گلتِیوں 6:16 - کِتاب مُقدّس سرائیکی ترجمہ

¹⁶ تے جیہڑے اِیں اصُول اُتے چلدے ہِن اُنہاں کُوں تے خُدا دے اِسرائیل کُوں اِطمینان تے رحم حاصل تھیندا راہوے۔

گلتِیوں 6:16 Referans Kwoze

گلتِیوں 3:29

تے جے تُساں مسیح دے ہیوے تاں ابرہام دی نسل تے وعدے دے مطابق وارث وی ہیوے۔

فِلِپّیوں 3:3

کیوں جو اصلی ختنہ کراوݨ آلے تاں اساں ہیں جیہڑے خُدا دے رُوح القُدس دی ہدایت نال عبادت کریندے تے مسیح یسُوع اُتے فخر کریندے ہیں تے جِسمانی گالھیں اُتے بھروسا نئیں کریندے،

رومیوں 4:12

تے او اُنہاں ختنہ کرواوݨ آلیاں دا وی پِیُو ہے جِنہاں نہ صرف ختنہ کروایا بلکہ ساڈے پِیُو ابرہام دے اُوں اِیمان دی وی پیروی کریندے ہِن جیہڑا اُونکُوں ختنہ کرواوݨ تُوں پہلے حاصل ہا۔

یُوحنّا 1:47

یسُوع نتن ایل کُوں آندے ڈِٹھا تاں اُوندے بارے آکھیا، ”ڈیکھو! ایہ اصلی اِسرائیلی ہے، اِیندے ءچ مکر نئیں۔“

فِلِپّیوں 3:16

بہرحال جِتھاں تئیں اساں پُج گئے ہیں، اُوندے مطابق زندگی گُزاروں۔

گلتِیوں 5:25

جے اساں رُوح القُدس دے وسیلے زندہ ہیں تاں رُوح القُدس دی ہدایت دے مطابق زندگی گُزاروں۔

گلتِیوں 5:16

مَیں تاں ایہ آدھا ہاں جو رُوح القُدس دے مطابق چلو تاں وَل تُساں نفسانی خواہشاں کُوں ہرگز پُورا نہ کریسو۔

یُوحنّا 16:33

مَیں تُہاڈے نال ایہ گالھیں اِیں واسطے کیتیاں ہِن جو تُساں میڈے ءچ اِطمینان پاؤ۔ دُنیا ءچ ڈُکھ چیندے ہیوے پر حوصلہ رکھو، مَیں دُنیا اُتے غالب آیا ہاں۔“

یُوحنّا 14:27

مَیں تُہاکُوں اِطمینان ڈِتی ویندا ہاں، آپنڑا اِطمینان تُہاکُوں ڈیندا ہاں۔ ایہ ایجھا اِطمینان نئیں جیہڑا دُنیا ڈیندی ہے۔ تُہاڈا دل نہ گھبراوے تے نہ ڈرے۔

فِلِپّیوں 4:7

وَل خُدا دا اِطمینان جیہڑا سمجھ تُوں باہر ہے، تُہاڈے دِلاں تے خیالاں کُوں مسیح یسُوع ءچ محفوظ رکھیسی۔

گلتِیوں 1:3

خُدا باپ تے ساڈے خُداوند یسُوع مسیح دی طرفوں تُہاکُوں فضل تے اِطمینان حاصل تھیندا راہوے۔

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

اِفِسیوں 6:23

خُدا باپ تے خُداوند یسُوع مسیح دی طرفوں تُساں بِھرانواں کُوں اِیمان دے نال اِطمینان تے محبت حاصل تھیوے

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

یہُوداہ 1:2

تُہاکُوں ڈھیر سارا رحم، اِطمینان تے محبت حاصل تھیندی راہوے۔