عبرانیوں 10:5 - کِتاب مُقدّس سرائیکی ترجمہ

⁵ اِیں واسطے جِیں ویلے مسیح دُنیا ءچ آیا تاں اُوں خُدا کُوں آکھیا جو ”تَیں قُربانیاں تے نذرانیاں کُوں پسند نہ کیتا بلکہ میڈے کیتے ہِک بدن تیار کیتا

عبرانیوں 10:5 Referans Kwoze

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

عبرانیوں 1:6

تے وَل جِیں ویلے خُدا آپنڑے پلوٹھے کُوں دُنیا ءچ گِھن آندے تاں اکھیندے جو ”خُدا دے سبھ فرشتے اُونکُوں سجدہ کرݨ۔“

عبرانیوں 10:7

اُوں ویلے مَیں آکھیا جو ’اے خُدا، ڈیکھ مَیں حاضر ہاں تاں جو مَیں تیڈی مرضی پُوری کراں جِینویں میڈے بارے ءچ کتاب ءچ لِکھیا ہے‘۔“

عبرانیوں 2:14

بس کیوں جو خُدا دے فرزند خون تے گوشت نال بنڑے ہوئے اِنسان ہِن، اِیں واسطے یسُوع خود وی اُنہاں آلی کار اِنسان بنڑیا تاں جو آپنڑی موت دے وسیلے نال موت دی قُدرت رکھنڑ آلے یعنی ابلیس کُوں تباہ کرے،

عبرانیوں 10:10

خُدا دی مرضی دا نتیجہ ایہ ہے جو اساں یسُوع مسیح دے جِسم دے ہِکے پھیری قُربان تھیوݨ دے وسیلے نال پاک کر ڈِتے گئے ہیں۔

گلتِیوں 4:4

پر جِیں ویلے وقت پُورا تھی گِیا تاں خُدا آپنڑے پوتر کُوں بھیجیا جیہڑا عورت تُوں پیدا تھیّا تے شریعت دے تابع پیدا تھیّا،

2 یُوحنّا 1:7

کیوں جو گُمراہ کرݨ آلے بہُوں سارے لوک دُنیا ءچ نِکل آئے ہِن جیہڑے یسُوع مسیح دے اِنسانی جِسم ءچ آوݨ دا اِنکار کریندے ہِن۔ ایجھا ہر بندہ گُمراہ کرݨ آلا تے مسیح دا مخالف ہے۔

عبرانیوں 8:3

ہر کاہِن ِ اعظم نذراں تے قُربانیاں پیش کرݨ کیتے مقرر کیتا ویندے۔ اِیں واسطے لازمی ہا جو ساڈے سردار کاہِن دے کولھ وی پیش کرݨ کیتے کُجھ ہووے۔

1 تِیمُتھِیُس 3:16

اِیندے ءچ کوئی شک نئیں جو ساڈے اِیمان دا راز وڈا ہے یعنی او جِسم ءچ ظاہر تھیّا، رُوح دے وسیلے نال صادق ثابت تھیّا فرشتیاں کُوں ڈِکھالی ڈِتا، غیر قوماں ءچ اُوندی تبلیغ تھئی دُنیا ءچ لوک اُوندے اُتے اِیمان گِھن آئے تے او جلال ءچ اسمان اُتے چاتا گِیا۔

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

لُوقا 1:35

فرشتہ جواب ءچ اُونکُوں آکھیا، ”رُوح القُدس تیڈے اُتے نازل تھیسی تے خُدا تعالیٰ دی قُدرت تیڈے اُتے چھاں کریسی۔ اِیں وجہ کنُوں او مُقدّس بچّہ، خُدا دا پوتر اکھویسی۔

متّی 11:3

جو ”آوݨ آلے تُساں ای ہیوے یا اساں کہیں بئے دی راہ ڈیکھوں؟“

لُوقا 7:19

اِیں پارُوں یُوحنّا آپنڑے شاگرداں ءچوں ڈُو کُوں سڈ تے خُداوند دے کولھ ایہ پُچھنڑ کیتے بھیجیا جو ”آوݨ آلے تُساں ای ہیوے یا اساں کہیں بئے دی راہ ڈیکھوں؟“

عبرانیوں 5:7

جِیں ویلے یسُوع اِیں دُنیا ءچ ہا، اُوں خُدا کنُوں جیہڑا اُونکُوں موت کنُوں بچا سگدا ہا، اُچی اواز ءچ تے ہنجُو وہا وہا تے دُعاواں تے مِنتاں کیتیاں، تے اُوندی سُنڑی گئی کیوں جو اُوں آپنڑے آپ کُوں خُدا کیتے وقف کیتا ہا۔

عبرانیوں 10:8

پہلے تاں او فرمیندے جو ”تَیں قُربانیاں، نذرانے، ساڑے ونجنڑ آلیاں قُربانیاں تے گُناہ تُوں پاک کرݨ آلیاں قُربانیاں کُوں پسند نہ کیتا تے نہ اُنہاں تُوں خوش تھیّا۔“ بھانویں جو او قُربانیاں شریعت دے مطابق کیتیاں ویندیاں ہَن۔