ہِن۔

عبرانیوں 5:5

اِینویں ای مسیح وی کاہِن ِ اعظم بنڑݨ دی عزت آپنڑی مرضی نال نئیں گِھدی بلکہ خُدا اُونکُوں فرمائے جو ”تُوں میڈا پوتر ہیں، اَج مَیں تیڈا باپ بنڑیا۔“

عبرانیوں 5:10

تے خُدا اُونکُوں مَلک صِدق وانگُوں کاہِن ِ اعظم مقرر کیتا۔

عبرانیوں 6:20

جِتھاں یسُوع ساڈے کنُوں پہلے ای وَنج تے ہمیشاں کیتے مَلک ِ صِدق آلی کار کاہِن ِ اعظم بنڑ تے ساڈی خاطر داخل تھی گِیا ہے۔

عبرانیوں 8:1

جیہڑے گالھیں اساں ہُنڑ اکھیندے پئے ہیں، اُنہاں ءچوں مرکزی گالھ ایہ ہے جو ساڈا ایجھا کاہِن ِ اعظم ہے جیہڑا اسمان اُتے عظیم خُدا دے تخت دے سجے پاسے وَنج بیٹھے،

عبرانیوں 8:3

ہر کاہِن ِ اعظم نذراں تے قُربانیاں پیش کرݨ کیتے مقرر کیتا ویندے۔ اِیں واسطے لازمی ہا جو ساڈے سردار کاہِن دے کولھ وی پیش کرݨ کیتے کُجھ ہووے۔

عبرانیوں 9:11

پر ہُنڑ مسیح کاہِن ِ اعظم بنڑ تے آ گئے تے ساکُوں چنگیاں برکتاں مِلدیاں پئیاں ہِن۔ او عظیم تے کامِل تمبُو ءچ داخل تھی گِیا ہے جیہڑا اِنسانی ہتھاں دا بنڑایا ہویا نئیں یعنی اِیں دُنیا دا نئیں۔

عبرانیوں 10:21

تے او ساڈا ایجھا وڈا سردار کاہِن ہے جیہڑا خُدا دے گھر دا مُختار ہے۔