گلتِیوں 6:8 - کِتاب مُقدّس سرائیکی ترجمہ

⁸ جیہڑا کوئی آپنڑیاں بُریاں خواہشاں کیتے رہیندے، او ہلاکت دی فصل کپیسی۔ تے جیہڑا کوئی رُوح القُدس کُوں خوش کرݨ کیتے رہیندے، او رُوح القُدس دی طرفوں ہمیشاں دی زندگی دی فصل کپیسی۔

گلتِیوں 6:8 Referans Kwoze

رومیوں 8:13

کیوں جو جے تُساں جِسمانی فطرت دے مطابق زندگی گُزریسو تاں ضرور مرسو پر جے رُوح القُدس دے ذریعے جِسم دے بُرے کماں کُوں مریسو تاں تُساں زندہ راہسو۔

یعقُوب 3:18

صُلح کراوݨ آلے جیہڑے صُلح رہیندن او راستبازی دی فصل کپیندن۔

2 پطرس 2:19

ایہ کُوڑے اُستاد اُنہاں دے نال تاں ازادی دا وعدہ کریندے ہِن پر خود بُرائی دے غُلام بنڑے پئے ہِن۔ کیوں جو جیہڑی چیز اِنسان اُتے غالب آ ویندی ہے، اِنسان اُوندی غُلامی ءچ ہوندے۔

گلتِیوں 6:7

دوکھا نہ کھاؤ، خُدا بیوقُوف نئیں بنڑایا وَنج سگدا۔ بندہ جیہڑا کُجھ رہیندے، اُوہو کپیسی۔

رومیوں 13:14

بلکہ خُداوند یسُوع المسیح کُوں پا گِھنو تے جِسم دیاں بُریاں خواہشاں کُوں پُورا کرݨ ءچ نہ لگے راہو۔

مُکاشفہ 22:11

جیہڑا بُرائی کریندے، او بُرائی ای کریندا راہوے۔ جیہڑا ناپاک ہے، او ناپاک ای راہوے۔ جیہڑا راستبازی کریندے، او راستبازی ای کریندا راہوے۔ تے جیہڑا پاک ہے، او پاک ای راہوے۔“

یُوحنّا 4:36

کپنڑ آلا مزدُوری پیندے تے ہمیشاں دی زندگی کیتے پھل جمع کریندے، تاں جو رہاوݨ آلا تے کپنڑ آلا ڈوہائیں رَل تے خوشی مناوݨ۔

یہُوداہ 1:21

آپنڑے آپ کُوں خُدا دی محبت ءچ قائم رکھو تے خُداوند یسُوع مسیح دی رحمت دے منتظر راہو جِیندا نتیجہ ابدی زندگی ہے۔

یُوحنّا 6:27

فانی خوراک کیتے محنت نہ کرو بلکہ اُوندے کیتے جیہڑی ہمیشاں دی زندگی تئیں باقی راہندی ہے جیہڑی اِبنِ آدم تُہاکُوں عطا کریسی۔ کیوں جو خُدا باپ اُونہی اُتے مُہر کیتی ہے۔“

رومیوں 6:13

آپنڑے جِسم دے انگاں کُوں بدی دے ہتھیار بنڑݨ کیتے گُناہ دے سپُرد نہ کرو بلکہ آپنڑے آپ کُوں مُردیاں ءچوں زندہ سمجھ تے خُدا دی خدمت کیتے پیش کرو تے آپنڑے جِسم دے انگاں کُوں راستبازی دے ہتھیار بنڑݨ کیتے خُدا دے سپُرد کرو۔

متّی 19:29

تے جئیں کہیں گھراں یا بِھرانواں یا بھینڑاں یا پِیُو یا ماء یا بالاں یا رَڑھاں کُوں میڈے ناں دی خاطر چھوڑ ڈِتے اُونکُوں سو گُنا مِلسی، تے او ہمیشاں دی زندگی دا وارث تھیسی۔

طِطُس 3:7

تاں جو اساں اُوندے فضل دے طفیل راستباز کھڑائے ونجُوں تے اُوں ہمیشاں دی زندگی دے وارث بنڑوں جیندی اساں اُمید رکھیندے ہیں۔

یُوحنّا 4:14

پر جیہڑا کوئی اُوں پانڑی ءچوں پِیندے جیہڑا مَیں اُونکُوں ڈیساں، اُونکُوں کڈھائیں تریھ نہ لگسی بلکہ جیہڑا پانڑی مَیں اُونکُوں ڈیساں او اُوندے ءچ چشمہ بنڑ ویسی جیہڑا ویہہ تے ہمیشاں دی زندگی ڈیسی۔“

لُوقا 18:30

تے اِیں زمانے ءچ اُونکُوں کئی گُنا زیادہ نہ مِلے تے آوݨ آلی دُنیا ءچ ہمیشاں دی زندگی۔“

2 پطرس 2:12

پر ایہ کُوڑے اُستاد، آپنڑی فطرت اُتے چلنڑ آلے ناسمجھ جانوراں وانگُوں ہِن جیہڑے اِیں واسطے پیدا تھئے ہِن جو اُنہاں کُوں پکڑیا تے ختم کیتا ونجے۔ او اُوندی توہین کریندے ہِن جیہڑا کُجھ او نئیں سمجھدے، تے اُنہاں دی بربادی ءچ او وی برباد تھی ویسن۔

1 تِیمُتھِیُس 1:16

پر میڈے اُتے رحم اِیں واسطے تھیّا جو خُداوند یسُوع مسیح میڈے ذریعے جیہڑا سبھ تُوں وڈا گُنہگار ہاں، آپنڑا کمال صبر ظاہر کرے تاں جو مَیں اُنہاں ساریاں کیتے نمونہ بنڑ سگاں جیہڑے اُوندے اُتے اِیمان گِھن آ تے ہمیشاں دی زندگی پیسن۔

متّی 25:46

تے اِنہاں کُوں ہمیشاں دی سزا مِلسی پر راستباز کُوں ہمیشاں دی زندگی۔“

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

رومیوں 8:6

جِسمانی نیّت موت ہے پر رُوحانی نیّت زندگی تے اِطمینان ہے۔

رومیوں 8:11

خُدا یسُوع کُوں مُردیاں ءچوں زندہ کیتا تے اُوندا رُوح تُہاڈے ءچ وسیا ہویا ہے۔ او اُونہی رُوح القُدس دے وسیلے جیہڑا تُہاڈے ءچ ہے تُہاڈے فانی جِسماں کُوں وی زندہ کریسی جِینویں اُوں مسیح کُوں زندہ کیتا۔

1کُرِنتھِیوں 15:42

مُردیاں دی قیامت وی اِینویں ای ہے۔ دفناوݨ ویلے جِسم فانی حالت ءچ رہایا ویندے تے غیرفانی حالت ءچ زندہ تھی ویندے۔