گلتِیوں 5:21 - کِتاب مُقدّس سرائیکی ترجمہ

²¹ بُغض، نشہ بازی، نچنڑ ٹپنڑ تے اِنہاں جِیہے بئے کم۔ اِنہاں گالھیں دے بارے ءچ مَیں پہلے تُہاکُوں آکھیا ہا تے ہُنڑ ولا آدھا ہاں، جو ایجھے کم کرݨ آلے خُدا دی بادشاہی دے وارث نہ ہوسن۔

گلتِیوں 5:21 Referans Kwoze

رومیوں 13:13

اساں حیادار زندگی گُزاروں جِینویں لوک ڈینہہ دی روشنی ءچ کریندے ہِن۔ اِیں واسطے ساڈے ءچ نچنڑ ٹپنڑ، نشہ بازی، زِناکاری، شہوت پرستی، جھیڑے تے حسد وغیرہ نہ ہووے۔

رومیوں 8:13

کیوں جو جے تُساں جِسمانی فطرت دے مطابق زندگی گُزریسو تاں ضرور مرسو پر جے رُوح القُدس دے ذریعے جِسم دے بُرے کماں کُوں مریسو تاں تُساں زندہ راہسو۔

اِفِسیوں 5:18

شراب ءچ دُھت نہ تھیؤ کیوں جو ایہ بدکاری دو گِھن ویندی ہے بلکہ رُوح القُدس نال بھریندے راہو۔

1کُرِنتھِیوں 5:11

پر مَیں ایہ لِکھیا ہا جو جے کوئی اِیمان ءچ بِھرا اکھویندے تے وَل وی زِناکار، لالچی، بُتاں دا مننڑ آلا، مندھے کڈھنڑ آلا، شرابی یا ٹَھگ ہووے تاں اُوندے نال تعلق نہ رکھائے بلکہ ایجھیاں نال کھانڑا تئیں نہ کھوائے۔

مُکاشفہ 21:27

کوئی ناپاک چیز یا کوئی گندے کم کرݨ آلا یا کُوڑ گھڑن آلا اُوندے ءچ کڈھائیں داخل نہ تھیسی، پر صرف اُوہو جِنہاں دے ناں لیلے دی کتاب ِ حیات ءچ لِکھے گئے ہِن۔

1 پطرس 4:3

تُساں پہلے ای آپنڑی زندگی دا بہُوں وقت اُوہو کرݨ ءچ گُزار ڈِتے جیہڑا غیر قوماں کُوں پسند ہے یعنی شہوت پرستی، بُریاں خواہشاں، شراب پِیوݨ، نچنڑ گاوݨ، نشے بازی تے بُت پرستی ءچ، جیہڑا بہُوں مکرُوہ کم ہے۔

کلُسِّیوں 3:6

کیوں جو اُنہاں دی وجہ تُوں خُدا دا غضب نافرماناں اُتے نازل تھیندے۔

1تھِسّلُنیکیوں 5:7

کیوں جو جیہڑے سَمدے ہِن او رات کُوں ای سَمدے ہِن تے جیہڑے پی تے مست تھیندے ہِن او وی رات کُوں ای تھیندے ہِن۔

1کُرِنتھِیوں 15:50

بِھراؤ! میڈا مطلب ایہ ہے جو خون تے گوشت خُدا دی بادشاہی دے وارث نئیں تھی سگدے تے نہ جیہڑا فانی ہے، غیرفانی دا وارث تھی سگدے۔

مُکاشفہ 22:15

پر کُتے، جادُوگر، حرام کار، خونی، بُت پرست، کُوڑی گالھ گھڑن تے پسند کرݨ آلے باہر راہسن۔

متّی 25:34

وَل بادشاہ آپنڑے سجے پاسے آلیاں کُوں اکھیسی، ’آؤ میڈے باپ دے مُبارک لوکو، اُوں بادشاہی کُوں جیہڑی دُنیا بنڑݨ تُوں پہلے تُہاڈے کیتے تیار کیتی گئی ہے، میراث ءچ گِھنو۔

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

عبرانیوں 13:4

شادی کرݨ سبھ لوکاں ءچ عزت دی گالھ سمجھی ونجے تے میاں بیوی دا رشتہ بے داغ راہوے، کیوں جو خُدا حرام کاراں تے زِنا کاراں دی عدالت کریسی۔

2تھِسّلُنیکیوں 2:5

کیا تُہاکُوں یاد نئیں جو جِیں ویلے مَیں تُہاڈے نال ہم تاں تُہاکُوں ایہ گالھیں ڈسیندا راہندا ہم؟