گلتِیوں 6:2 - کِتاب مُقدّس سرائیکی ترجمہ

² ہِک بئے دا بھار چاؤ تے اِینویں ای مسیح دی شریعت کُوں پُورا کرو۔

گلتِیوں 6:2 Referans Kwoze

رومیوں 15:1

اساں جیہڑے اِیمان ءچ پکّے ہیں ساڈا فرض ہے جو کمزور اِیمان آلیاں دیاں کمزوریاں دا لحاظ کرُوں، نہ صرف آپنڑی خوشی کرُوں۔

1تھِسّلُنیکیوں 5:14

بِھراؤ! اساں تُہاڈی مِنت کریندے ہیں جو آلسیاں کُوں سمجھاؤ، بے دِلاں کُوں ہِمت ڈیواؤ، کمزوراں دی مدد کرو تے سارے لوکاں نال صبر نال پیش آؤ۔

یُوحنّا 13:34

مَیں تُہاکُوں ہِک نواں حُکم ڈیندا ہاں جو تُساں ہِک ڈُوجھے نال محبت رکھو۔ جِینویں مَیں تُہاڈے نال محبت رکھی تُساں وی ہِک ڈُوجھے نال محبت رکھو۔

1 یُوحنّا 4:21

ساکُوں تاں اُوندی طرفوں ایہ حُکم مِلیا ہے جو جیہڑا کوئی خُدا نال محبت رکھیندے، او آپنڑے بِھرا نال وی محبت رکھے۔

یعقُوب 2:8

پر جے تُساں خُدا دے کلام دے اِیں شاہی فرمان اُتے جو ”آپنڑے ہمسائے نال آپنڑے وانگُوں محبت رکھ“ عمل کریندے ہیوے تاں چنگا کریندے ہیوے۔

یُوحنّا 15:12

میڈا حُکم ایہ ہے جو جِینویں مَیں تُہاڈے نال محبت رکھی تُساں وی ہِک ڈُوجھے نال محبت رکھو۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

متّی 8:17

تاں جو جیہڑا یسعیاہ نبی دی معرفت فرمایا گِیا ہا او پُورا تھیوے جو ”اُوں آپ ای ساڈیاں کمزوریاں گِھن گِھدیاں تے بیماریاں چا گِھدیاں۔“

گلتِیوں 6:5

کیوں جو ہر ہِک بندہ آپنڑا ای بھار چیسی۔

1کُرِنتھِیوں 9:21

جِنہاں دے کولھ شریعت نئیں، اُنہاں دے وچال مَیں بغیر شریعت آلا بنڑیا تاں جو اُنہاں کُوں جِنہاں کولھ شریعت نئیں گِھن آواں۔ بےشک مَیں خُدا دی شریعت تُوں ازاد نئیں بلکہ مسیح دی شریعت دے تابع ہاں۔

رومیوں 8:2

کیوں جو رُوح القُدس دی زندگی بخشنڑ آلی قوت تُہاکُوں مسیح یسُوع دے ذریعے گُناہ تے موت دی قوت کنُوں آزاد کر ڈِتے۔

لُوقا 11:46

اُوں آکھیا، ”شریعت دے عالمو! تُہاڈے اُتے وی افسوس، تُساں بندیاں اُتے ایجھے بھار لڈیندے ہیوے جِنہاں کُوں چاوݨ مُشکل ہے تے خود اُنہاں کُوں ہِک انگل وی نئیں لیندے۔

یعقُوب 1:25

پر جیہڑا ازادی ڈیوݨ آلی کامِل شریعت اُتے غور نال نظر کریندا راہندے، تے جیہڑا کُجھ سُنڑدے اُونکُوں بُھلدا نئیں بلکہ اُوندے اُتے عمل کریندے، او آپنڑے ہر کم ءچ برکت پیسی۔

یعقُوب 2:12

اِیں واسطے تُساں جیہڑا کُجھ وی اکھیندے یا کریندے ہیوے، یاد رکھو جو تُہاڈی عدالت ازاد کرݨ آلی شریعت دے مطابق تھیسی۔

2 پطرس 2:21

جِنہاں صداقت دی راہ کُوں جاݨ تاں گِھدا پر اُوں پاک حُکم کنُوں پِھر گئے جیہڑا اُنہاں کُوں ڈِتا گِیا ہا، تاں اُنہاں کیتے اِیہو چنگا ہا جو اِیں راہ کُوں کڈھائیں نہ جانڑدے۔

2 پطرس 3:2

مَیں چاہندا ہاں جو تُساں پاک نبیاں دیاں پیشن گوئیاں تے ساڈے خُداوند تے نجات ڈیوݨ آلے دے حُکم کُوں یاد رکھو جیہڑا اساں رسُولاں دے ذریعے تُہاڈے تئیں پُجیا ہے۔