عبرانیوں 12:10 - کِتاب مُقدّس سرائیکی ترجمہ

¹⁰ ساڈے پِیُو تاں تھوڑے ڈینہاں کیتے آپنڑی سمجھ دے مطابق ساڈی تربیت کریندے ہَن، پر خُدا ساڈے فائدہ کیتے ساڈی تربیت کریندے تاں جو جِینویں او پاک ہے اساں وی پاک بنڑ ونجُوں۔

عبرانیوں 12:10 Referans Kwoze

2 پطرس 1:4

اِنہاں دے ذریعے اُوں ساڈے نال قیمتی تے بہُوں وڈے وعدے کیتے تاں جو اُنہاں دے وسیلہ نال تُساں اِیں دُنیاوی خرابی کنُوں جیہڑی بُری خواہش دے سببّوں ہے، چُھٹ تے خُدا دی اِلٰہی ذات ءچ شریک تھی ونجو۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

کلُسِّیوں 1:22

پر ہُنڑ مسیح دی جِسمانی موت دے وسیلے نال اُوں تُہاڈے نال صُلح کر گِھدی ہے تاں جو تُہاکُوں پاک، بے عیب تے بے اِلزام بنڑا تے آپنڑے حضُور پیش کرے۔

اِفِسیوں 4:24

تے نوِیں فطرت کُوں پا گِھنو جیہڑی سچی راستبازی تے پاکیزگی ءچ خُدا دی صورت اُتے پیدا کیتی گئی ہے۔

1 پطرس 2:9

پر تُساں ہِک چُنڑی ہوئی نسل، شاہی کاہِن، مُقدّس قوم تے ایجھی اُمت ہیوے جیہڑی خُدا دی خاص ملکیت ہے، تاں جو تُساں اُوندے خُوبیاں دا اعلان کرو جئیں تُہاکُوں اندھارے ءچوں آپنڑی حیران کرݨ آلی روشنی ءچ سڈیا ہے۔

1 پطرس 2:5

تے تُساں زندہ پتھراں آلی کار ہِک رُوحانی گھر بنڑدے ویندے ہیوے تاں جو مُقدّس کاہِن بنڑو تے ایجھیاں رُوحانی قُربانیاں پیش کرو جیہڑیاں یسُوع مسیح دے وسیلہ نال خُدا دے حضُور مقبول تھیندیاں ہِن۔

عبرانیوں 12:14

ہِک ڈُوجھے نال صُلح سلامتی نال راہو تے اُوں پاکیزگی دے طالب راہو، جیندے بغیر کوئی خُداوند کُوں نہ ڈیکھسی۔