گلتِیوں 5:13 - کِتاب مُقدّس سرائیکی ترجمہ

¹³ بِھراؤ! تُساں ازاد راہنڑ کیتے سڈے گئے ہیوے پر اِیں ازادی کُوں آپنڑیاں جِسمانی خواہشاں کُوں پُورا کرݨ کیتے اِستعمال نہ کرو بلکہ محبت نال ہِک ڈُوجھے دی خدمت کریندے راہو۔

گلتِیوں 5:13 Referans Kwoze

1 پطرس 2:16

تُساں ازاد ہیوے، اِیں واسطے ازادی نال زندگی گُزارو، پر آپنڑی ازادی کُوں بدکاری دا پڑدہ نہ بنڑاؤ بلکہ آپنڑے آپ کُوں خُدا دے غُلام جانڑو۔

1کُرِنتھِیوں 9:19

بھانویں مَیں ازاد ہاں تے کہیں دا پابند نئیں، وَل وی مَیں آپنڑے آپ کُوں سبھ دا غُلام بنڑا ڈِتے تاں جو زیادہ لوکاں کُوں مسیح کولھ گِھن آ سگاں۔

1کُرِنتھِیوں 8:9

پر خبردار راہو، اِینویں نہ تھیوے جو تُہاڈی ایہ ازادی کمزور اِیمان آلیاں کیتے تُھڈا کھاوݨ دا سبب بنڑ ونجے۔

گلتِیوں 5:14

کیوں جو ساری شریعت اِیں ہِک گالھ ءچ ای پُوری تھی ویندی ہے جو ”تُوں آپنڑے ہمسائے نال آپنڑے وانگُوں محبت رکھ۔“

اِفِسیوں 5:21

مسیح دے خوف ءچ ہِک ڈُوجھے دے تابع راہو۔

گلتِیوں 6:2

ہِک بئے دا بھار چاؤ تے اِینویں ای مسیح دی شریعت کُوں پُورا کرو۔

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔

2 پطرس 2:19

ایہ کُوڑے اُستاد اُنہاں دے نال تاں ازادی دا وعدہ کریندے ہِن پر خود بُرائی دے غُلام بنڑے پئے ہِن۔ کیوں جو جیہڑی چیز اِنسان اُتے غالب آ ویندی ہے، اِنسان اُوندی غُلامی ءچ ہوندے۔

2کُرِنتھِیوں 4:5

کیوں جو اساں آپنڑی نئیں بلکہ مسیح یسُوع دی تبلیغ کریندے ہیں جو اُوہو خُداوند ہے تے آپنڑے بارے ءچ ایہ آدھے ہیں جو یسُوع دی خاطر اساں تُہاڈی خدمت کرݨ آلے ہیں۔

اعمال 20:35

مَیں تُہاکُوں ایہ سبھ کر تے ڈِکھایا جو اساں کِینویں محنت کر تے کمزوراں کُوں سنبھال سگدے ہیں۔ خُداوند یسُوع دے لفظاں کُوں یاد رکھو جو اُوں آکھیا، ’ڈیونڑا گِھننڑ کنُوں زیادہ مُبارک ہے‘۔“

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

لُوقا 4:18

”رب دا رُوح میڈے اُتے ہے کیوں جو اُوں میکُوں مسح کیتے تاں جو مَیں غریباں کُوں خوشخبری سُنڑاواں۔ اُوں میکُوں بھیجیا ہے جو قیدیاں کُوں رہائی تے اندھیاں کُوں اکھیں ڈیوݨ دا اعلان کراں کُچلے ہوئیاں کُوں آزاد کراں

گلتِیوں 4:22

اُوندے ءچ لِکھیا ہے جو ابرہام دے ڈُو پوتر ہَن، ہِک غُلام عورت ءچوں، ڈُوجھا ازاد ءچوں۔

1تھِسّلُنیکیوں 1:3

اساں تُہاڈے کم جیہڑے اِیمان دی وجہ کنُوں ہِن، تے تُہاڈی محنت جیہڑی محبت دا نتیجہ ہے، تے تُہاڈے صبر کُوں جیہڑا ساڈے خُداوند یسُوع المسیح اُتے اُمید رکھنڑ دے سببّوں تُہاڈے ءچ پیدا تھئے، آپنڑے خُدا تے باپ دی حضُوری ءچ یاد کریندے ہیں۔

2کُرِنتھِیوں 12:15

اِیں واسطے مَیں تُہاڈی خاطر بہُوں خوشی نال آپنڑا سبھ کُجھ خرچ کر ڈیساں بلکہ آپ وی خرچ تھی ویساں۔ جے مَیں تُہاڈے نال بہُوں محبت رکھاں تاں کیا تُساں میڈے نال گھٹ محبت رکھیسو؟

2کُرِنتھِیوں 3:17

کیوں جو خُداوند رُوح ہے تے جِتھاں خُداوند دا رُوح القُدس ہے اُتھاں ازادی ہے۔

گلتِیوں 2:4

ایہ مسئلہ اُنہاں کُوڑے مسیحی بِھرانواں دی طرفوں بنڑیا، جیہڑے چُپ چپیتے ساڈے وچال وڑ آئے ہَن تاں جو جاسُوسی کر تے اُوں ازادی کُوں جاݨ سگنڑ جیہڑی مسیح یسُوع ءچ ساکُوں حاصل تھئی ہئی تے ساکُوں ولا غُلامی ءچ گِھن آوݨ۔

گلتِیوں 5:1

مسیح ساکُوں ازاد راہنڑ کیتے ازاد کیتے۔ بس اِیں ازادی ءچ ثابت قدم راہو تے ولا غُلامی دی پنجالی ءچ نہ جُتو۔

2کُرِنتھِیوں 2:8

اِیں واسطے مَیں تُہاڈی مِنت کریندا ہاں جو اُونکُوں آپنڑی محبت دا یقین ڈیواؤ۔