گلتِیوں 5:10 - کِتاب مُقدّس سرائیکی ترجمہ

¹⁰ میکُوں خُداوند یسُوع ءچ تُہاڈے اُتے بھروسہ ہے جو تُساں کوئی بئی سوچ نہ رکھیسو پر جیہڑا بندہ تُہاڈے ءچ پریشانی پیدا کریندے بھانویں جیہڑا وی ہووے، اُونکُوں سزا مِلسی۔

گلتِیوں 5:10 Referans Kwoze

گلتِیوں 5:12

جے تُہاکُوں پریشان کرݨ آلے نہ صرف آپنڑا ختنہ کرویندے بلکہ آپنڑے آپ کُوں خوجے بنڑا گِھندے تاں چنگا ہوندا۔

فِلِپّیوں 3:15

اِیں واسطے ساڈے ءچوں جِتّی کامِل ہِن، اساں اِیہو خیال رکھوں۔ تے جے کہیں گالھ ءچ تُہاڈا بِیا خیال ہووے تاں خُدا اُونکُوں وی تُہاڈے اُتے ظاہر کر ڈیسی۔

گلتِیوں 1:7

کوئی ڈُوجھا ہے ای کائنا۔ ہا، کُجھ لوک تُہاکُوں پریشان کریندے پئے ہِن جیہڑے مسیح دی خوشخبری کُوں تروڑ مروڑ تے پیش کرݨ چاہندے ہِن۔

2کُرِنتھِیوں 2:3

مَیں تُہاکُوں اِیہو گالھ لِکھی ہئی تاں جو جِیں ویلے مَیں آواں تاں میکُوں اُنہاں لوکاں کنُوں ڈُکھ نہ پُجے جِنہاں کنُوں میکُوں خوشی مِلنڑی چاہیدی ہئی، کیوں جو میکُوں تُہاڈے ساریاں اُتے اِیں گالھ دا بھروسا ہے جو جیہڑی میڈی خوشی ہے اُوہو تُساں ساریاں دی وی خوشی ہے۔

1 تِیمُتھِیُس 1:20

اُنہاں ءچ ہُمِنِیُس تے سکندر وی ہِن، جِنہاں کُوں مَیں شیطان دے حوالے کر ڈِتے تاں جو او کُفر بَکنڑ کنُوں باز راہونڑا سِکھنڑ۔

گلتِیوں 6:17

میڈے بدن اُتے زخماں دے داغ ایہ ظاہر کریندے ہِن جو مَیں یسُوع دا بندہ ہاں، اِیں واسطے کوئی میکُوں اگُوں تُوں تکلیف نہ ڈیوے۔

گلتِیوں 4:17

او لوک تُہاکُوں آپنڑا دوست بنڑاوݨ دی کوشش تاں کریندے ہِن پر اُنہاں دی نیّت صاف کائنی۔ او تُہاکُوں میڈے تُوں اَنج کراوݨ چاہندے ہِن تاں جو تُساں اُنہاں دے ای بنڑے راہو۔

گلتِیوں 3:1

نادان گلِتیو! تُہاڈے اُتے کئیں جادُو کر ڈِتے؟ تُہاڈے سامنڑے یسُوع مسیح تے اُوندی صلیبی موت کُوں اِتنی صفائی نال پیش کیتا گئے جِینویں ایہ تُہاڈے اکھیں دے سامنڑے تھیّا ہووے۔

گلتِیوں 2:6

جماعت دے او لوک جیہڑے وڈے سمجھے ویندے ہَن (او کیجھے وی ہَن، میکُوں اِیندے نال کُجھ واسطہ نئیں کیوں جو خُدا کہیں بندے دا طرفدار نئیں،) اُنہاں میڈی تبلیغ ءچ کُجھ اضافہ نہ کیتا۔

گلتِیوں 2:4

ایہ مسئلہ اُنہاں کُوڑے مسیحی بِھرانواں دی طرفوں بنڑیا، جیہڑے چُپ چپیتے ساڈے وچال وڑ آئے ہَن تاں جو جاسُوسی کر تے اُوں ازادی کُوں جاݨ سگنڑ جیہڑی مسیح یسُوع ءچ ساکُوں حاصل تھئی ہئی تے ساکُوں ولا غُلامی ءچ گِھن آوݨ۔

2کُرِنتھِیوں 10:6

تے جِیں ویلے تُہاڈی فرمانبرداری پُوری تھی ونجے تاں اساں ہر طرحاں دی نافرمانی دی سزا ڈیوݨ کیتے تیار ہوسُوں۔

