گلتِیوں 6:3 - کِتاب مُقدّس سرائیکی ترجمہ

³ جے کوئی آپنڑے آپ کُوں کُجھ سمجھے، پر او کُجھ وی نہ ہووے، تاں او آپنڑے آپ کُوں دوکھا ڈیندے۔

گلتِیوں 6:3 Referans Kwoze

1کُرِنتھِیوں 3:18

آپنڑے آپ کُوں فریب نہ ڈیؤ۔ جے تُہاڈے ءچوں کوئی آپنڑے آپ کُوں اِیں دُنیا دے معیار دے مطابق حِکمت آلا سمجھدا ہے تاں او نادان بنڑے تاں جو سچ مُچ دانا بنڑ سگے۔

1کُرِنتھِیوں 8:2

جیہڑا وی سمجھدا ہے جو او کُجھ جانڑدا ہے تاں او ہُنڑ تئیں اُونویں نئیں جانڑدا جِینویں جاننڑاں چاہیدے۔

رومیوں 12:3

مَیں اُوں فضل دی وجہ کنُوں جیہڑا میڈے اُتے تھئے، تُہاڈے ءچوں ہر ہِک کُوں آدھا ہاں جو جِتنا سمجھنڑ مناسب ہے کوئی آپنڑے آپ کُوں اُوں کنُوں زیادہ نہ سمجھے بلکہ ہر ہِک آپنڑی حقیقت کُوں اُوں اِیمان دے ناپ دے مطابق چنگی طرحاں جاݨ گِھنے، جیہڑا خُدا اُونکُوں بخش ڈِتے۔

2کُرِنتھِیوں 3:5

ایہ گالھ نئیں جو ساڈے ءچ کوئی لیاقت ہے جو اساں خود کُجھ کرݨ دا دعویٰ کر سگوں بلکہ ساڈی لیاقت خُدا دی طرفوں ہے،

1کُرِنتھِیوں 13:2

تے جے میکُوں نبُوّت دی نعمت مِلے تے مَیں ہر راز تے علم کنُوں واقف تھی وَنجاں، تے جے میڈا اِیمان اِتُھوں تئیں کامِل ہووے جو پہاڑاں کُوں ہٹا ڈیواں، پر محبت نہ رکھاں تاں مَیں کُجھ وی نئیں۔

1 یُوحنّا 1:8

جے اساں بے گُناہ ہووݨ دا دعویٰ کرُوں تاں آپنڑے آپ کُوں دوکھا ڈیندے ہیں تے ساڈے ءچ سچائی کائنی۔

رومیوں 12:16

ہِک ڈُوجھے نال اِتفاق نال راہو۔ اُچے اُچے خیال نہ بدھو، بلکہ پست لوکاں نال میل جول رکھو۔ آپنڑے آپ کُوں ڈُوجھیاں کنُوں عقل مند نہ سمجھو۔

لُوقا 18:11

فریسی کھڑا تھی تے آپنڑے دل ءچ اِینویں دُعا کرݨ لگا جو ’اے خُدا! مَیں تیڈا شُکر کریندا ہاں جو مَیں ڈُوجھے آدمیاں وانگُوں ظالم، بے اِنصاف، زِنا کار یا اِیں محصُول گِھننڑ آلے وانگُوں نئیں۔

یعقُوب 1:22

کلام اُتے عمل کرݨ آلے بنڑو نہ جو صرف سُنڑݨ آلے جیہڑے خود کُوں دوکھا ڈیندے ہِن۔

یعقُوب 1:26

جے کوئی بندہ آپنڑے آپ کُوں دیندار سمجھدا ہووے تے وَل وی آپنڑی زبان کُوں قابو ءچ نہ رکھیندا ہووے تاں او آپنڑے آپ کُوں دوکھا ڈیندے۔ اُوندی دینداری فضول ہے۔

2 تِیمُتھِیُس 3:13

تے بدکار تے دوکھے باز لوک فریب ڈیندے ڈیندے تے فریب کھاندے کھاندے وِگڑدے ویسن۔

2کُرِنتھِیوں 12:11

تُساں ای میکُوں مجبور کیتے جو مَیں فخر کر تے بیوقُوف بنڑ ونجاں، جڈاں جو تُہاکُوں تاں میڈی تعریف کرنڑی چاہیدی ہئی۔ بےشک مَیں کُجھ وی نئیں پر وَل وی تُہاڈے ”افضل رسُولاں“ کنُوں کہیں گالھ ءچ گھٹ نئیں۔

گلتِیوں 2:6

جماعت دے او لوک جیہڑے وڈے سمجھے ویندے ہَن (او کیجھے وی ہَن، میکُوں اِیندے نال کُجھ واسطہ نئیں کیوں جو خُدا کہیں بندے دا طرفدار نئیں،) اُنہاں میڈی تبلیغ ءچ کُجھ اضافہ نہ کیتا۔

اعمال 5:36

کیوں جو کُجھ عرصہ پہلے تھیُوداس اُٹھیا ہا تے دعویٰ کیتا ہا جو مَیں وی کوئی چیز ہاں تے تقریباً چار سو بندے اُوندے نال رَل گئے ہَن۔ پر او ماریا گِیا تے جِتّی اُوندے مننڑ آلے ہَن، سارے تِتربِتر تھی گئے تے اُوندا دعویٰ ختم تھی گِیا۔

گلتِیوں 2:9

تے جِیں ویلے یعقُوب، پطرس تے یُوحنّا جیہڑے کلیسیا دے سربراہ سمجھے ویندے ہَن، ایہ ڈِٹھا جو خُدا میکُوں وی خاص توفیق ڈِتی ہے تاں اُنہاں میکُوں تے برنباس کُوں سجا ہتھ ڈے تے آپنڑی شراکت ءچ قبول کر گِھدا۔ تے اِیں گالھ اُتے اِتفاق کیتا جو اساں غیر قوماں ءچ خدمت کرُوں تے او یہُودیاں ءچ۔