عبرانیوں 12:27 - کِتاب مُقدّس سرائیکی ترجمہ

²⁷ خُدا دا ”ہِک پھیری ولا“ آکھنڑ صاف ظاہر کریندے جو پیدا کیتیاں ہوئیاں چیزاں جیہڑیاں ہلائیاں وَنج سگدیاں ہِن مِٹا ڈِتیاں ویسن تاں جو جیہڑیاں ہلائیاں نئیں وَنج سگدیاں، صرف اُوہو قائم راہوݨ۔

عبرانیوں 12:27 Referans Kwoze

1کُرِنتھِیوں 7:31

تے دُنیا دا کاروبار کرݨ آلے اِینویں ہووݨ جِینویں جو دل نال نہ کریندے ہووݨ کیوں جو دُنیا دی موجودہ شکل بدلدی ویندی ہے۔

متّی 24:35

اسمان تے زمین ٹَل ویسن پر میڈے گالھیں کڈھائیں نہ ٹَلسن۔

مُکاشفہ 21:1

وَل مَیں ہِک نواں اسمان تے ہِک نوِیں زمین ڈِٹھی کیوں جو پہلا اسمان تے پہلی زمین چلی گئی ہئی تے کوئی سمندر نہ ریہا۔

مُکاشفہ 11:15

جِیں ویلے ستویں فرشتے آپنڑا نرسِنگا وجایا تاں اسمان کنُوں اُچیاں اوازاں آوݨ لگیاں جیہڑیاں ایہ آدھیاں پئیاں ہَن، ”دُنیا دی بادشاہی ساڈے خُداوند تے اُوندے مسیح دی تھی گئی ہے تے او ہمیشاں تئیں بادشاہی کریندا راہسی۔“

رومیوں 8:19

کیوں جو ساری مخلوق بہُوں شوق نال خُدا دے پوتراں دے ظاہر تھیوݨ دے اِنتظار ءچ ہے۔

رومیوں 8:21

جو ہِک ڈینہہ ساری مخلوق وی فانی حالت دی غُلامی کنُوں چُھڑا گِھدی ویسی تے خُدا دے پوتراں دی جلالی آزادی ءچ شریک تھیسی۔

عبرانیوں 1:10

تے ایہ وی اکھیندے جو ”اے خُداوند، تَیں شروع ءچ زمین دی بنیاد رکھی تے اسمان تیڈے ہتھاں دی کاریگری ہے۔

عبرانیوں 9:11

پر ہُنڑ مسیح کاہِن ِ اعظم بنڑ تے آ گئے تے ساکُوں چنگیاں برکتاں مِلدیاں پئیاں ہِن۔ او عظیم تے کامِل تمبُو ءچ داخل تھی گِیا ہے جیہڑا اِنسانی ہتھاں دا بنڑایا ہویا نئیں یعنی اِیں دُنیا دا نئیں۔

عبرانیوں 13:14

کیوں جو اِیں دُنیا ءچ ساڈا کوئی قائم راہنڑ آلا شہر نئیں بلکہ اساں اُوں شہر دی گولھ ءچ ہیں جیہڑا آوݨ آلا ہے۔

مُکاشفہ 21:4

او اُنہاں دے اکھیں دے سارے ہنجُو پُونجھ ڈیسی۔ وَل نہ موت باقی راہسی نہ ماتم، نہ رووݨ تے نہ کوئی درد باقی راہسی کیوں جو پہلیاں چیزاں ویندیاں ریہیاں۔“

مُکاشفہ 21:5

وَل اُوں جیہڑا تخت اُتے بیٹھا ہا آکھیا، ”ڈیکھ مَیں ساریاں چیزاں کُوں نواں بنڑیندا پِیا ہاں۔“ وَل آکھیا جو ”لِکھ کیوں جو ایہ گالھیں اعتماد دے لائق تے سچے ہِن۔“