عبرانیوں 13:23 - کِتاب مُقدّس سرائیکی ترجمہ

²³ مَیں تُہاکُوں خبر ڈیندا ہاں جو ساڈا بِھرا تِیمُتِھیُس رِہا کر ڈِتا گئے۔ جے او جلدی آ گِیا تاں مَیں اُونکُوں نال گِھن تے تُہاکُوں مِلنڑ آساں۔

عبرانیوں 13:23 Referans Kwoze

فِلیمون 1:1

ایہ خط میں پولُس دی طرفوں ہے جیہڑا مسیح یسُوع دی خاطر قید ءچ ہاں تے بِھرا تِیمُتِھیُس دی طرفوں وی۔ ایہ خط فِلیمون دے ناں ہے جیہڑا ساڈا عزیز ہم خدمت ہے،

1تھِسّلُنیکیوں 3:2

تے تِیمُتِھیُس کُوں، جیہڑا ساڈا بِھرا تے مسیح دی خوشخبری دی تبلیغ ءچ خُدا دا خادم ہے، تُہاڈے کولھ بھیجیا تاں جو تُہاکُوں مضبوط کرے تے اِیمان ءچ تُہاڈا حوصلہ ودھاوے،

2 تِیمُتھِیُس 1:8

اِیں واسطے تُوں ساڈے خُداوند دی گواہی ڈیوݨ تُوں نہ شرما، تے نہ میڈے تُوں جیہڑا اُوندی خاطر قیدی ہاں بلکہ خُدا دی قُدرت دی مدد نال میڈے نال خوشخبری دی خاطر ڈُکھ چا۔

مُکاشفہ 7:14

مَیں جواب ڈِتا ”میڈے آقا! ایہ تاں تُساں ای جانڑدے ہیوے۔“ وَل اُوں آکھیا جو ”ایہ لوک او ہِن جیہڑے وڈی مُصیبت ءچوں نِکل تے آئے ہِن۔ اُنہاں آپنڑے کپڑے لیلے دے خون نال دھو تے چِٹے کیتے ہِن۔

فِلیمون 1:22

ہِک بئی گزارش ایہ وی ہے جو میڈے راہنڑ کیتے جاہ تیار رکھیں کیوں جو میکُوں اُمید ہے جو تُہاڈیاں دُعاواں دے وسیلے مَیں قید کنُوں چُھٹ تے تُہاڈے ءچ آ ویساں۔

1 تِیمُتھِیُس 6:12

اِیمان دی چنگی کُشتی لڑ۔ ہمیشاں دی زندگی اُتے قبضہ کر گِھن جیندے کیتے تُوں سڈیا گِیا ہَویں، تے جِیندے بارے ءچ تَیں بہُوں سارے گواہاں دے سامنڑے چنگا اِقرار کیتا ہا۔

رومیوں 15:28

بس میں اِیں رقم کُوں اُنہاں تئیں پُچا تے اِیں خدمت کُوں پُورا کرݨ تُوں بعد تُہاڈے کنُوں تھیندا ہویا اسپین روانہ تھی ویساں۔

رومیوں 15:25

پر ہُنڑ مَیں مُقدّساں دی خدمت کرݨ کیتے یروشلیم ویندا پِیا ہاں۔

کلُسِّیوں 1:1

ایہ خط میں پولُس دی طرفوں ہے جیہڑا خُدا دی مرضی نال مسیح یسُوع دا رسُول ہاں تے بِھرا تِیمُتِھیُس دی طرفوں وی۔