عبرانیوں 13:3 - کِتاب مُقدّس سرائیکی ترجمہ

³ تُساں قیدیاں کُوں اِینویں یاد رکھو جِینویں جو تُساں خود اُنہاں دے نال قید ءچ ہیوے، تے جِنہاں دے نال بدسلُوکی کیتی ویندی ہے اُنہاں کُوں اِینویں یاد رکھو جِینویں جو تُساں خود آپنڑے بدن ءچ برداشت کریندے پئے ہیوے۔

عبرانیوں 13:3 Referans Kwoze

متّی 25:36

ننگا ہم تے تُساں میکُوں کپڑے پوائے۔ بیمار ہم تے تُساں میڈی ڈیکھ بھال کیتی، قید ءچ ہم تے تُساں میکُوں مِلنڑ آئے۔‘

عبرانیوں 10:34

تُساں قیدیاں نال ہمدردی کیتی تے آپنڑے مال دے لُٹے ونجنڑ کُوں وی خوشی نال قبول کیتا کیوں جو تُساں جانڑدے ہَوے جو ہِک بہتر تے ابدی ملکیت تُہاڈے کولھ ہے۔

رومیوں 12:15

خوشی مناوݨ آلیاں نال خوشی مناؤ، رووݨ آلیاں نال روؤ۔

1کُرِنتھِیوں 12:26

جے بدن دا ہِک اَنگ ڈُکھدے تاں سارے اَنگ اُوندے نال ڈُکھدے ہِن۔ تے جے ہِک اَنگ کُوں عزت مِلدی ہے تاں سارے اَنگ اُوندے نال خوشی منیندے ہِن۔

کلُسِّیوں 4:18

مَیں پولُس آپنڑے ہتھ نال تُہاکُوں سلام لِکھدا پِیا ہاں۔ میڈے زنجیراں کُوں یاد رکھائے۔ خُدا دا فضل تُہاڈے نال راہوے۔

1 پطرس 3:8

آخری گالھ ایہ ہے جو تُساں سارے ہِک ڈُوجھے نال ہمدردی، برادرانہ محبت، رحم دِلی تے عاجزی نال راہو۔

متّی 25:43

پردیسی ہم تے تُساں میکُوں آپنڑے گھر ءچ جاہ نہ ڈِتی، ننگا ہم تے تُساں میکُوں کپڑے نہ پوائے، بیمار تے قید ءچ ہم تے تُساں میکُوں مِلنڑ نہ آئے۔‘

اعمال 24:23

تے صوبہ دار کُوں حُکم ڈِتا جو پولُس کُوں پہرے ءچ تاں رکھیا ونجے پر زیادہ سختی نہ کیتی ونجے تے اِیندے ساتھیاں ءچوں کہیں کُوں اُوندی خدمت کرݨ تُوں منع نہ کیتا ونجے۔

اِفِسیوں 4:1

بس مَیں جیہڑا خُداوند یسُوع دی خاطر قید ءچ ہاں، تُہاڈی مِنت کریندا ہاں جو اُوں بُلاوے دے لائق زندگی گُزارو جیندے کیتے خُدا تُہاکُوں سڈے۔

اعمال 27:3

ڈُوجھے ڈینہہ جِیں ویلے جہاز صیدا ءچ کھڑا تھیّا تاں یُولِیُس مہربانی کر تے پولُس کُوں دوستاں نال مُلاقات کرݨ دی اِجازت ڈے ڈِتی تاں جو اُوندی خدمت تھی سگے۔

عبرانیوں 11:37

او سنگسار کیتے گئے، آرے نال چِیرے گئے، تلوار نال قتل کیتے گئے، بھیڈاں تے بکریاں دی کَھل پا تے مُتھاجی ءچ، مُصیبت تے بدسلُوکی دا سامنڑا کریندے ہوئے جاہ جاہ پِھردے ریہے۔