گلتِیوں 3:16 - کِتاب مُقدّس سرائیکی ترجمہ

¹⁶ خُدا دے وعدے وی جیہڑے اُوں ابرہام تے اُوندی نسل نال کیتے، اِینویں ای ہِن۔ پر کلام ایہ نئیں آدھا جو ”نسلاں نال“ یعنی بہُوں ساریاں نال، بلکہ ”تیڈی نسل نال“ یعنی ہِک ای اِنسان نال۔ تے او مسیح ہے۔

گلتِیوں 3:16 Referans Kwoze

رومیوں 4:13

کیوں جو خُدا ابرہام تے اُوندی نسل نال وعدہ کیتا ہا جو او دُنیا دے وارث ہوسن، پر ایہ وعدہ شریعت دے سببّوں نہ کیتا گِیا ہا بلکہ اُوں راستبازی دے سببّوں جیہڑی اِیمان دے وسیلے نال مِلدی ہے۔

لُوقا 1:55

جیہڑی ابرہام تے اُوندی نسل نال ہمیشاں تئیں راہسی جِینویں اُوں ساڈے پِیُو ڈاڈے نال وعدہ کیتا ہا۔“

رومیوں 4:16

اِیں واسطے ایہ وعدہ اِیمان دے سببّوں مِلدے تاں جو فضل دے طور تے ہووے تے ابرہام دی یکی نسل کیتے ہووے، صرف اُنہاں کیتے نئیں جیہڑے شریعت دے مننڑ آلے ہِن بلکہ اُنہاں کیتے وی جیہڑے ابرہام وانگُوں اِیمان رکھیندے ہِن۔ کیوں جو ابرہام اساں ساریاں دا پِیُو ہے،

گلتِیوں 3:8

خُدا دے کلام پہلے ای پیشن گوئی کیتی ہئی جو خُدا غیر قوماں کُوں اِیمان دے وسیلے راستباز کھڑیسی۔ تے وقت کنُوں پہلے ای ابرہام کُوں ایہ خوشخبری سُنڑا ڈِتی ہئی جو ”تیڈے وسیلے نال سبھ قوماں برکت پیسن۔“

اعمال 3:25

تُساں نبیاں دی اولاد تے اُوں عہد ءچ شریک ہیوے جیہڑا خُدا تُہاڈے پِیُو ڈاڈا نال کیتا جِیں ویلے ابرہام کُوں آکھیا جو ’تیڈی اولاد کنُوں دُنیا دے سبھ لوک برکت پیسن۔‘

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

1کُرِنتھِیوں 12:27

بس تُساں رَل تے مسیح دا بدن ہیوے تے کلھے کلھے اُوندے اَنگ ہیوے۔

1کُرِنتھِیوں 12:12

جِینویں اِنسانی بدن ہِک ہے تے اُوندے بہُوں سارے اَنگ ہِن تے او سبھ اَنگ رَل تے ہِک بدن بنڑیندن، اُونویں ای مسیح دا بدن وی ہے۔

رومیوں 12:5

اُونویں ای بھانویں اساں بہُوں سارے ہیں، وَل وی مسیح ءچ شامل تھی تے ہِک جِسم ہیں تے آپس ءچ ہِک ڈُوجھے دے اَنگ۔

کلُسِّیوں 2:19

او مسیح کُوں جیہڑا بدن دا سر ہے پکڑی نئیں رکھیا، جیندے نال سارا بدن پرورش پا تے، تے جوڑاں تے پٹھیاں دے ذریعے آپس ءچ جُڑ تے خُدا دی مدد نال ودھدا ویندے۔

اِفِسیوں 5:32

ایہ بہُوں گہرا راز ہے پر ایہ مَیں مسیح تے کلیسیا دے بارے ءچ آدھا ہاں۔

متّی 1:1

یسُوع مسیح اِبنِ داؤد اِبنِ ابرہام دا شجرہ۔

رومیوں 9:4

او بنی اِسرائیل ءچوں ہِن تے لےپالک تھیوݨ دا حق تے جلال تے یکے عہد تے شریعت تے عبادت تے وعدے وی اُنہاں کیتے ای ہِن۔

2کُرِنتھِیوں 11:22

کیا او عبرانی ہِن؟ مَیں وی ہاں۔ کیا او اِسرائیلی ہِن؟ مَیں وی ہاں۔ کیا او ابرہام دی اولاد ہِن؟ مَیں وی ہاں۔

گلتِیوں 3:19

وَل شریعت کیوں ڈِتی گئی؟ او اِنسان دیاں نافرمانیاں ظاہر کرݨ کیتے بعد ءچ ڈِتی گئی تاں جو ابرہام دی اُوں اولاد دے آوݨ تئیں قائم راہوے جِیندا وعدہ کیتا گِیا ہا۔ تے شریعت فرشتیاں دے وسیلے نال ہِک درمیانی یعنی مُوسیٰ دی معرفت ڈِتی گئی۔