عبرانیوں 12:1 - کِتاب مُقدّس سرائیکی ترجمہ

¹ اِیں واسطے جڈاں گواہاں دی اِتنی وڈی بِھیڑ ساکُوں چارے پاسُوں ولھیٹی کھڑی ہے تاں آؤ، اساں وی ہر ہِک چیز کُوں جیہڑی ساڈے کیتے رکاوٹ دا سبب ہے تے اُوں گُناہ کُوں جیہڑا ساکُوں اسانی نال پَھسا گِھندے پرے کرُوں، تے اُوں دوڑ ءچ صبر نال بھجدے راہُوں جیہڑی ساڈے کیتے مقرر کیتی گئی ہے۔

عبرانیوں 12:1 Referans Kwoze

2 تِیمُتھِیُس 4:7

مَیں چنگی لڑائی لڑ گِھدی ہے۔ مَیں دوڑ کُوں مُکا گِھدے تے اِیمان کُوں محفوظ رکھے۔

فِلِپّیوں 2:16

تے زندگی دا کلام پیش کریندے ہیوے تاں جو مسیح دے واپس آوݨ دے ڈینہہ میکُوں فخر ہووے جو نہ تاں میڈی بھج دھروک بیکار گئی تے نہ محنت بے فائدہ تھئی۔

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

گلتِیوں 5:7

تُساں چنگی طرحاں بھجدے پئے ہَوے۔ کئیں تُہاکُوں سچائی اُتے عمل کرݨ تُوں روک ڈِتے؟

1 پطرس 2:1

اِیں واسطے ہر قِسم دی بُرائی، فریب، منافقت، حسد تے بدگوئی کُوں چھوڑ ڈیؤ۔

رومیوں 12:12

اُمید ءچ خوش، مُصیبت ءچ صابر، دُعا کرݨ ءچ لگے راہو۔

2کُرِنتھِیوں 7:1

عزیزو، ساڈے نال ایجھے وعدے کیتے گئے ہِن، اِیں واسطے آؤ اساں آپنڑے آپ کُوں جِسم تے رُوح کُوں ناپاک کرݨ آلی ہر چیز کنُوں پاک کرُوں تے خُدا دا خوف منیندے ہوئے آپنڑی پاکیزگی کُوں کمال تئیں پُچاؤں۔

2 تِیمُتھِیُس 2:4

کوئی سپاہی آپنڑے آپ کُوں دُنیا دے معاملیاں ءچ نئیں پھسیندا کیوں جو او بھرتی کرݨ آلے کُوں خوش کرݨ چاہندے۔

یعقُوب 1:3

کیوں جو تُساں جانڑدے ہیوے جو تُہاڈے اِیمان دا اِمتحان تُہاڈے ءچ صبر پیدا کریندے۔

متّی 24:13

پر جیہڑا آخر تئیں برداشت کریسی اُوہو نجات پیسی۔

متّی 10:22

تے میڈے ناں دے سببّوں سبھ لوک تُہاڈے نال دُشمنڑی رکھیسن پر جیہڑا آخر تئیں برداشت کریسی اُوہو نجات پیسی۔

عبرانیوں 6:15

اِینویں ابرہام صبر نال اِنتظار کر تے وعدہ کیتی ہوئی برکت گِھدی۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

مُکاشفہ 3:10

تَیں میڈے صبر کرݨ دے بارے ءچ کلام اُتے عمل کیتے، اِیں واسطے مَیں وی ازمائش دے اُوں ویلے جیہڑا ساری دُنیا اُتے آوݨ آلا ہے، تیڈی حفاظت کریساں۔

1 پطرس 4:2

ہُنڑ او دُنیا ءچ آپنڑی باقی زندگی اِنسانی بُریاں خواہشاں دے مطابق نئیں بلکہ خُدا دی مرضی دے مطابق گُزارے۔

لُوقا 12:15

تے اُوں اُنہاں کُوں آکھیا، ”خبردار! آپنڑے آپ کُوں ہر قِسم دے لالچ کنُوں بچائی رکھو، کیوں جو کہیں اِنسان دی زندگی دا بھروسہ اُوندے مال دولت دی کثرت اُتے نئیں۔“

2 پطرس 1:6

تے علم نال پرہیزگاری تے پرہیزگاری نال صبر تے صبر نال دینداری،

مُکاشفہ 22:16

مَیں یسُوع آپنڑا فرشتہ اِیں واسطے بھیجیا ہے جو او کلیسیاواں کیتے اِنہاں گالھیں دی تُہاڈے اگُوں گواہی ڈیوے۔ مَیں داؤد دی اصل تے نسل تے صُبح دا نُورانی تارہ ہاں۔“

