گلتِیوں 3:14 - کِتاب مُقدّس سرائیکی ترجمہ

¹⁴ اِیندا مقصد ایہ ہا جو ابرہام کُوں ڈِتی ہوئی برکت مسیح یسُوع دے وسیلے نال غیر قوماں تئیں پُجے تے اساں اِیمان دے وسیلے نال اُوں رُوح القُدس کُوں حاصل کرُوں جِیندا وعدہ کیتا گِیا ہے۔

گلتِیوں 3:14 Referans Kwoze

1کُرِنتھِیوں 12:13

کیوں جو اساں ساریاں بھانویں یہُودی ہِن یا یُونانی، بھانویں غُلام ہِن یا آزاد، ہِکو رُوح دے وسیلہ نال ہِک بدن تھیوݨ کیتے بپتسمہ گِھدے، تے ساکُوں ساریاں کُوں ہِکو رُوح القُدس مِلیا ہے۔

اِفِسیوں 2:18

تے ہُنڑ اساں مسیح دے ذریعے ہِکو رُوح القُدس ءچ باپ دے حضُور آ سگدے ہیں۔

گلتِیوں 3:2

مَیں تاں تُہاڈے کنُوں صرف ایہ پُچھنڑ چاہندا ہم جو کیا رُوح القُدس تُہاکُوں شریعت اُتے عمل کرݨ نال حاصل تھئے یا پیغام کُوں سُنڑ تے اُوندے اُتے اِیمان گِھن آوݨ نال؟

اعمال 2:33

ہُنڑ اُونکُوں سرفراز کر تے خُدا دے سجے ہتھ بِلھایا گِیا ہے، تے اُوں باپ کنُوں وعدہ کیتا ہویا رُوح القُدس حاصل کر تے نازل کیتا جِیندا اثر تُساں ڈیدھے تے سُنڑدے ہیوے۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

یُوحنّا 7:39

اُوں ایہ گالھ اُوں رُوح دے بارے ءچ آکھی جیہڑا یسُوع اُتے اِیمان رکھنڑ آلیاں اُتے نازل تھیوݨ آلا ہا، کیوں جو رُوح القُدس اجنڑ تئیں نازل نہ تھیّا ہا، اِیں واسطے جو یسُوع اجنڑ آپنڑے جلال کُوں نہ پُجیا ہا۔

اِفِسیوں 4:30

خُدا دے رُوح القُدس کُوں ناراض نہ کرو جیندے نال تُہاڈے اُتے مخلصی دے ڈینہہ کیتے مُہر کیتی گئی ہے۔

اِفِسیوں 3:16

میں دُعا کریندا ہاں جو او آپنڑے جلال دی دولت دے مطابق تُہاکُوں ایہ بخشے جو تُساں اُوندے رُوح القُدس دے ذریعے آپنڑے آپ ءچ بہُوں زور آور تھی ونجو،

اِفِسیوں 2:22

تے تُساں وی خُداوند ءچ دُوجھیاں نال تعمیر تھیندے ویندے ہیوے تاں جو ایجھا گھر بنڑے جیندے ءچ خُدا آپنڑے رُوح القُدس دے وسیلے راہوے۔

گلتِیوں 4:6

کیوں جو تُساں پوتر ہیوے اِیں واسطے خُدا آپنڑے پوتر دا رُوح القُدس ساڈے دِلاں ءچ بھیجیا تے او ”ابّا“ یعنی ”باپ“ آکھ تے سڈیندا راہندے۔

گلتِیوں 3:16

خُدا دے وعدے وی جیہڑے اُوں ابرہام تے اُوندی نسل نال کیتے، اِینویں ای ہِن۔ پر کلام ایہ نئیں آدھا جو ”نسلاں نال“ یعنی بہُوں ساریاں نال، بلکہ ”تیڈی نسل نال“ یعنی ہِک ای اِنسان نال۔ تے او مسیح ہے۔

2کُرِنتھِیوں 1:22

تے اُوں ساڈے اُتے آپنڑی مُہر وی کیتی تے رُوح القُدس کُوں آپنڑیاں برکتاں دے بیعانہ دے طور تے ساڈے دِلاں ءچ پاتا۔

اعمال 5:32

اساں اِنہاں گالھیں دے گواہ ہیں تے رُوح القُدس وی، جیہڑا خُدا آپنڑے فرمانبرداراں کُوں عطا فرمائے۔“

اعمال 4:12

تے کہیں بئے دے وسیلے نجات نئیں مِلدی کیوں جو اسمان دے تلے لوکاں کُوں کوئی ڈُوجھا ناں نئیں بخشیا گِیا جیندے وسیلے نال اساں نجات پا سگوں۔“

لُوقا 24:49

تے ڈیکھو، مَیں تُہاڈے اُتے اُونکُوں نازل کریساں جِیندا وعدہ میڈے باپ کیتے، پر جئیں تئیں تُہاکُوں اسمان کنُوں قوت نہ مِلے اِیں شہر ءچ ٹِکے راہو۔“

لُوقا 11:13

جِیں ویلے تُساں بُرے ہووݨ دے باوجود آپنڑے بالاں کُوں چنگیاں چیزاں ڈیوݨ جانڑدے ہیوے تاں تُہاڈا اسمانی باپ آپنڑے منگنڑ آلیاں کُوں رُوح القُدس کیوں نہ ڈیسی؟“

1 پطرس 3:9

بُرائی دے بدلے بُرائی نہ کرو، تے مندھے دا جواب مندھے نال نہ ڈیؤ بلکہ اِیندے بجائے ڈُوجھیاں کیتے برکت چاہو کیوں جو خُدا تُہاکُوں برکت دے وارث تھیوݨ کیتے سڈیا ہے۔