گلتِیوں 6:4 - کِتاب مُقدّس سرائیکی ترجمہ

⁴ اِیں واسطے ہر بندہ آپنڑے کماں کُوں پرکھے، وَل جے او چنگے ہووݨ تاں ایہ ڈُوجھیاں دے نال مُقابلہ کیتے بغیر آپنڑے آپ اُتے فخر کرݨ دا موقع ہوسی۔

گلتِیوں 6:4 Referans Kwoze

2کُرِنتھِیوں 13:5

تُساں آپنڑے آپ کُوں ازما تے پتا کرو جو اِیمان ءچ ہیوے یا نئیں۔ آپنڑے آپ کُوں پرکھو۔ کیا تُساں آپنڑے بارے ءچ ایہ نئیں جانڑدے جو یسُوع مسیح تُہاڈے ءچ ہے؟ نہ تاں تُساں اِیمان دے اِمتحان ءچ ناکام ہیوے۔

1کُرِنتھِیوں 11:28

بس اِیں روٹی ءچوں کھاوݨ تے اِیں پیالے ءچوں پِیوݨ کنُوں پہلے ہر بندہ آپنڑے آپ کُوں پرکھ گِھنے۔

2کُرِنتھِیوں 1:12

ساکُوں آپنڑے ضمیر دی اِیں گواہی اُتے فخر ہے جو اساں دُنیا ءچ تے خاص طور تے تُہاڈے سامنڑے اُوں پاک دِلی تے سچائی نال زندگی گُزاری ہے جیہڑی خُدا دی طرفوں مِلدی ہے۔ ایہ ساڈی آپنڑی اِنسانی حِکمت نال نئیں بلکہ خُدا دے فضل نال تھئے۔

لُوقا 18:11

فریسی کھڑا تھی تے آپنڑے دل ءچ اِینویں دُعا کرݨ لگا جو ’اے خُدا! مَیں تیڈا شُکر کریندا ہاں جو مَیں ڈُوجھے آدمیاں وانگُوں ظالم، بے اِنصاف، زِنا کار یا اِیں محصُول گِھننڑ آلے وانگُوں نئیں۔

گلتِیوں 6:13

کیوں جو ختنہ کراوݨ آلے خود وی شریعت اُتے عمل نئیں کریندے، پر تُہاڈا ختنہ کراوݨ چاہندے ہِن تاں جو او تُہاڈی جِسمانی حالت اُتے فخر کر سگنڑ۔

1کُرِنتھِیوں 3:8

لاوݨ آلے تے پانڑی ڈیوݨ آلے ڈوہائیں دا ہِکو مقصد ہے تے ہر ہِک کُوں آپنڑی محنت دے مطابق اجر مِلسی۔

1کُرِنتھِیوں 3:14

جئیں کہیں دا کیتا ہویا کم باقی راہسی، اُونکُوں اجر مِلسی۔

فِلِپّیوں 1:26

تے جِیں ویلے مَیں تُہاڈے کولھ ولا آساں تاں یسُوع مسیح ءچ تُہاڈی خوشی جیہڑی میڈے کیتے ہے مزید وی زیادہ تھی ویسی۔