گلتِیوں 4:12 - کِتاب مُقدّس سرائیکی ترجمہ

¹² بِھراؤ! مَیں تُہاڈی مِنت کریندا ہاں جو میڈے وانگُوں بنڑو جِینویں پہلے مَیں تُہاڈے وانگُوں بنڑیا ہم۔ تُساں میڈا کُجھ نُقصان نئیں کیتا۔

گلتِیوں 4:12 Referans Kwoze

2کُرِنتھِیوں 2:5

جے کہیں بندے ڈُکھ ڈِتے تاں صرف میکُوں ای نئیں بلکہ کہیں حد تئیں تُساں ساریاں کُوں وی ڈِتے۔ مَیں ایہ گالھ زیادہ سختی نال نئیں کرݨ چاہندا۔

گلتِیوں 6:14

پر خُدا نہ کرے جو مَیں کہیں چیز اُتے فخر کراں سوائے آپنڑے خُداوند یسُوع مسیح دی صلیب اُتے، جیندے ذریعے دُنیا دی اہمیت میڈے کیتے صلیب اُتے چڑھ گئی ہے تے میڈی اہمیت دُنیا کیتے۔

گلتِیوں 2:14

جِیں ویلے مَیں ڈِٹھا جو او خوشخبری دی سچائی دے مطابق نئیں چلدے، تاں مَیں سبھ دے سامنڑے پطرس کُوں آکھیا جو ”تُوں یہُودی ہوندے ہوئے غیر قوماں وانگُوں زندگی گُزریندا پئیں نہ جو یہُودیاں وانگُوں۔ وَل تُوں کِینویں غیر قوماں کُوں یہُودیاں وانگُوں زندگی گُزارݨ کیتے مجبور کر سگدیں؟“

2کُرِنتھِیوں 6:13

مَیں تُہاکُوں آپنڑی اولاد سمجھ تے ایہ آدھا ہاں جو بدلے ءچ تُساں وی آپنڑے دِلاں کُوں ساڈے کیتے وڈا کرو۔

اعمال 21:21

اُنہاں کُوں ایہ ڈسایا گِیا ہے جو تُوں غیر قوماں ءچ راہنڑ آلے یہُودیاں کُوں مُوسیٰ کُوں چھوڑ ڈیوݨ دی تعلیم ڈیندا ہیں جو بالاں دا ختنہ نہ کرو تے رسماں کُوں نہ منّو۔

گلتِیوں 6:18

بِھراؤ! ساڈے خُداوند یسُوع مسیح دا فضل تُہاڈی رُوح نال راہوے۔ آمین۔

2کُرِنتھِیوں 6:11

کُرِنتھیو! اساں تُہاڈے نال کُھل تے گالھیں کریندے ہیں تے ساڈا دل تُہاڈے کیتے وڈا تھی گئے۔

گلتِیوں 4:11

میکُوں ڈر ہے جو جیہڑی محنت مَیں تُہاڈے اُتے کیتی ہے، کِتھائیں بے فائدہ نہ تھی ونجے۔

گلتِیوں 4:13

تُہاکُوں یاد ہوسی جو مَیں پہلی پھیری بیماری دی حالت ءچ تُہاکُوں خوشخبری سُنڑائی ہئی۔