گلتِیوں 3:11 - کِتاب مُقدّس سرائیکی ترجمہ

¹¹ ہُنڑ ایہ صاف ظاہر ہے جو شریعت دے وسیلے نال کوئی بندہ خُدا دی نِگاہ ءچ راستباز نئیں کھڑدا کیوں جو لِکھیا ہے جو ”راستباز اِیمان نال ای زندہ راہسی۔“

گلتِیوں 3:11 Referans Kwoze

رومیوں 1:17

کیوں جو خوشخبری خُدا دی راستبازی کُوں ظاہر کریندی ہے، او راستبازی جیہڑی اِیمان ای دے ذریعے حاصل تھیندی ہے، جِینویں پاک کلام ءچ لِکھیا ہے جو ”راستباز اِیمان نال زندہ راہسی۔“

عبرانیوں 10:38

میڈا راستباز بندہ اِیمان نال زندہ راہسی، جے او پِچھاں ہٹ ونجے تاں میڈا دل اُوں کنُوں خوش نہ تھیسی۔“

گلتِیوں 2:16

پر ایہ جانڑدے ہیں جو اِنسان شریعت اُتے عمل کرݨ نال نئیں بلکہ صرف یسُوع المسیح اُتے اِیمان گِھن آوݨ نال راستباز کھڑایا ویندے۔ اِیں واسطے اساں وی مسیح یسُوع اُتے اِیمان گِھن آئے تاں جو شریعت اُتے عمل کرݨ نال نئیں بلکہ مسیح اُتے اِیمان گِھن آوݨ نال راستباز کھڑائے ونجُوں کیوں جو شریعت دے اعمال کنُوں تاں کوئی اِنسان راستباز نئیں کھڑایا وَنج سگدا۔

مُکاشفہ 5:9

تے او ایہ نواں گیت گاوݨ لگے جو ”تُوں ای اِیں لائق ہیں جو طُومار کُوں گِھن تے اُوندیاں مُہراں کھولیں، کیوں جو تَیں ذبح تھی تے آپنڑے خون نال ہر قبیلہ، ہر زبان، ہر اُمت تے ہر قوم ءچوں لوکاں کُوں خُدا دے واسطے مُل گِھن گِھدے۔

یعقُوب 3:2

اِیں واسطے جو اساں سبھ بہُوں ساریاں غلطیاں کریندے ہیں۔ کامِل بندہ او ہے جیہڑا آپنڑی کہیں گالھ ءچ خطا نئیں کریندا۔ ایجھا بندہ آپنڑے سارے بدن کُوں وی قابو ءچ رکھ سگدے۔

یعقُوب 1:27

ساڈے خُدا باپ دی نظر ءچ حقیقی تے بے عیب دینداری ایہ ہے جو یتیماں تے بیوہ عورتاں دی مُصیبت ویلے خبر گِیری کرو تے آپنڑے آپ کُوں دُنیا کنُوں بچا تے بے داغ رکھو۔