1کُرِنتھِیوں 5:5

تاں اُوں بندے کُوں جِسمانی ہلاکت کیتے شیطان دے حوالے کر ڈیؤ تاں جو خُداوند یسُوع دے واپس آوݨ دے ڈینہہ اُوندی رُوح بچ ونجے۔

اعمال 15:24

کیوں جو اساں سُنڑیا ہے جو ساڈے ءچوں کُجھ لوکاں جِنہاں کُوں اساں حُکم نہ ڈِتا ہا تُہاکُوں آپنڑے گالھیں نال پریشان کر ڈِتے۔

فِلیمون 1:21

مَیں تیڈی فرمانبرداری اُتے یقین کر تے تیکُوں لِکھدا پِیا ہاں تے جانڑدا ہاں جو جیہڑا کُجھ تیکُوں آدھا پِیا ہاں، تُوں اُوں کنُوں ودھ کریسیں۔

2تھِسّلُنیکیوں 3:4

ساکُوں خُداوند ءچ یقین ہے جو جیہڑا حُکم اساں تُہاکُوں ڈیندے ہیں، تُساں اُوندے اُتے عمل کریندے ہیوے تے کریندے راہسو۔

گلتِیوں 4:20

میڈا دل چاہندے جو ہُنڑ تُہاڈے کولھ ہوواں تے بئے طریقے نال بولاں کیوں جو مَیں تُہاڈے بارے ءچ بہُوں شک ءچ ہاں۔

گلتِیوں 4:11

میکُوں ڈر ہے جو جیہڑی محنت مَیں تُہاڈے اُتے کیتی ہے، کِتھائیں بے فائدہ نہ تھی ونجے۔

2کُرِنتھِیوں 13:10

اِیں واسطے مَیں آپنڑی غیر موجودگی ءچ ایہ گالھیں لِکھدا پِیا ہاں تاں جو اُتھاں آ تے میکُوں اُوں اِختیار دے مطابق سختی نہ کرنڑی پووے جیہڑا خُداوند میکُوں تعمیر کرݨ کیتے ڈِتے نہ جو ڈھاوݨ کیتے۔

2کُرِنتھِیوں 10:2

بلکہ مِنت کریندا ہاں جو تُہاڈے کولھ آ تے میکُوں اُوں دلیری نال نہ پیش آونڑا پووے، جِینویں کُجھ لوکاں نال پیش آوݨ دا اِرادہ رکھیندا ہاں جیہڑے ساڈے بارے ءچ سوچیندن جو اساں دُنیاوی طور تے زندگی گُزریندے ہیں۔

2کُرِنتھِیوں 8:22

اساں اُنہاں ڈُوہائیں بِھرانواں دے نال ہِک بئے بِھرا کُوں وی بھجیندے پئے ہیں جِینکُوں اساں بہُوں سارے گالھیں ءچ چنگی طرحاں ازمایا تے بہُوں پُر جوش ڈِٹھا ہے۔ ہُنڑ کیوں جو تُہاڈے اُتے بہُوں بھروسا ہے، اِیں واسطے او بِیا وی پُر جوش تھی گئے۔

2کُرِنتھِیوں 7:16

مَیں بہُوں خوش ہاں تے میکُوں تُہاڈے بارے ءچ ہر لحاظ نال چنگی طرحاں تسلی تھی گئی ہے۔

2کُرِنتھِیوں 5:16

بس ہُنڑ اساں کہیں کُوں دُنیاوی نظر نال نئیں ڈیدھے۔ ہا، بےشک ہِک وقت اساں مسیح کُوں وی اُونویں ای ڈِٹھا ہا پر ہُنڑ اُونکُوں اِینویں نئیں ڈیدھے۔

2کُرِنتھِیوں 2:6

پر اُوں بندے کیتے ایہ سزا بہُوں ہے جیہڑی اُونکُوں تُساں بہُوں ساریاں دی طرفوں مِلی ہے۔

2کُرِنتھِیوں 1:15

اِیں گالھ اُتے بھروسا رکھ تے مَیں اِرادہ کیتا ہا جو پہلے تُہاڈے کولھ آواں تاں جو تُہاکُوں ڈُونڑا فائدہ تھیوے۔

گلتِیوں 5:7

تُساں چنگی طرحاں بھجدے پئے ہَوے۔ کئیں تُہاکُوں سچائی اُتے عمل کرݨ تُوں روک ڈِتے؟