1 پطرس 5:12

مَیں سِیلاس دے ہتھ جیہڑا میڈی نظر ءچ ہِک وفادار بِھرا ہے، ایہ مختصر خط لِکھوا تے تُہاکُوں بھیجیا ہے تاں جو تُہاڈی حوصلہ افزائی تھیوے۔ مَیں گواہی ڈیندا ہاں جو خُدا دا سچا فضل اِیہو ہے۔ اِیندے اُتے قائم راہو۔

مُکاشفہ 1:9

مَیں یُوحنّا، تُہاڈا بِھرا تے یسُوع دی پیروی کریندے ہوئے ڈُکھ، بادشاہی تے صبر ءچ تُہاڈا شریک ہاں۔ مَیں خُدا دا کلام سُنڑاوݨ تے یسُوع دی گواہی ڈیوݨ دی وجہ کنُوں اُوں جزیرہ اُتے بھیجیا گِیا ہم جیہڑا پتمُس اکھویندے۔

یُوحنّا 3:32

جیہڑا کُجھ اُوں ڈِٹھا تے سُنڑیا اُونہی دی گواہی ڈیندے، پر اُوندی گواہی کوئی قبول نئیں کریندا۔

مُکاشفہ 13:10

”جِنہاں کُوں قیدی بنڑنڑیں او قیدی بنڑسن۔ جِنہاں کُوں تلوار نال قتل تھیونڑے او تلوار نال قتل تھیسن۔“ اِیں واسطے مُقدّساں کُوں صبر کرݨ تے اِیمان ءچ مضبوط راہنڑ دی خاص ضرورت ہے۔

لُوقا 16:28

کیوں جو میڈے پنج بِھرا ہِن تاں جو او اُنہاں دے سامنڑے اِنہاں گالھیں دی گواہی ڈیوے، اِینویں نہ تھیوے جو او وی اِیں عذاب آلی جاہ ءچ آ ونجنڑ۔‘

یُوحنّا 4:39

تے اُوں شہر دے بہُوں سارے سامری اُوں عورت دی گواہی سُنڑ تے جو ”اُوں میکُوں سبھ کُجھ جیہڑا مَیں ہُنڑ تئیں کیتا ہا، ڈسا ڈِتے،“ یسُوع اُتے اِیمان گِھن آئے۔

یُوحنّا 4:44

اُوں خود گواہی ڈِتی جو نبی کُوں آپنڑے وطن ءچ عزت نئیں مِلدی۔

گلتِیوں 2:2

میڈا اُتھاں ونجنڑ ہِک مُکاشفہ دی وجہ تُوں ہا۔ مَیں اُنہاں لوکاں نال جیہڑے کلیسیا ءچ وڈے راہنما سمجھے ویندے ہَن، کلھیپے ءچ مُلاقات کیتی تے اُنہاں کُوں او خوشخبری پیش کیتی جیہڑی مَیں غیر قوماں کُوں سُنڑیندا ہم۔ میں نئیں چاہندا جو میڈی او بھج دھروک جیہڑی مَیں پہلے کیتی ہئی تے ہُنڑ تئیں کریندا ہاں، بے فائدہ تھیوے۔

اِفِسیوں 4:25

اِیں واسطے کُوڑ مارݨ چھوڑ تے ہر بندہ آپنڑے ہمسائے نال سچ بولے کیوں جو اساں سارے ہِک بدن دے اَنگ ہیں۔

فِلِپّیوں 1:30

تُساں وی اُونہئی تکلیفاں ءچ شامل ہیوے جیہڑیاں میکُوں برداشت کریندے ہوئے ڈِٹھا ہَوے تے ہُنڑ وی سُنڑدے ہیوے جو مَیں اُونویں ای کریندا پِیا ہاں۔

1 پطرس 5:1

تُساں جیہڑے کلیسیا دے بزُرگ ہیوے، میں تُہاکُوں ہِک بزُرگ، مسیح دے ڈُکھاں دا گواہ، تے اُوندے ظاہر تھیوݨ آلے جلال ءچ شریک تھیوݨ آلے دی حیثیت نال ایہ نصیحت کریندا ہاں جو

مرقس 10:50

او آپنڑا کپڑا سَٹ تے اُچھل پِیا تے یسُوع دے کولھ آیا۔