گلتِیوں 5:24 - کِتاب مُقدّس سرائیکی ترجمہ

²⁴ تے جیہڑے مسیح یسُوع دے ہِن اُنہاں آپنڑی اِنسانی فطرت کُوں اُوندے جذبات تے بُریاں خواہشاں سمیت صلیب اُتے چڑھا ڈِتے۔

گلتِیوں 5:24 Referans Kwoze

رومیوں 6:6

تے اساں جانڑدے ہیں جو ساڈی پُرانڑی اِنسانیت مسیح دے نال صلیب اُتے چڑھائی گئی تاں جو ساڈے بدن ءچوں گُناہ دی طاقت ختم تھی ونجے تے اساں اگُوں تے گُناہ دی غُلامی ءچ نہ راہوں۔

رومیوں 13:14

بلکہ خُداوند یسُوع المسیح کُوں پا گِھنو تے جِسم دیاں بُریاں خواہشاں کُوں پُورا کرݨ ءچ نہ لگے راہو۔

رومیوں 8:13

کیوں جو جے تُساں جِسمانی فطرت دے مطابق زندگی گُزریسو تاں ضرور مرسو پر جے رُوح القُدس دے ذریعے جِسم دے بُرے کماں کُوں مریسو تاں تُساں زندہ راہسو۔

رومیوں 8:9

پر تُساں جِسمانی فطرت دے اِختیار ءچ نئیں بلکہ رُوح دے اِختیار ءچ ہیوے، شرط ایہ ہے جو خُدا دا رُوح القُدس تُہاڈے ءچ وسیا ہووے۔ پر جیندے ءچ مسیح دا رُوح القُدس نئیں او مسیح دا نئیں۔

گلتِیوں 6:14

پر خُدا نہ کرے جو مَیں کہیں چیز اُتے فخر کراں سوائے آپنڑے خُداوند یسُوع مسیح دی صلیب اُتے، جیندے ذریعے دُنیا دی اہمیت میڈے کیتے صلیب اُتے چڑھ گئی ہے تے میڈی اہمیت دُنیا کیتے۔

1 پطرس 2:11

عزیزو، مَیں تُہاڈی مِنت کریندا ہاں جو تُساں جیہڑے اِیں دُنیا ءچ پردیسیاں تے مسافراں وانگُوں ہیوے، اُنہاں بُریاں خواہشاں کنُوں دُور راہو جیہڑیاں تُہاڈے نال لڑائی کریندیاں راہندیاں ہِن۔

1کُرِنتھِیوں 3:23

سبھ کُجھ تُہاڈا ہے تے تُساں مسیح دے ہیوے تے مسیح خُدا دا ہے۔

2کُرِنتھِیوں 10:7

تُساں ظاہری چیزاں اُتے غور کریندے ہیوے۔ جے کہیں کُوں آپنڑے آپ اُتے ایہ بھروسا ہے جو او مسیح دا ہے تاں اُونکُوں ایہ وی سوچ گِھننڑاں چاہیدے جو جِینویں او مسیح دا ہے اُونویں ای اساں وی ہیں۔

گلتِیوں 3:29

تے جے تُساں مسیح دے ہیوے تاں ابرہام دی نسل تے وعدے دے مطابق وارث وی ہیوے۔

1کُرِنتھِیوں 15:23

پر ہر ہِک آپنڑی آپنڑی واری نال۔ سبھ تُوں پہلے مسیح جیہڑا پہلا پھل ہے، تے وَل مسیح دے آوݨ تے اُوندے لوک۔

گلتِیوں 5:20

بُت پرستی، جادُوگری، دُشمنڑی، جھیڑے، حسد، کاوڑ، خود غرضی، نا اتفاقی، پارٹی بازی،

1کُرِنتھِیوں 6:13

بےشک ”کھانڑا پیٹ کیتے تے پیٹ کھانڑے کیتے ہے تے خُدا اِنہاں ڈُوہائیں کُوں ختم کر ڈیسی۔“ پر بدن حرام کاری کیتے نئیں بلکہ خُداوند کیتے ہے تے اُوہو اُوندا مالک ہے۔

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

گلتِیوں 3:26

کیوں جو تُساں سارے یسُوع مسیح اُتے اِیمان گِھن آوݨ دے وسیلے نال خُدا دی اولاد بنڑ گئے ہیوے۔

گلتِیوں 3:28

ہُنڑ نہ کوئی یہُودی ریہا نہ کوئی یُونانی، نہ کوئی غُلام نہ کوئی ازاد تے نہ کوئی مرد تے نہ کوئی عورت، کیوں جو ہُنڑ تُساں سارے مسیح یسُوع ءچ ہِک ہیوے۔

اِفِسیوں 3:1

اِیں واسطے مَیں پولُس جیہڑا تُساں غیر قوماں دی خاطر مسیح یسُوع کیتے قیدی ہاں تُہاڈے کیتے دُعا کریندا ہاں۔

اِفِسیوں 3:6

او بھید ایہ ہے جو مسیح یسُوع ءچ غیر قوماں وی بنی اِسرائیل نال خوشخبری دے وسیلے میراث ءچ شریک ہِن تے ہِکو بدن دے اَنگ ہِن تے خُدا دے وعدہ ءچ شامل ہِن۔

اِفِسیوں 3:11

ایہ ای خُدا دا ازلی اِرادہ ہا جیہڑا اُوں ساڈے خُداوند یسُوع مسیح دے ذریعے پُورا کیتا۔

کلُسِّیوں 2:11

مسیح ءچ آ تے تُہاڈا ایجھا ختنہ تھئے جیہڑا ہتھ نال نئیں بلکہ مسیح دے وسیلے تھئے، جیندے نال تُہاڈی پُرانڑی فطرت تُہاڈے تُوں اَنج کر ڈِتی گئی ہے۔