گلتِیوں 6:18 - کِتاب مُقدّس سرائیکی ترجمہ

¹⁸ بِھراؤ! ساڈے خُداوند یسُوع مسیح دا فضل تُہاڈی رُوح نال راہوے۔ آمین۔

گلتِیوں 6:18 Referans Kwoze

2 تِیمُتھِیُس 4:22

خُداوند تیڈی رُوح نال راہوے۔ خُدا دا فضل تیڈے اُتے تھیندا راہوے۔

رومیوں 16:20

خُدا جیہڑا اِطمینان دا سرچشمہ ہے، شیطان کُوں تُہاڈے پیراں تلے جلد کُچلوا ڈیسی۔ ساڈے خُداوند یسُوع مسیح دا فضل تُہاڈے نال راہوے۔

فِلیمون 1:25

ساڈے خُداوند یسُوع مسیح دا فضل تُہاڈی رُوح نال راہوے۔

2کُرِنتھِیوں 13:14

خُداوند یسُوع مسیح دا فضل، خُدا دی محبت تے رُوح القُدس دی شراکت تُساں ساریاں نال تھیندی راہوے۔

مُکاشفہ 22:21

خُداوند یسُوع دا فضل مُقدّساں دے نال راہوے۔ آمین۔

رومیوں 16:23

گِیُس، جیہڑا میڈی تے اِتھاں دی ساری کلیسیا دی مہمان نوازی کریندے، تُہاکُوں سلام آدھے۔ شہر دا خزانچی اِراستُس تے کوارتُس بِھرا تُہاکُوں سلام آدھے ہِن۔

اعمال 1:15

اُنہاں ڈینہاں ءچ پطرس بِھرانواں دی جماعت ءچ جیہڑے تقریباً ہِک سو وِیہہ دے نیڑے ہَن، کھڑا تھی تے آکھنڑ لگا،

رومیوں 1:13

بِھراؤ، مَیں نئیں چاہندا جو تُساں اِیں گالھ کنُوں ناواقف راہو جو مَیں کئی پھیری تُہاڈے کولھ آوݨ دا اِرادہ کیتا، تاں جو جِینویں ڈُوجھیاں غیر قوماں ءچ میڈی خدمت پھل گِھن آئی، تُساں ءچ وی گِھن آوے، پر مَیں اَج تئیں رُکیا ریہا۔

گلتِیوں 3:15

بِھراؤ! مَیں اِنسانی زندگی دی ہِک مثال ڈیندا ہاں جو بھانویں کوئی اِنسانی معاہدہ ای ہووے، جڈاں اُوندی تصدیق تھی گئی ہووے تاں نہ کوئی اُونکُوں ختم کر سگدے تے نہ ای اُوندے ءچ کُجھ ودھا سگدے۔

گلتِیوں 4:12

بِھراؤ! مَیں تُہاڈی مِنت کریندا ہاں جو میڈے وانگُوں بنڑو جِینویں پہلے مَیں تُہاڈے وانگُوں بنڑیا ہم۔ تُساں میڈا کُجھ نُقصان نئیں کیتا۔

گلتِیوں 4:28

اِیں واسطے بِھراؤ! تُساں اِضحاق آلی کار وعدے دے فرزند ہیوے۔

گلتِیوں 6:1

بِھراؤ! جے کوئی کہیں گُناہ ءچ پَھس ونجے تاں تُساں جیہڑے رُوحانی ہیوے، ایجھے بندے کُوں حلیمی نال بحال کر ڈیؤ۔ پر آپنڑا وی خیال رکھو جو کِتھائیں تُساں وی کہیں ازمائش دا شکار نہ تھی ونجو۔