گلتِیوں 6:9 - کِتاب مُقدّس سرائیکی ترجمہ

⁹ اساں نیکی کرݨ ءچ ہِمت نہ ہارُوں کیوں جو جے بے دل نہ تھیسوں تاں پُورے وقت اُتے فصل کپیسوں۔

گلتِیوں 6:9 Referans Kwoze

1کُرِنتھِیوں 15:58

اِیں کیتے میڈے عزیز بِھراؤ! مضبوط تے قائم راہو تے خُدا دی خدمت ءچ ہمیشاں جوش نال بھرے راہو کیوں جو تُساں جانڑدے ہیوے جو خُداوند کیتے تُہاڈی محنت بے فائدہ نئیں۔

2تھِسّلُنیکیوں 3:13

پر بِھراؤ، تُساں نیک کم کرݨ ءچ ہِمت نہ ہارو۔

عبرانیوں 12:3

ہا، تُساں اُوندے اُتے غور کرو جئیں گُنہگاراں دی طرفوں اِتنی مخالفت برداشت کیتی، تاں جو تُساں بے دل تھی تے ہِمت نہ ہارو۔

1 پطرس 2:15

کیوں جو خُدا دی مرضی ایہ ہے جو تُساں نیکی کر تے جہالت دے گالھیں کرݨ آلے ناسمجھ لوکاں دے مُنہ بند کر ڈیؤ۔

یعقُوب 5:7

اِیں کیتے بِھراؤ! خُداوند دے آوݨ تئیں صبر کرو۔ کِسان کُوں ڈیکھو، جیہڑا زمین ءچوں قیمتی پیداوار حاصل کرݨ کیتے خزاں تے بہار دے مینہ دا صبر نال اِنتظار کریندے۔

1 پطرس 3:17

جے خُدا دی اِیہو مرضی ہے جو تُساں نیکی کر تے ڈُکھ چاؤ تاں ایہ بُرائی کر تے ڈُکھ چاوݨ تُوں چنگا ہے۔

2کُرِنتھِیوں 4:16

اِیں واسطے اساں حوصلہ نئیں چھوڑیندے۔ بےشک اساں ظاہری طور تے ختم تھیندے ویندے ہیں، وَل وی اندر ای اندر ہر روز نویں بنڑدے ویندے ہیں۔

مُکاشفہ 2:3

تے تُوں صبر کریندا ہیں تے میڈے ناں دی خاطر مُصیبت برداشت کریندے کریندے نئیں تھکدا۔

1 پطرس 4:19

اِیں واسطے جیہڑے لوک خُدا دی مرضی دے مطابق ڈُکھ سہندے ہِن، او آپنڑے آپ کُوں آپنڑے وفادار خالق دے سپُرد کرݨ تے نیکی کریندے راہوݨ۔

لُوقا 18:1

وَل یسُوع شاگرداں کُوں سِکھاوݨ کیتے جو ہر ویلے دُعا کریندے راہوݨ تے ہِمت نئیں ہارنڑی چاہیدی، ایہ مثال سُنڑائی:

متّی 10:22

تے میڈے ناں دے سببّوں سبھ لوک تُہاڈے نال دُشمنڑی رکھیسن پر جیہڑا آخر تئیں برداشت کریسی اُوہو نجات پیسی۔

2کُرِنتھِیوں 4:1

بس کیوں جو ساکُوں خُدا دی رحمت نال ایہ خدمت مِلی ہے، اِیں واسطے اساں ہِمت نئیں چھوڑیندے۔

متّی 24:13

پر جیہڑا آخر تئیں برداشت کریسی اُوہو نجات پیسی۔

مُکاشفہ 2:7

جیندے کَن ہووݨ او سُنڑے جو رُوح القُدس کلیسیاواں کُوں کیا فرمیندے۔ جیہڑا غالب آسی مَیں اُونکُوں زندگی دے اُوں درخت دا پھل کھاوݨ کیتے ڈیساں جیہڑا خُدا دے فِردوس ءچ ہے۔“

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

مُکاشفہ 2:17

جیندے کَن ہووݨ او سُنڑے جو رُوح القُدس کلیسیاواں کُوں کیا فرمیندے۔ جیہڑا غالب آسی مَیں اُونکُوں پوشیدہ مَن ءچوں ڈیساں۔ مَیں اُونکُوں ہِک سفید پتھر وی ڈیساں جیندے اُتے نواں ناں لِکھیا ہویا ہوسی، جِیندا علم صرف اُونکُوں ہوسی جِینکُوں او مِلسی۔“

عبرانیوں 3:6

پر مسیح پوتر دی حیثیت نال خُدا دے گھر دا مُختار ہے۔ تے اُوندے گھر آلے اساں ہیں پر شرط ایہ ہے جو اساں اُوں دلیری تے اُمید کُوں مضبوطی نال قائم رکھوں جیندے اُتے اساں فخر کریندے ہیں۔

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

اِفِسیوں 3:13

اِیں واسطے مَیں مِنت کریندا ہاں جو تُساں میڈی اِنہاں مُصیبتاں دی وجہ کنُوں جیہڑیاں مَیں تُہاڈی خاطر سہندا ہاں ہِمت نہ ہارو کیوں جو او تُہاڈے کیتے عزت دا سبب ہِن۔

عبرانیوں 12:5

کیا تُساں اُوں نصیحت کُوں بُھل گئے ہیوے جیہڑی تُہاکُوں فرزنداں وانگُوں کیتی گئی ہے جو ”میڈے پوتر، رب دی تربیت کُوں حقیر نہ سمجھ، تے جڈاں او تیکُوں ملامت کرے تاں بے دل نہ تھیویں۔

2کُرِنتھِیوں 9:6

یاد رکھو جو جیہڑا تھوڑا رہیندے او تھوڑا کپیسی تے جیہڑا زیادہ رہیندے او زیادہ کپیسی۔

متّی 9:19

یسُوع اُٹھی تے اُوندے نال ٹُر پِیا تے اُوندے شاگرد وی اُوندے پِچُھوں تھی پئے۔

متّی 25:17

اِینویں ای جِینکُوں ڈُو مِلے ہَن اُوں ڈُو بئے کَما گِھدے۔

مرقس 3:3

یسُوع سُکے ہتھ آلے بندے کُوں آکھیا، ”اُٹھی تے اِتھاں اَدھ ءچ کھڑا تھی۔“