گلتِیوں 4:9 - کِتاب مُقدّس سرائیکی ترجمہ

⁹ پر ہُنڑ جڈاں تُساں خُدا کُوں پچھاݨ گِھدے بلکہ خُدا تُہاکُوں پچھاݨ گِھدے تاں تُساں کیوں اُنہاں کمزور تے بے کار اصُولاں دو واپس ویندے پئے ہیوے؟ کیا ولا کنُوں اُنہاں دی غُلامی ءچ آوݨ چاہندے ہیوے؟

گلتِیوں 4:9 Referans Kwoze

1کُرِنتھِیوں 8:3

پر جیہڑا خُدا نال محبت رکھیندے، خُدا اُونکُوں جانڑدے۔

گلتِیوں 3:3

کیا تُساں ایجھے نادان ہیوے جو رُوح القُدس دے وسیلے شروع کیتی ہوئی نوِیں زندگی کُوں ہُنڑ جِسمانی کوشش نال پُورا کرݨ چاہندے ہیوے؟

رومیوں 8:3

ساڈی اِنسانی فطرت دی کمزوری دے سببّوں شریعت ساکُوں نہ بچا سگی پر خُدا ایہ کیتے۔ اُوں آپنڑے پوتر کُوں گُنہگاراں جِیہے جِسم ءچ بھیجیا تاں جو او گُناہ کیتے قُربان تھیوے۔ اِیں طرحاں خُدا جِسم ءچ ای گُناہ کُوں سزا ڈِتی،

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

2 پطرس 2:20

تے جے او لوک خُداوند تے نجات ڈیوݨ آلے یسُوع مسیح دی پچھاݨ دے وسیلہ نال دُنیا دی گندگی کنُوں چُھٹ تے ولا کنُوں اُوندے ءچ پَھس ونجنڑ تے اُوندے قبضے ءچ آ ونجنڑ، تاں اُنہاں دی حالت پہلی حالت کنُوں وی بدتر تھی ویندی ہے۔

عبرانیوں 7:18

اِینویں او پُرانڑا حُکم کمزور تے بے فائدہ تھیوݨ پارُوں منسوخ تھی گِیا۔

2 تِیمُتھِیُس 2:19

وَل وی خُدا دی مضبوط بنیاد قائم راہندی ہے تے اُوندے اُتے اِنہاں گالھیں دی مُہر تھی گئی ہے جو ”رب آپنڑے بندیاں کُوں پچھاݨ گِھندے۔“ تے ”جیہڑا کوئی رب دا ناں گِھندے او بدی تُوں دُور راہوے۔“

اِفِسیوں 1:17

مَیں دُعا کریندا ہاں جو ساڈے خُداوند یسُوع مسیح دا خُدا جیہڑا جلال آلا باپ ہے، تُہاکُوں حِکمت تے مُکاشفے دی رُوح بخشے تاں جو تُساں اُونکُوں چنگی طرحاں جاݨ گِھنو

2کُرِنتھِیوں 4:6

کیوں جو خُدا ای ہے جئیں فرمائے جو ”اندھارے ءچوں نُور چمکے“ تے اُوں ای ساڈے دِلاں ءچ آپنڑا نُور چمکایا تاں جو اساں خُدا دے جلال دے نُور کُوں پچھاݨ سگوں جیہڑا یسُوع مسیح دے چہرے تُوں ظاہر تھیندے۔

1کُرِنتھِیوں 13:12

ہُنڑ ساکُوں شیشے ءچ دُھندلا نظر آندے پر اُوں ویلے آمنڑے سامنڑے ڈیکھسوں۔ اِیں ویلے میڈا علم نامکمل ہے پر اُوں ویلے پُوری طرحاں پچھاݨ گِھنساں، جِینویں خُدا میکُوں پُوری طرحاں پچھانڑے۔

رومیوں 8:29

کیوں جو جِنہاں کُوں خُدا پہلے کنُوں جانڑیا، اُنہاں کُوں اُوں پہلے کنُوں مقرر وی کیتا جو او اُوندے پوتر آلی کار بنڑݨ تاں جو اُوندا پوتر بہُوں سارے بِھرانواں ءچوں پلیٹھی دا ہووے۔

یُوحنّا 17:3

تے ہمیشاں دی زندگی ایہ ہے جو او تَیں خُدائے واحد تے برحق کُوں تے یسُوع مسیح کُوں جِینکُوں تُوں بھیجیا ہے، جانڑن۔

یُوحنّا 10:27

میڈیاں بھیڈاں میڈی اواز سُنڑدیاں ہِن تے مَیں اُنہاں کُوں جانڑدا ہاں تے او میڈے پِچُھوں پِچُھوں ٹُردیاں ہِن۔

یُوحنّا 10:14

چنگا آجڑی مَیں ہاں۔ مَیں آپنڑیاں بھیڈاں کُوں جانڑدا ہاں تے او میکُوں جانڑدیاں ہِن،

متّی 11:27

میڈے باپ دی طرفوں سبھ کُجھ میڈے سپُرد کیتا گِیا ہے تے کوئی پوتر کُوں نئیں جانڑدا سوائے باپ دے، تے نہ ای کوئی باپ کُوں جانڑدے سوائے پوتر دے یا او بندہ جیندے اُتے پوتر اُونکُوں ظاہر کرݨ چاہندے۔

1کُرِنتھِیوں 15:34

چنگی طرحاں ہوش ءچ آؤ تے گُناہ نہ کرو۔ کیجھی شرم دی گالھ ہے جو ہُنڑ وی تُہاڈے ءچوں کُجھ خُدا کُوں نئیں جانڑدے۔ ایہ میں تُہاکُوں شرم ڈیواوݨ کیتے آدھا ہاں۔

2کُرِنتھِیوں 11:20

جے کوئی تُہاکُوں غُلام بنڑیندے یا تُہاکُوں لُٹیندے، یا تُہاکُوں دوکھا ڈیندے، یا تُہاڈے اُتے رُعب پیندے، یا تُہاڈے مُنہ اُتے چاٹ مریندے تاں تُساں برداشت کر گِھندے ہیوے۔

گلتِیوں 4:3

اِینویں ای اساں وی جِیں ویلے بال ہسے تاں دُنیاوی اصُولاں دی غُلامی ءچ ہسے۔

لُوقا 5:38

بلکہ تازہ رَس کُوں نوِیاں مشکاں ءچ بھرنڑا چاہیدے۔