گلتِیوں 4:15 - کِتاب مُقدّس سرائیکی ترجمہ

¹⁵ ہُنڑ تُہاڈی او خوشی کِتھاں گئی؟ کیوں جو مَیں تُہاڈا گواہ ہاں جو جے ممکن ہوندا تاں تُساں آپنڑے اکھیں وی کڈھ تے میکُوں ڈے ڈیندے۔

گلتِیوں 4:15 Referans Kwoze

رومیوں 5:2

یسُوع دے وسیلے ساکُوں اِیمان دے سببّوں او فضل حاصل تھیّا جیندے اُتے اساں قائم وی ہیں، تے اساں خُدا دے جلال دی اُمید اُتے خوش ہیں۔

کلُسِّیوں 4:13

مَیں اُوندے حق ءچ گواہی ڈیندا ہاں جو او تُہاڈے کیتے تے لَودِیکیہ تے ہِیراپُلس دے اِیمانداراں کیتے بہُوں محنت کریندے۔

1تھِسّلُنیکیوں 5:13

اُنہاں دی خدمت دی وجہ تُوں محبت نال اُنہاں دی بہُوں عزت کرو۔ تے آپس ءچ میل مِلاپ رکھو۔

1تھِسّلُنیکیوں 2:8

تُہاڈے کیتے ساڈی محبت اِتنی ہئی جو اساں نہ صرف خُدا دی خوشخبری سُنڑاونڑ بلکہ تُہاکُوں آپنڑی جان ڈے ڈیوݨ تئیں راضی ہسے کیوں جو تُساں ساکُوں بہُوں عزیز ہَوے۔

گلتِیوں 6:4

اِیں واسطے ہر بندہ آپنڑے کماں کُوں پرکھے، وَل جے او چنگے ہووݨ تاں ایہ ڈُوجھیاں دے نال مُقابلہ کیتے بغیر آپنڑے آپ اُتے فخر کرݨ دا موقع ہوسی۔

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

گلتِیوں 4:19

میڈے بالو! تُہاڈے کیتے میکُوں ولا کنُوں بال جاوݨ وانگُوں دے درد لگے ہِن تے اُوں ویلے تئیں لگے راہسن، جئیں تئیں مسیح دی صورت تُہاڈے ءچ قائم نہ تھی ونجے۔

گلتِیوں 3:14

اِیندا مقصد ایہ ہا جو ابرہام کُوں ڈِتی ہوئی برکت مسیح یسُوع دے وسیلے نال غیر قوماں تئیں پُجے تے اساں اِیمان دے وسیلے نال اُوں رُوح القُدس کُوں حاصل کرُوں جِیندا وعدہ کیتا گِیا ہے۔

2کُرِنتھِیوں 8:3

مَیں اِیں گالھ دا گواہ ہاں جو جِتّی او ڈے سگدے ہَن، اُنہاں ڈِتا بلکہ گُنجائش تُوں وی زیادہ آپنڑی خوشی نال ڈِتا۔

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

رومیوں 10:2

کیوں جو مَیں اُنہاں دا گواہ ہاں جو او خُدا کیتے غیرت تاں رکھیندے ہِن پر سمجھ نال نئیں۔

رومیوں 9:3

کاش اِینویں تھی سگدا جو آپنڑے بِھرانواں دی خاطر جیہڑے میڈی قوم دے لوک ہِن، مَیں مسیح کنُوں جُدا تھی ویندا۔

لُوقا 8:13

تے پتھریلی زمین آلے او ہِن جیہڑے کلام کُوں سُنڑ تے اُونکُوں خوشی نال قبول تاں کریندے ہِن پر جڑھ نئیں رکھیندے۔ اِیں واسطے کُجھ عرصہ تئیں اِیمان رکھ تے ازمائش دے ویلے پِھر ویندے ہِن۔

گلتِیوں 4:14

میڈی ایہ جِسمانی حالت تُہاڈی ازمائش دا سبب ہئی، پر تُساں نہ تاں میکُوں حقیر جانڑیا تے نہ ای مَیں تُوں نفرت کیتی۔ اِیندے بجائے تُساں میکُوں خُدا دے فرشتہ وانگُوں بلکہ مسیح یسُوع وانگُوں قبول کیتا۔

گلتِیوں 4:16

کیا تُہاڈے نال سچ بولنڑ دے سببّوں مَیں تُہاڈا دُشمنڑ بنڑ گِیا ہاں؟