عبرانیوں 12:22 - کِتاب مُقدّس سرائیکی ترجمہ

²² بلکہ تُساں صِیُّون پہاڑ، تے زندہ خُدا دے شہر یعنی اسمانی یروشلیم دے کولھ آئے ہیوے، تے خوشی مناوݨ آلے لکھاں فرشتیاں،

عبرانیوں 12:22 Referans Kwoze

فِلِپّیوں 3:20

پر ساڈی شہریت اسمان اُتے ہے تے اساں آپنڑے نجات ڈیوݨ آلے یعنی خُداوند یسُوع مسیح دے اُتھوں کنُوں واپس آوݨ دے اِنتظار ءچ ہیں۔

گلتِیوں 4:26

پر اسمانی یروشلیم ازاد ہے تے اُوہو ساڈی ماء ہے۔

مُکاشفہ 14:1

وَل مَیں نِگاہ کیتی تاں ڈِٹھا جو او لیلا صِیُّون پہاڑ اُتے کھڑا ہے تے اُوندے نال ہِک لکھ چوتالیہہ ہزار (1,44,000) بندے وی کھڑے ہَن جِنہاں دے متھے اُتے اُوندا تے اُوندے باپ دا ناں لِکھیا ہا۔

مُکاشفہ 21:2

وَل مَیں مُقدّس شہر نویں یروشلیم کُوں خُدا کنُوں اسمان تُوں لہندے ڈِٹھا۔ او اُوں کُنوار وانگُوں سجایا گِیا ہا جئیں آپنڑے پئے کیتے سنگھار کیتا ہووے۔

مُکاشفہ 22:19

تے جے کوئی نبُوّت دی اِیں کتاب دے گالھیں ءچوں کُجھ کڈھیسی تاں خُدا اِیں کتاب ءچ ذِکر کیتے ہوئے حیات دے درخت تے مُقدّس شہر ءچوں اُوندا حصہ کڈھ ڈیسی۔

مُکاشفہ 3:12

جیہڑا غالب آسی، مَیں اُونکُوں آپنڑے خُدا دی ہیکل ءچ ہِک تھمبا بنڑا ڈیساں۔ او ہمیشاں تئیں اُتھاں راہسی تے مَیں اُوندے اُتے آپنڑے خُدا دا ناں تے آپنڑے خُدا دے شہر دا ناں لِکھساں یعنی نواں یروشلیم جیہڑا میڈے خُدا دی طرفوں اسمان کنُوں لہوݨ آلا ہے۔ تے مَیں اُوندے اُتے آپنڑا نواں ناں وی لِکھساں۔

عبرانیوں 13:14

کیوں جو اِیں دُنیا ءچ ساڈا کوئی قائم راہنڑ آلا شہر نئیں بلکہ اساں اُوں شہر دی گولھ ءچ ہیں جیہڑا آوݨ آلا ہے۔

عبرانیوں 11:10

کیوں جو ابرہام اُوں مضبوط بنیاد آلے شہر دے اِنتظار ءچ ہا، جِیندا نقشہ بنڑاوݨ آلا تے تعمیر کرݨ آلا خود خُدا ہے۔

مُکاشفہ 21:10

تے او میکُوں رُوح ءچ ہِک وڈے، اُچے پہاڑ اُتے گِھن گِیا تے میکُوں مُقدّس شہر یروشلیم ڈِکھایا جیہڑا خُدا کنُوں اسمان تُوں تلے لہندا پِیا ہا۔

مُکاشفہ 7:2

وَل مَیں ہِک بئے فرشتے کُوں مشرق کنُوں اُتے چڑھدے ڈِٹھا جیندے کولھ زندہ خُدا دی مُہر ہئی۔ اُوں اُنہاں چارے فرشتیاں کُوں جِنہاں کُوں زمین تے سمندر کُوں نُقصان پُچاوݨ دا اِختیار ڈِتا گِیا ہا، اُچی اواز ءچ آکھیا،

یہُوداہ 1:14

حنُوک وی جیہڑا آدم دی ستویں پُشت ءچوں ہا، اِنہاں دے بارے ءچ پیشن گوئی کیتی ہئی جو ”ڈیکھو! خُداوند آپنڑے لکھاں پاک فرشتیاں نال آندا پئے

عبرانیوں 10:31

ایہ ہِک خوفناک گالھ ہے جو زندہ خُدا ساکُوں سزا ڈیوݨ کیتے پکڑے۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

عبرانیوں 3:12

بِھراؤ، خبردار راہو جو تُہاڈے ءچوں کہیں دا دل بُرائی پارُوں تے اِیمان نہ رکھنڑ پارُوں زندہ خُدا تُوں پِھر نہ ونجے۔

1تھِسّلُنیکیوں 1:9

کیوں جو لوک خود ڈسیندے ہِن جو جِیں ویلے اساں تُہاڈے کولھ آئے تاں تُساں کِینویں خوشی نال ساڈا اِستقبال کیتا، تے کِینویں بُتاں کُوں چھوڑ تے زندہ تے برحق خُدا دی عبادت کرݨ کیتے اُوندے دو آئے،

رومیوں 11:26

وَل پُوری قوم اِسرائیل کُوں نجات مِلسی۔ کیوں جو لِکھیا ہے ”چُھڑاوݨ آلا صِیُّون ءچوں نِکل سی او بدکاراں کُوں یعقُوب کنُوں کڈھیسی۔

رومیوں 9:26

تے اِینویں تھیسی جو ”جِتھاں اُنہاں کُوں آکھیا گِیا جو تُساں میڈی قوم کائنی اُتھاں او زندہ خُدا دے پوتر اکھویسن۔“

متّی 5:35

نہ زمین دی کیوں جو او اُوندے پیراں دی چوکی ہے، نہ یروشلیم دی کیوں جو او وڈے بادشاہ دا شہر ہے،

متّی 16:16

شمعون پطرس جواب ڈِتا، ”تُساں زندہ خُدا دے پوتر المسیح ہیوے۔“

اِفِسیوں 2:19

بس ہُنڑ تُساں پردیسی تے اجنبی نئیں ریہے بلکہ خُدا دے مُقدّساں دے ہم وطن تے خُدا دے گھرانڑے دے لوک بنڑ گئے ہیوے۔

2 تِیمُتھِیُس 4:18

خُداوند میکُوں ہر بُرے حملے کنُوں بچیسی تے سلامتی نال آپنڑی اسمانی بادشاہی ءچ پُچیسی۔ اُوندی تعریف ہمیشاں تئیں تھیندی راہوے۔ آمین۔

عبرانیوں 11:16

پر حقیقت ءچ او ہِک بہتر یعنی اسمانی مُلک دی سِک ءچ ہَن۔ اِیں واسطے خُدا اُنہاں دا خُدا اکھواوݨ تُوں نئیں شرمیندا بلکہ اُوں اُنہاں کیتے ہِک شہر تیار کیتا۔