عبرانیوں 10:33 - کِتاب مُقدّس سرائیکی ترجمہ

³³ کڈھائیں تاں لعن طعن تے مُصیبتاں دے سببّوں تُساں خود تماشا بنڑے تے کڈھائیں ڈُوجھیاں کُوں تکلیفاں سہندے ہوئے ڈیکھ تے اُنہاں نال شریک تھئے۔

عبرانیوں 10:33 Referans Kwoze

1کُرِنتھِیوں 4:9

میکُوں تاں اِینویں لگدے جو خُدا اساں رسُولاں کُوں سبھ تُوں گھٹیا بنڑا تے اُنہاں جنگی قیدیاں وانگُوں پیش کیتے، جِنہاں کیتے موت مقرر تھی گئی ہے کیوں جو اساں پُوری دُنیا، فرشتیاں تے اِنساناں کیتے تماشا بنڑ گئے ہیں۔

فِلِپّیوں 4:14

وَل وی تُساں چنگا کیتے جو میڈی مُصیبت ءچ شامل تھئے۔

فِلِپّیوں 1:7

ایہ مناسب ہے جو میں تُہاڈے ساریاں دے بارے ءچ ایجھا خیال کراں، کیوں جو تُساں ہمیشاں میڈے دل ءچ راہندے ہیوے۔ تے بھانویں میں قید ءچ ہوواں یا خوشخبری دا دفاع تے تصدیق کریندا ہوواں، تُساں میڈے نال خُدا دے فضل ءچ شریک ہیوے۔

عبرانیوں 11:36

کُجھ مذاق دا نشانہ بنڑے، تے کوڑے کھادے، کُجھ زنجیراں نال بدھے گئے تے قید ءچ سٹے گئے۔

1تھِسّلُنیکیوں 2:14

کیوں جو بِھراؤ، تُساں وی خُدا دیاں اُنہاں کلیسیاواں وانگُوں بنڑ گئے جیہڑیاں یہُودیہ صوبے ءچ مسیح یسُوع ءچ ہِن۔ کیوں جو تُساں آپنڑے ہم وطناں دے ہتُھوں اُوہو تکلیفاں چاتیاں جیہڑیاں اُنہاں یہُودیاں کنُوں چاتیاں ہَن۔

عبرانیوں 13:13

اِیں واسطے آؤ، اساں یسُوع دی ذِلت کُوں آپنڑے اُتے گِھن تے ڈیرے دی حد کنُوں باہر اُوندے کولھ جُلوں۔

عبرانیوں 11:26

اُوں مسیح دی خاطر بے عزت تھیوݨ کُوں مِصر دے خزانیاں کنُوں وڈی دولت سمجھیا کیوں جو اُوندی نِگاہ اجر اُتے لگی ہوئی ہئی۔

2 تِیمُتھِیُس 1:8

اِیں واسطے تُوں ساڈے خُداوند دی گواہی ڈیوݨ تُوں نہ شرما، تے نہ میڈے تُوں جیہڑا اُوندی خاطر قیدی ہاں بلکہ خُدا دی قُدرت دی مدد نال میڈے نال خوشخبری دی خاطر ڈُکھ چا۔

2کُرِنتھِیوں 12:10

اِیہو وجہ ہے جو مسیح دی خاطر میں کمزوری ءچ، بے عزتی ءچ، تکلیفاں ءچ، ستائے ونجنڑ ءچ، تے تنگی ءچ خوش ہاں کیوں جو جِیں ویلے مَیں کمزور ہوندا ہاں اُوں ویلے ای مَیں مضبوط ہوندا ہاں۔

عبرانیوں 12:4

تُساں گُناہ نال لڑن ءچ حالی تئیں ایجھا مُقابلہ نئیں کیتا جو تُہاڈا خون وِیہہ گِیا ہووے۔