عبرانیوں 11:4 - کِتاب مُقدّس سرائیکی ترجمہ

⁴ اِیمان دی وجہ کنُوں ای ہابل خُدا کُوں قائن کنُوں بہتر قُربانی پیش کیتی۔ اُوندے اِیمان دی وجہ تُوں خُدا اُوندے نذرانے قبول کر تے گواہی ڈِتی جو ایہ راستباز ہے۔ تے بھانویں جو ہابل مر گئے، وَل وی او آپنڑے اِیمان دی مثال دے وسیلے نال ہُنڑ تئیں کلام کریندے۔

عبرانیوں 11:4 Referans Kwoze

عبرانیوں 12:24

تُساں نویں عہد دے درمیانی یسُوع تے اُوندے اُوں چِھنڈکے ہوئے خون دے کولھ آئے ہیوے جیہڑا ہابل دے خون دی نسبت چنگا پیغام ڈیندا ہے۔

یہُوداہ 1:11

اِنہاں اُتے افسوس! کیوں جو ایہ قائن دے رستے اُتے ٹُرے تے بلعام وانگُوں پیسے دے لالچ ءچ لوکاں کُوں دوکھا ڈیندے ریہے تے قورح وانگُوں مخالفت کر تے ہلاک تھئے۔

متّی 23:35

اِینویں سارے نیک لوکاں دا خون جیہڑا زمین اُتے وہایا گِیا ہا، تُہاڈے اُتے آسی، راستباز ہابل دے خون تُوں گِھن تے برکیاہ دے پوتر زکریاہ دے خون تئیں جِینکُوں تُساں ہیکل تے قُربان گاہ دے وچال قتل کیتا۔

عبرانیوں 9:22

اصل ءچ شریعت دے مطابق تقریباً سبھ چیزاں خون نال پاک کیتیاں ویندیاں ہِن تے جِیں ویلے تئیں خون نہ وہایا ونجے معافی نئیں مِلدی۔

عبرانیوں 12:1

اِیں واسطے جڈاں گواہاں دی اِتنی وڈی بِھیڑ ساکُوں چارے پاسُوں ولھیٹی کھڑی ہے تاں آؤ، اساں وی ہر ہِک چیز کُوں جیہڑی ساڈے کیتے رکاوٹ دا سبب ہے تے اُوں گُناہ کُوں جیہڑا ساکُوں اسانی نال پَھسا گِھندے پرے کرُوں، تے اُوں دوڑ ءچ صبر نال بھجدے راہُوں جیہڑی ساڈے کیتے مقرر کیتی گئی ہے۔

لُوقا 11:51

ہابل دے خون کنُوں گِھن تے اُوں زکریاہ دے خون تئیں جیہڑا قُربان گاہ تے ہیکل دے وچال ہلاک تھیّا۔ مَیں تُہاکُوں سچ آدھا ہاں جو اِیں زمانے دے لوکاں کنُوں سبھ دا حساب گِھدا ویسی۔

طِطُس 1:16

او خُدا دی پچھاݨ دا دعویٰ تاں کریندے ہِن پر آپنڑے کماں تُوں اُوندا اِنکار کریندے ہِن، کیوں جو او مکرُوہ تے نافرمان ہِن تے کوئی نیک کم کرݨ دے قابل نئیں۔

عبرانیوں 5:1

ہر کاہِن ِ اعظم آدمیاں ءچوں چُنڑیا ویندے تاں جو او خُدا نال تعلق رکھنڑ آلے گالھیں ءچ لوکاں دی نمائندگی کرے تے گُناہاں کیتے نذراں تے قُربانیاں پیش کرے۔

عبرانیوں 11:2

اِیمان دی وجہ کنُوں ساڈے پِیُو ڈاڈا خُدا دی نظر ءچ مقبول تھئے۔

2 پطرس 2:8

کیوں جو اُنہاں دے وچال راہندے ہوئے، اُوں راستباز آدمی دا پاک دل اُنہاں دے بُرے کماں کُوں ڈیکھ تے، تے سُنڑ تے عذاب ءچ راہندا ہا۔